ကိန်းရဲ့ အမှတ်အသား (The Mark Of Cain)

သနားဖွယ် ဘုရားဖူးများက သူတို့ကိုယ်သူတို့ ပင်ပန်းစွာ တရွတ်ဆွဲလို့ 

ရှေးဟောင်း ဆီးရီးယားကိုဖြတ်လို့ မက္ကာဆီသို့ လမ်းတလျှောက် 
အုပ်ဖွဲ့ ပူးကပ်၊ လူချင်းထပ်လို့
ဘုရားဖူးတွေ ထင်ယောင်မှားခြင်း နဲ့ ပူပန်လှုပ်ရွနေခြင်းတို့ အဝေးမှာ
နောင်တရလို့၊ နောင်တရလို့၊ နောင်တရလို့...

အချင်းချင်း တိုးတိုက်မိ။

ငါက တောင်ထိပ်မှာ

နောင်တပူဆွေးခြင်းမရှိတဲ့ အပြစ်သားလိုရပ်နေခဲ့

တချိန်တုန်းကတော့ အဲဒီနေရာမှာ (မရောထွေးလိုက်ပါနဲ့)

အေဘယ်လ်ကို ကိန်းက သတ်ခဲ့တယ်။

ပြီး၊ သွေးတို့ရဲ့ ထုတ်ပြန်ကြေညာချက်များထဲက
မေ့မရနိုင်ဆုံး
အရေးကြီးတဲ့ အသံတော်ကိုကြားရတယ်၊ 
'ကိန်း၊ မင်းရဲ့ညီ အေဘယ်က ဘယ်မှာလဲ ? '
ဒါပေမယ့် နောက်တကြိမ် ပါးစပ်ကဘုရား ဘုရား၊ လက်ကကားယား ကားယား ဖာရိုင်ဆီး (Pharisees) တွေက 
မသတီစရာ ချိုသာတဲ့အသံများနဲ့ 
' အတုအယောင် မြော်မြင်ချက်များအတွက် မင်း ဘာလို့ စိတ်ပူနေရဦးမှာလဲ?  
ဟုတ်တယ်၊ အေဘယ်ကို တို့ ချန်ထားခဲ့သင့်တာပေါ့
ဝန်ခံရရင်၊ နည်းနည်းတော့ အမှားတခုရှိခဲ့တယ်၊ 
ဒါပေမယ့်၊ ယေဘုယျဆိုရရင် ငါတို့က လမ်းကြောင်းမှန်ပေါ်မှာပါ...' တဲ့။

ငါကတောင်ထိပ်ပေါ်မှာ ရပ်နေခဲ့
ရှေ့ဆက်သွားနေသူများနဲ့ နောက်ကျန်တဲ့ အိမ်ရှင်တို့အကြား၊ 
လူတွေက သူတို့စိတ်ကြိုက် ဖောက်ပြားပျက်စီးမှုမျိုးကို ကျူးလွန်နိုင်တဲ့

ကမ္ဘာတခုရဲ့ အပေါ်မှာ၊

အဲဒီမှာ လျှပ်စီးပြက်လက်၊ မိုးကြိုးထစ်တာ မရှိခဲ့ 
ဒါပေမယ့် ကျောက်တုန်းများက ပါးစပ်ကျယ်ကြီးများနဲ့ ငိုယိုနေကြ၊ 
'ဝိဉာဉ်လိပ်ပြာရဲ့ ဖောက်ပြား ပျက်စီးခြင်းက သွေးထွက်သံယိုမရှိ ဖြစ်နိုင်တယ်၊
ဒါပေမယ့် အဲဒါကလည်း ညီအစ်ကို သွေးချင်းကြား သတ်မှုမျိုးပါပဲ ! '
ပြီးတော့ ငါမှန်းဆမိ၊ မှောင်မှိုင်း၊ ပျက်စီးနေတဲ့

မိဘမဲ့ကလေးတွေရဲ့ အုတ်ဆောင်၊ 
အဲဒီမှာ ဟန်းဘိန်း (henbane) ပန်းခြုံတွေနဲ့၊
အေဘယ်ရဲ့ ကလေးတွေကို

ကိန်းရဲ့ကလေးတွေက မုသားတွေကို ဇွန်းနဲ့ခွန့်ကျွေးလို့၊
အေဘယ်ရဲ့ ကလေးတွေ မျက်နှာများမှာ 
သူတို့ လုပ်ဆောင်ရမယ့်ဟာကို သူတို့သိတဲ့ပုံနဲ့ လုပ်ဆောင်လို့၊ 
အမြဲတန်း တိတ်ဆိတ်နေ 
ကိန်းရဲ့ အနီ အမှတ်အသားက ပြထင်နေ...

