ဟာသ (Humor)

ဇာများ၊ ဘုရင်များ၊ အင်ပိုင်ယာပြည့်ရှင်များ 

ကမ္ဘာမြေပေါ်က အာဏာပိုင်ကြသူများက
လူများစွာကို ချီတက်အလေးပြုကြဖို့ အမိန့်တွေပေးခဲ့ကြတယ်
ဒါပေမယ့် ရယ်စရာဟာသတခုကိုတော့ အမိန့်မပေးနိုင်ကြဘူး။

ထင်ပေါ်ကျော်ကြား ထိတ်ထိတ်ကြဲ ပုဂ္ဂိုလ်များရဲ့ နန်းတော်များကို
လူလေလွင့် အီဆွပ် (Aesop) လာလည်တော့  

တနေ့လုံး သက်တောင့်သက်သာ တသွေးတမွေးဖြစ်နေသူများက
သူတို့က သူ့ကို သူဆင်းရဲတယောက်လို ကန်ကျောက်ရိုက်နှက်ခဲ့ကြတယ်။

အိမ်များထဲမှာ၊ သီလကြောင်တွေက
သူတို့ရဲ့ သေးကွေးနဲ့ ခြေထောက်ရာတွေ ချန်ထားရစ်ခဲ့ကြတယ်၊
အဲဒီမှာ ဟော့ဂျာ နာစရက်ဒင် (Hodja-Nasred-Din) က သူ့ရဲ့ ပြက်လုံးတွေနဲ့
ရိုင်းပြမှုတွေအားလုံးကို သန့်စင်စေခဲ့တယ်၊
စစ်တုရင်ရုပ်တွေရဲ့ ကစားခုံတခုလို။

သူတို့က ဟာသအတွက် အမိန့်ထုတ်ဖို့ ကြိုးပမ်းကြတယ်၊
ဒါပေမယ့် ဟာသက သယ်ဆောင်လာလို့ရတာ မဟုတ်၊
သူတို့က ဟာသကို သတ်ဖြတ်ဖို့ ကြိုးစားခဲ့ကြတယ်၊
ဒါပေမယ့် ဟာသက သူတို့ကို သရော်မော်ကားလုပ်တယ်၊
ဟာသကို တိုက်ခိုက်ဖို့ ခက်ပါပေ့။

သူတို့က သူ့ကို တကြိမ်ပြီးတကြိမ် ကွပ်မျက်ခဲ့ကြတယ်၊
ဖြတ်ထားတဲ့ သူ့ရဲ့ခေါင်းကို
အချွန်တခုမှာ ထိုးစိုက်လို့။
ဒါပေမယ့် ရှေးပြဇာတ်သရုပ်ဆောင်တွေက ပုလွေမှုတ်တာနဲ့
သူတို့ရဲ့ အရွှန်းပြက်လုံးဇာတ်ကို စကြတော့တာပဲ၊
ဟာသက အံတုထကြွ အော်ဟစ်တာပဲ၊
'ငါ ပြန်လာပြီ။ ငါ… ဒီမှာ '
ပြီး၊ ခြေလှုပ်ရှား စတင်ကတော့တယ်။

တိုပြီး၊ ဟောင်းနွမ်းနေတဲ့ အပြင်ဝတ်ကုတ်အင်္ကျီထဲမှာ
မျက်လုံးများ နှိမ့်ချလို့၊ နောင်တ မျက်နှာဖုံးတခုနဲ့
နိုင်ငံရေး ရာဇဝတ်ကောင်၊ သူက
ခုတော့ ဖမ်းခံထားရပြီး၊ ကွပ်မျက်ခံရဖို့ လျှောက်သွားခဲ့တယ်၊

သူက နည်းလမ်းတိုင်းနဲ့ စောဒကတက်ဖို့ ဖော်ပြခဲ့တယ်၊
ဘဝရဲ့ အခြားဘက်ခြမ်းကို လက်ခံလို့၊
ဒါပေမယ့် ချက်ချင်း သူက ကုတ်အင်္ကျီအောက်က လူးလွန့်ခဲ့
ပြီး၊ သူ့လက်ကို ဝှေ့ယမ်းတယ်၊ ကဆုန်စိုင်းပြေးတယ်။

