ဟမ်းဘာ့ဂ် ဖယောင်းပြတိုက်မှာ (In The Wax Museum At Hamburg)

တတန်းလုံးက မင်းမျိုးမင်းနွယ်တွေနဲ့ အပြည့် 

အထက်စီးဆန်၊ အမြီးတိလို့၊
ဂျာမန် မင်းညီမင်းသားတွေက
ရုရှား ကွန်မြူနစ်အပေါ် စိမ်းစိမ်းဝါးဝါးကြည့်နေ။

သမ္မတများ၊ အဓိပတိများ အားလုံး
သူတို့ရဲ့ ကွဲပြားခြားနားတဲ့ အူထဲမှာ -
သူတို့ရဲ့ ညစ်ပတ်မှုက သူတို့အမျိုးအစားအလိုက်

မှောင်မဲထိုးထွက်နေ
သူတို့ရဲ့ ရဲတိုက်များ နဲ့ အဲဒီအထဲက သူတို့ရဲ့ ကလိမ်ကကျစ်
အောက်တန်းကျ အရှက်ကင်းမှုတွေ။

ဒါတွေက ဘဝမှာ ဒဏ်ရာရသူများ၊

သူတို့ကို ထုပ်ပိုး၊
အသက်ရှူမွမ်းစေ၊ ပြီးတော့

ဒီနေရာမှာ ထာဝရရှင်သန်အောင်ပြုထား၊ ဒါမှမဟုတ်ရင် နေဦး မဟုတ်သေးဘူး၊

သူတို့ကို ဖယောင်းမံထားတယ်။

ဒီလို ကြီးထွားနေတဲ့ လူဝကြီးများကြားမှာ
ဒီလို အဆီပြန်နေတဲ့ အရူးများနဲ့ ပိန်းချုံးချည့်နဲ့၊ အငြိုးအတေးထားတဲ့ (ဒဏ္ဍာရီလာ) မွန်းစတားတို့။
သင် ဘယ်လိုပြုတ်ကျခဲ့သလဲ
ရှီလာ (Schiller)။ မင်းကရော။
မိုးဇတ် (Mozart)။ အမှောင်ကြား တောက်ပတဲ့ မြက်ခင်းများအကြား
တောနက်ထဲက ပန်းများလို ကျဆင်းလာသင့်သလား။

ဒါပေမယ့် သင်တို့က ဒီမှာ၊ ငါ့အဆွေဟောင်းတို့၊
ရန်သူတော်တို့၊
အားလုံး ကျိန်ဆဲစရာကောင်းသူတို့။ ရန်သူတွေရဲ့ အကြည့်များက ငါ့ကို
သတ်ချင်နေကြတယ်။ ဒါပေမယ့် သိပ်မဆိုးပါဘူး။
ဒါမျိုးက ဘစ်စမတ် (Bismarck) က ကြည့်တာမျိုးနဲ့

သိပ်မတူပါဘူး။ သေချာတာက
ဟစ်တလာ (Hitler) က ကြည့်တာမျိုးနဲ့လည်း မတူပါဘူး။ ငါဆက်ကြည့်ရင်း၊ တဖြည်းဖြည်း ငါမြင်လာ၊
သူတို့ကြားထဲ သေစေတဲ့ တစ္ဆေများလို
ရန်သူတို့ရဲ့ ပုံစံ၊ ဖယောင်းတိုင်လို ပုံစံများက

ရှင်နေကြဆဲ။ ဟုတ်တယ်။ ရှင်သန်နေကြဆဲ။

ဒီမှာ ဝန်ကြီးချုပ်တယောက်၊

ဟိုမှာ နောက်တယောက်၊ ပြီး သူက
ဘာမှ တောက်ပြောင်တဲ့ သာဓကရှိတာ မဟုတ်။ သူလည်း ရှိတာမဟုတ်။
ဒါပေမယ့် သူတို့က ဥပမာကောင်းဖြစ်နိုင်တယ်၊ ဟုတ်တယ်။
သူတို့က ညစ်ပတ်သူတွေ၊ ရက်စက်သူတွေ၊ အယောင်ဆောင်တွေ ...