ပြီးတော့ ငါ၊ ဘယ်သူ့ကိုမှ မသတ်တဲ့သူက

အကျဉ်းအကျပ် တောင်ထိပ်မှာ ရပ်နေခဲ့၊   
ဒါပေမယ့် ငါ့အသိဉာဏ်က သမ္မာကျမ်းစာလို

တတွတ်တွတ် ညည်းတွားနေခဲ့၊ 'မင်း ထွက်ပြေးလို့ မရနိုင်ဘူး 
မင်းက ဝိဉာဉ်လိပ်ပြာကို မုသားတွေနဲ့ ဖောက်ပြားပျက်ယွင်းစေခဲ့ပြီ 
ပြီး၊ မင်းရဲ့ ဝိဉာဉ်လိပ်ပြာက ပဲ့ကြေ၊ အတွင်းမှာ အက်ကြောင်းထင်၊
ပြီး၊ မင်းကိုယ်တိုင်ကို သတ်ဖို့ - ဒါဟာ ညီအစ်ကို သွေးချင်းတွေကြား သတ်တာပဲလို့

ဖုံးကွယ်ထားလို့ မရနိုင်။ 
ပြီး၊ မိန်းမဘယ်မျှ၊ မင်းလှည့်ဖျားခဲ့သူတွေ၊ 
မင်းရဲ့လမ်းတလျှောက်မှာ သံစွဲကားကျက်ထားသူများလို လဲလျှောင်းလို့ -
ဒါပေမယ့် အမျိုးသမီးတွေက၊ မင်းရဲ့ ညီအစ်မတွေပဲ၊ 
ညီအစ်ကိုချင်း ပြန်ပေးဆပ်နိုင်တာထက်ကို ပိုလို့ တန်ဖိုးကြီးရဲ့။
ပြီး၊ မြင်းစီးစစ်သည်တွေက ခွက်ချင်းတိုက် ဆုတောင်းသလို၊ 'အမျိုးသမီးကောင်းတို့'
သူတို့ ဘာတန်ဖိုးရှိပါသလဲ၊ 
သင်္ကြန်အမြောက်လို၊ အနှစ်မရှိ ပေါ့တန်တန်။
မင်းမရှောင်လွှဲနိုင်တဲ့ - အချစ်ကိုသတ်ဖို့ 
ဒါဟာလည်း ညီအစ်ကို သွေးချင်းတွေကြား သတ်တာပဲ၊
တစုံတယောက်ရဲ့ မီးခိုးညိုရောင် မျက်လုံးများက
မင်းကို အထင်မြင်သေး စိုက်ကြည့်နေ၊ 
မင်းရဲ့ နဖူးမှာ ထာဝရကျန်နေတဲ့ ကိန်းရဲ့ အမှတ်အသားက

အမာရွတ်ထင်နေ ...'
ငါ တုန်ခါနေခဲ့တယ် - 
'တိတ်တိတ်နေကြ၊ အို… ဝိဉာဉ်လိပ်ပြာတို့ ...
မင်းသိပါတယ်၊ ဒါက နှိုင်းယှဉ်လို့ မရပါဘူး။ 
ကလေးတွေကတဲ့ ဆပ်ကပ်ပွဲကို
ရိုမန်တွေရဲ့ သွေးထွက်သံယို သတ်ဖြတ်ပွဲကြီးနဲ့ ယှဉ်သလိုပေါ့ '

ဒါပေမယ့် အရိုးပေါ်အရေတင် ကိန်းရဲ့ အရိပ်က
လက်မှီထားတဲ့ ကျောက်တုံးများကြားက ငေါထွက်လာခဲ့ 
ပြီး၊ သူသတ်ခဲ့တဲ့ ညီရဲ့ သွေးများက
ငါလက်ကြားက အတောမသတ် စီးကျနေ။

'ကြည့်စမ်း - ငါ့ရဲ့ သွေးစွန်းလက်နဲ့ နှုတ်ဆက်ပုံ၊
ကလေးတယောက်က လိပ်ပြာများရဲ့ ကတ္တီပါတောင်ပံများကို

စပ်စုလိုစိတ်နဲ့ ဆွဲဖြုတ်၊ ကြုံရာကျပန်း ပျော်နေသလို၊
ပြီးတော့ ဒါလည်း ညီအစ်ကိုသွေးချင်းကြား သတ်ဖြတ်မှုပဲ '

ငါ့ရဲ့ အသိဉာဏ်ဝိဉာဉ် - ကိန်းရဲ့ အမှတ်အသား

အကာအကွယ်ပေးမှု၊ 
ရှေ့ဖြစ်ဟောသူ အမျိုးသမီးကြီးက

ရှေ့ဖြစ်မြင်တဲ့ ခါးသီး ဝမ်းနည်းမှုများနဲ့

နောက်တကြိမ်ပြောတယ်၊ 
' ထာဝရ ကောင်းကင်များကို မင်း ဘာပြောမလဲ
မင်းပြန်မပြေးနိုင်တော့တဲ့အခါ ကြယ်များရဲ့ တရားခုံရုံးကို [မင်းဘာပြောမလဲ]
ငါက အပြစ်မဲ့ပါတယ်လို့ ပြောဖို့ရာဆိုရင် အလိမ်အညာ မုသားတွေပဲ ပြောရာကျမယ် 
ဒါပေမယ့် ယေဘုယျပြောရင် ငါက လမ်းကြောင်းမှန်ပေါ်မှာ ရှိနေပါတယ်။