ဟာသကို အချုပ်ခန်းထဲ ပစ်ထည့်ခဲ့တယ်
ဒါပေမယ့် လုပ်ခဲ့တာ သိပ်ကောင်းပါတယ်၊
ဟာသက အကျဉ်းထောင်သံတိုင်တွေနဲ့

ကျောက်နံရံတွေကို ဖြတ်ထွက်သွားတယ်။
အဆုပ်များထဲက ချောင်းဆိုးထုတ်လို့
ရာထူးတာဝန်ရှိကြတဲ့ ဘယ်သူမဆိုလိုပဲ
သူက လူကြိုက်များတဲ့ ခပ်ရိုးရိုးစင်းစင်းသီချင်းတိုကို ဆို၊
ဆောင်းရာသီနန်းတော်အပေါ် ရိုင်ဖယ်သေနတ်ကိုကိုင်လို့
ချီတက်လမ်းလျှောက်တယ်။

သူ့ကို မျက်မှောင်ကြုတ်ကြည့်ကြတာမျိုးတော့ သူ ကျင့်သားရနေပြီ၊
ဒါပေမယ့် သူတို့က သူ့ကို ဒုက္ခမပေးကြပါဘူး
ဟာသဖြစ်တဲ့ အချိန်မျိုးမှာ

ဟာသက သူ့ကို ဖျတ်ခနဲ ဖျတ်ခနဲ ကြည့်တယ်။

သူက အချိန်တိုင်းမှာ ရှိနေတယ်။ သွက်လက်ကျွမ်းကျင်၊ မြန်ဆန်၊
ဘယ်အရာမဆိုကနေ လှစ်ခနဲ ပျောက်သွား၊ အရာတိုင်းကို ဖြတ်သန်းသွား၊ လူတိုင်းကို ဖြတ်သန်းသွား၊
ဟာသဖြစ်ရတာ သိပ်ပြီး ထင်ပေါ်ကျော်ကြားတယ်၊

သူက ရဲစွမ်းသတ္တိနဲ့ လူတယောက်ပဲ။

ယက်ဗ်ဂေနီ ယက်ဗ်တူရှင်ကို (Yevgeny Yevtushenko)

Translated by George Reavey

Aesop  (ဘီစီ ၆၂၀-၅၆၄) က ဂရိက ပုံပြောဆရာနဲ့ ပုံပြင်တီထွင်သူပါ။ အီဆွပ်ပုံပြင်များလို့ ဆိုရလောက်အောင် နာမည် ကျော်ပါတယ်။ သူတကယ် ရှိ-မရှိ မသေချာပါဘူး။ သူစာရေးသားခဲ့တာလည်း မတွေ့ရဘူး။ သူ့ပုံပြင်တွေကိုတော့ ရာစုနှစ် များစွာ၊ ဘာသာစကားများစွာနဲ့ လက်ဆင့်ကမ်း၊ ပြောဆိုခဲ့ကြတယ်။ ဒီပုံပြင် အများစုမှာ တိရိစ္ဆာန်နဲ့ သက်မဲ့တွေက လူတွေ လိုပဲ စကားပြောဆို၊ ပြဿနာတွေဖြေရှင်း၊ လူတွေ အမူအကျင့်အတိုင်း ပြုမူကြတယ်။

Nasreddin Hodja ဟော့ဂျာ နာစရက်ဒင်က တူရကီက နာမည်ကျော်လူလိမ်တဦးပါ။ နာစရက်ဒင်ကို ၁၂၀၈ ခုနှစ်မှာ ဆီဗရီဟီဆာ (Sivrihisar) က ဟော်တို (Horto) ကျေးရွာမှာ မွေးတယ်ဆိုကြတယ်။ ၁၂၃၇ ခုနှစ်မှာ Aksehir ကို ရွှေ့ ပြောင်းလာပြီး၊ အစ္စလမ်သက္ကရာဇ် ၆၈၃ (၁၂၈၄ သို့မဟုတ် ၁၂၈၅ ခုနှစ်) မှာ သေတယ်။ သူနဲ့ ပတ်သက်လို့ ပြောဆိုစရာ စကားပုံပြင် ၃၅၀ လောက် ကျန်ခဲ့တယ်။ ဟော့ဂျာဆိုတာကတော့ ဆရာ သို့မဟုတ် ပညာရှင်လို့ အဓိပ္ပါယ်ရပါတယ်။