စစ်ပြန်ကြီးတွေ တွေ့တဲ့ပွဲ

ပြန်တွေ့ကြတော့လည်း
သောက်သောက်စားစားပေါ့
ပေါ့ပါး သွေးပြန်ကြွတယ်...
အနှစ် ၂၀.. တို့တွေ ကျင်လည်ပုံ ဘ၀ခြားကုန်ကြတယ်။

ဟေ့ကောင်ကြီး
မသေသေးဘူးနော်...
ရယ်လိုက်ကြတယ်
ငါတို့ ဆံပင်ဖြူတွေတောင် ရယ်စရာ ဖြစ်စေတယ်။
ဝမ်းဗိုက်ရွှဲရွှဲကြီးတွေကလည်း ရယ်စရာဖြစ်
မျက်မှန်ထူလာတာလည်း ရယ်စရာဖြစ်တယ်။
ရောဂါ အနာတွေလည်း ရယ်စရာဖြစ်တယ်။
ထိပ်တိုက် ကိုယ်ကျိုးမပါတော့လည်း အကုန်ရယ်စရာဖြစ်တယ်။

ဟိုကောင်ကွာ
သေရှာပြီ.. ဟား ဟား ဟား
လူတယောက်သေတာကို ရယ်ပွဲဖွဲ့ ပြောနိုင်တဲ့ ညနေခင်း
သေသူက ၀ဋ်ကျွတ်သွားတဲ့အလား
ကျန်တဲ့သူက ဆင်းရဲဒုက္ခ များနေရသလို ပြောဖြစ်ကြတယ်..
အေးလေ..
သူ့ကိုယ်သူ တန်ဖိုး မထားရှာဘူး။
ခေတ်ကလည်း သူ့ကို တန်ဖိုးမထားရှာဘူး။

ခင်ဗျား ဟိုကောင်မလေးကို မှတ်မိသေးလား...
ခင်ဗျား အဲဒီကိစ္စ မှတ်မိသေးလား...
ခင်ဗျား ကျနော့်ကို ပြဿနာရှာထားတာလေ..
ကြိုးစတွေ ပြန်ပြန်ဆွဲဖွမှ
မမှတ်မိတာတွေ အများကြီး
စကားရေစီးက နှစ်တွေဖြတ်စီးလာတယ်။

တော်ပါကွာ... သီချင်းဆိုကြပါစို့...
ကာရာအိုကေ.. ကာရာအိုကေ...
ခပ်ထွေထွေရှိလာတော့
ငါတို့ကိုယ်ငါတို့ ပြန်ဖျော်ဖြေသလား..
"ငါ့ကို မုန်းတာဘယ်သူတွေလဲ... သိချင်စမ်း
သွေးတွေဆူဘီ သိရဲ့လား"
တူးတူးခါးခါး ခြစ်အော်ကြ
မျက်စေ့စုံမှိတ် "ပျောက်ဆုံးသော နိဗ္ဗာန်ဘုံ" ကို ပြန်လွမ်းရ
ခေတ်ဆွေးကြီးတွေ ကွဲတဲ့ည။

ယောဟန်အောင်
၁၅ ဇန်န၀ါရီ ၂၀၀၉။
မဲဆောက်က ရဲဘော်ဟောင်းများ ပြန်ဆုံတွေ့တဲ့ပွဲ အမှတ်တရ