သေသွားတဲ့ ငါတို့လူတွေ ဘာလုပ်ကြမလဲ (What Our Dead Do)

ဂျန်က ဒီမနက်ရောက်လာ

— ငါ့အဖေကို အိပ်မက်တယ်
သူပြောတယ်။

သူက ဝက်သစ်ချအခေါင်းကို စီးလို့
နိဗ္ဗာန်ယာဉ်ဘေးက ငါ့ဆီလျှောက်လာ
ပြီးတော့ အဖေက ငါ့ဖက်လှည့်လာတယ်။

မင်းက ငါ့ကို ကောင်းကောင်းဆင်ပေးထားတာပဲ
အသုဘကလည်း သိပ်လှပတာပဲ
နှစ်တနှစ်ရဲ့ ခုလို အချိန်များဆို ပန်းတွေက အများကြီး
သိပ်တန်ဖိုးကြီးမှာပဲ။

ဒီအတွက် မပူပါနဲ့အဖေ
— ငါကပြော — လူတွေ မြင်ကြပါစေ
ငါတို့က မင်းကိုချစ်တာကို
ငါတို့ ဘာမှချွေတာစရာ မလို။

ငါတို့ဘေးမှာ အထူး ဝတ်စုံနက်နဲ့ လူ ၆ ယောက်
ငြင်ငြင်သာသာ လျှောက်လာတယ်။

အဖေက ခဏစဉ်းစားပြီး
ပြောတယ် — စားပွဲခုံသော့က
ငွေရောင် မင်အိုးထဲရှိတယ်
ဘယ်ဖက် ဒုတိယအံဆွဲထဲ
ငွေတချို့ ရှိနေသေးရဲ့
အဲဒီငွေတွေနဲ့ — ငါပြောတယ် —
ငါတို့ အုတ်ဂူကျောက်တိုင် ဝယ်လိုက်ပါမယ်
အနက်ရောင် စကျင်ကျောက်နဲ့ ခပ်ကြီးကြီးပေါ့။

အဖေကပြောတယ် — မလိုပါဘူးကွာ —
ဆင်းရဲတဲ့သူတွေ ပေးလိုက်တာ ပိုကောင်းပါတယ်။

ငါတို့ဘေးမှာ အထူး ဝတ်စုံနက်နဲ့ လူ ၆ ယောက်
ငြင်ငြင်သာသာ လျှောက်လာတယ်။
လောင်ကျွမ်းနေတဲ့ မီးအိမ်တွေကိုင်လို့။

နောက်တခါ သူစဉ်းစားနေပုံရ
— ဥယျာဉ်ထဲက ပန်းတွေတော့ ဂရုစိုက်ကွာ
ဆောင်းတွင်းမှာ အုပ်ထားပေး
ငါ ဆုံးရှုံးမသွားစေချင်ဘူး။

သူပြောတယ် — မင်းကအကြီးဆုံး —
ပန်းချီကားအနောက်က သက္ကလတ်အိပ်ထဲက
ပုလဲအစစ်နဲ့ လက်ကြယ်သီးကို ယူလိုက်
မင်းအတွက် ကံကောင်းစေလိမ့်မယ်
အထက်တန်းကျောင်းပြီးတော့
ငါ့အမေက ငါ့ကိုပေးခဲ့တာ
ပြီးတော့ သူဘာမှ ဆက်မပြောတော့ဘူး
ကြည့်ရတာ အိပ်မောကျသွားပုံရတယ်။

ဒါက တို့ရဲ့သေဆုံးသွားသူတွေ
တို့ကို ဂရုစိုက်ပုံပဲ
အိပ်မက်ထဲကတောင် လာသတိပေးနေသေးတယ်
ပျောက်ဆုံးနေတဲ့ ငွေတွေ ယူလာပေးတယ်
အလုပ်ရှာပေးသေးတာ
ထီနံပါတ်တွေ တီးတိုး ပြောပြသေးတာ
ဒါမှမဟုတ် ဒီလိုမလုပ်နိုင်ရင်တောင်
သူတို့လက်တွေနဲ့ ပြူတင်းမှာ လာခေါက်သေးတာ။

ကျေးဇူးတင်ရင်းနဲ့
ငါတို့ သူတို့ထာဝရ မသေဘဲရှိနေပုံကို မှန်းဆမိကြ
ကြွက်တကောင်ရဲ့ တွင်းထဲ နွေးထွေးသက်သာရှိနေပုံ။

ဘစ်နျူး ဟားဘတ် (ZBIGNIEW HERBERT)
TRANSLATED BY JOHN CARPENTER