မင်း သိပါတယ်။ မင်းမုန်းနေကြသူများ အားလုံးက
ဒီကိစ္စကို အမှန်လို ဝိုင်းဝန်းဖန်တီးခဲ့ကြတာပဲ 
စီးကရက်ကုန်သွားတဲ့အခါ
အသားလောင်ကျွမ်းတဲ့အနံ့၊ ဝင်စတန် (Winstons)၊ ကန့်စ် (Kents) [ဘာတံဆိပ်ပဲ ဖြစ်ဖြစ်] 
ပြီးတော့ ဂျွန်ကို ဖြတ်သွားတဲ့ကျည်ဆန်က
ရောဘတ်ကနေဒီကို သတ်လိုက်တယ်။
ကမ္ဘာမြေကို ရည်ရွယ်ပစ်တဲ့ ဗုံးများက၊ တခါ
ကျေးရွာများကို အညိုရောင်ပြောင်း၊ သွေးတွေနဲ့ နီရဲစေခဲ့တယ်။ မီးနဲ့ မဲစေတယ်။
ဝန်ခံပြောရရင် သူတို့ [ဗုံးများ] ကလေးတွေအပေါ် ကျခဲ့ပါတယ်၊ 
ဒါပေမယ့် ယေဘုယျပြောရင် ငါက လမ်းကြောင်းမှန်ပေါ်မှာ ရှိနေပါတယ် ...
အရာရာတိုင်းက လိပ်ပြာများနဲ့ စတင်ခဲ့တယ် 
နောက်ပိုင်း ဒါတွေက ဗုံးများလို လုံးဝန်းလာ...
ဘယ်လောက်ဆေးကြော ဆေးကြော သန့်စင်မှာ မဟုတ်ဘူး -
မင်းလက်ထဲစွန်းတဲ့ သွေးများ၊ မင်းရဲ့ ပျက်ကိန်းဖြစ်ပေလိမ့်။
အကိုက်ညီဆုံး သတ်ဖြတ်မှုက -
ကိန်းကိုယ်တိုင်ကို အဇ္ဈတ္တအတွင်းထဲက သတ်ဖြတ်မှုပေပဲ '

ကျဉ်းကျပ်တဲ့ တောင်ထိပ်မှာ ငါခြေချစရာ ဆုံးရှုံးလို့၊ 
ထာဝရဘုရားနဲ့ မျက်နှာချင်းဆိုင်၊ 
ငါ့နံဘေးက အသားကို ငါဆွဲဖြဲထုတ်
ပြီး၊ လည်ညှစ်သတ်လို့ သေနေတဲ့ကိန်းရဲ့ သန္ဓေကို [ထုတ်တယ်]။
ငါ ဆိုးယုတ်မှု၊ အနိဌာရုံလို့ သက်ရောက်တာတိုင်းကို

မင်းနောက်ပိုင်းမှာ အထင်မြင်သေးစရာဖြစ်မယ့် အရာတိုင်းကို

လည်ညှစ်သတ်ခဲ့တယ်၊ 
ဒါပေမယ့် လိပ်ပြာများရဲ့ ကျိုးပဲ့တဲ့ တောင်ပံများက

အနာကုစားဖို့ သိပ်ကိုနောက်ကျနေခဲ့ပြီ။

ပြီးသွေးများပေကျံနေတဲ့၊ မမြင်သာတဲ့ လေထုက  
အာကာသရဲ့ ဒေါသတွေနဲ့ ငါ့ဆီ ကြိမ်ဆော်ခဲ့။
သမ္မာကျမ်းစာရဲ့ စာမျက်နှာများက
ငါ့မျက်နှာကို တဖြန်းဖြန်းရိုက်ခတ်သလို ...

ယက်ဗ်ဂေနီ ယက်ဗ်တူရှင်ကို (Yevgeny Yevtushenko)

၁၉၆၇ ခုနှစ်။
Translated by Geoffrey Dutton with Igor Mezhakoff-Koriakin (revised) 

သမ္မာကျမ်းစာလာ ဇာတ်လမ်းအချို့ကို နားလည်ဖို့ လိုအပ်လိမ့်မယ်။ ကိန်းက ညီဖြစ်သူ အေဘယ်ကို သတ်လိုက်မိတဲ့အခါ ဘုရားသခင်က ပြစ်ဒဏ်ချတယ်။ ကိန်းရဲ့နဖူးမှာ အခြားသူများဘေးရန်ကို ကာကွယ်ဖို့ အမှတ်အသားတခု ပြုခဲ့တယ်လို့ ဆိုတယ်။ ဘုရားသခင်က ကိန်းကို ပြောတယ်။ ကိန်းကို သတ်မယ်ဆိုရင် ဘယ်သူပဲဖြစ်ဖြစ် လက်စားခြေခြင်း ၇-ကြိမ် တိုင်တိုင် ခံရမယ်။ (ကမ္ဘာဦးကျမ်း ၄၊ ၁၅) သို့သော်လည်း ဒီအမှတ်အသားက ကိန်းကို တိုက်ခိုက်မှု၊ သတ်ဖြတ်ခံရမှုက ကာကွယ်မပေးနိုင်ခဲ့ဘူး။