ငါက သူတို့ကို ဒီနေရာအရောက် ကိုယ်တိုင်လာစေချင်တာ
လည်ပင်းမှာ ပုဝါချည်လို့ ဖယောင်းပြတိုက်အထဲကို၊
သူတို့ ဝတ်စားပုံအတိုင်း ခုံစီလို့။ သူတို့ကို သူတို့ရဲ့ ရာဇဝတ်မှုအလိုက်

စီထားရင် ပိုကောင်းလိမ့်မယ်။
သူတို့ရုပ်ဆိုးသလိုမျိုး ဖယောင်းထဲကို သူတို့ကို နှစ်မြုပ်ထားရမှာ။

ငါပြောပါတယ်။ ဖယောင်းပြတိုက်က ရိုင်းပြ
လူဖျင်းတွေနဲ့ အယုတ်တမာကောင်များအတွက်၊
ငါကတော့၊ သူတို့ကို ရွံတယ်၊ စိတ်ကုန်တယ်။ ခွေးမသားတွေက…
ငါတို့ကို လိမ်နေခဲ့တာ ကြာလွန်းနေပြီ
ခုချိန်က သူတို့ကို အသက်ရှင်ရက် လဲလျောင်းခိုင်းရမယ့် အချိန်၊
ဟုတ်တယ်၊ ဖယောင်းထဲမှာ။

သူတို့ပါးစက်တွေကို ဖယောင်းတွေနဲ့ သရွတ်ကိုင်ကြစို့၊
ပိတ်လိုက်၊ သူတို့လက်များကို ရပ်ဆိုင်းအောင် လုပ်ကြ
အဲဒီနေရာမှာ
ပြီး သူတို့ကို ငြိမ်ငြိမ်

ရပ်နေပါစေ။ ငြိမ်ငြိမ်မှ တကယ့် ငြိမ်ငြိမ်။ 
ကြက်ကလေးက တကယ့်ငြိမ်ငြိမ်၊ ရိုသေကျိုးနွံ ရှိနေသလို၊ 

သေနေပါစေ။

ဒီမှာ၊ အခုငါက တော်လှန်ရေးအတွက် ငါ့အစီအစဉ်နဲ့

ထွက်ပေါ်လာခဲ့ပြီ။ ငါက လူတိုင်းကို

တောင်းဆိုတယ်။ သူတို့စင်မြင့်တွေပေါ်က ဆွဲချကြ၊
မင်းတို့က ဒီလိုလုပ်နေတုန်း၊ တတ်နိုင်သလောက် ကျယ်ကျယ်လောင်လောင်

ရယ်မောကြ၊ ဝီစီတွေ မှုတ်ကြ။ သူတို့ကို ဆွဲထုတ်ကြ။
ပြည်သူတို့ … ဒီထက်နည်းနည်းလေးပိုပြီး
သန့်စင်တဲ့ ဒေါသူပုန်ထကြ။

ဒီအမှိုက်တွေအားလုံးကို ဆွဲချပစ်ရမယ့် အချိန်ပဲ
သူတို့ရဲ့ သက်တောင့်သက်သာ ကုလားထိုင်တွေပေါ်ကနေ
သံတွေ ဆွဲနှုတ်သလို၊ သံတွေ ဆွဲနှုတ်ကြသလိုမျိုး

ရူးရူးသွပ်သွပ်၊
ဒီအချိန်ပဲ၊ ပူလောင်တဲ့ တောက်ပအလင်းများအောက်မှာ
သူတို့ရဲ့ လသာဆောင်များကနေ ဆွဲချရတော့မယ့် အချိန်ပဲ
ဒီလို ထုံထိုင်းတဲ့မျက်နှာများ စုစည်းထားမှုက
အဆီဝေ့နေတဲ့ အစိမ်းရောင်ရေကန်များက ငါးကြင်းငါးသိုင်းတွေလို။

ခုချိန်ပေါ့။ နောက်ဆုံး အခုအချိန်ပါပဲ
ဒီလို အမှိုက်သရိုက်တွေ ရှင်းပစ်ဖို့။ ဖယောင်းပြတိုက်ထဲက
လူလိမ်များ၊ မကောင်းဆိုးရွား ကျောင်းတော်များထဲက အဲသလို ဘုန်းတော်ကြီးများ၊
ပြည်သူတို့၊ ပြောစမ်းပါ။ နှုတ်ဆိတ်မနေကြပါနဲ့။
ဖယောင်းပြတိုက်ထဲက
နိုင်ငံ့ခေါင်းဆောင်များက
ဦးခေါင်းမရှိကြပါဘူး။

တကယ်မို့ တယောက်ယောက်က လိမ်ညာရင်၊ သူက

နည်းလမ်းအသစ် သုံးခဲ့တယ် ဆိုဦးတော့၊
သူ့အစာပြွန်ထဲ ဖယောင်းတွေဖြည့်
ဒီ ဖယောင်းပြတိုက်ထဲ ပို့လိုက်ပေါ့။
ခုတိုင်ေ-ာက်ရေးမပါတာတွေက အများအပြား၊
လူလိမ်တွေက များသား၊ ဟေး…
ပျားတို့ ။ မင်းဖင်ကထုတ်စမ်း
ဖယောင်းတွေ၊ ညီငယ်လေးများ၊ ငါတို့ ဒါကိုလိုတယ်ကွ။
ယက်ဗ်ဂေနီ ယက်ဗ်တူရှင်ကို (Yevgeny Yevtushenko)
Translated by James Dickey with Anthony Kahn