ကိုယ့်လိပ်ပြာ ရဲ့ နှိပ်စက်ခြင်းများ (The Torments Of Conscience)

ငါတို့ နေတယ်၊ ငါတို့သေတယ်ဆိုတာက ငါတို့ကိစ္စ မဟုတ်ပေဘူး 

ရှက်ခြင်းဆိုတာကတော့ ဆုံးရှုံးသွားတဲ့ တခြားဇာတ်လမ်းပေါ့
မမြင်ရတဲ့ မက်ဒေါနားကို မြင်ရသလို၊ လိပ်ပြာအသိက
လမ်းဆုံလမ်းခွတိုင်းမှာ ရပ်လို့နေတယ်။

သူမရဲ့ ကလေးတွေ၊ သူမရဲ့မြေးတွေ
လိပ်ပြာအသိရဲ့ နှိပ်စက်ခြင်းများ - တနည်းထူးဆန်းတဲ့ နှိပ်စက်ခြင်းများ
အိမ်မဲ့ရာမဲ့တို့ရဲ့ ချိုင်းထောက်နဲ့ အိပ်များ
နေရာတကာ မရိုးသားကြတဲ့ ကမ္ဘာမှာ

လှည့်လည်သွားလာနေတယ်။

ဂိတ်တခုကနေ နောက်ထပ်ဂိတ်တခု
တခါ လှေခါးတထစ်ကနေ နောက်ထပ် လှေခါးတထစ်
ရုရှား သူတောင်းစားအိုတွေလို သံပြိုင်ကြွေးကြော်လို့
သူတို့ နှလုံးသားရဲ့ အကူအညီအတွက် ဘုရားသခင်နဲ့ သူတို့ခရီးထွက်ကြပြီ။

သေချာတာက၊ သူတို့ကို အမြဲခြောက်လှန့်ခံနေရတဲ့
မြေကျွန်များလို၊ သူတို့ လက်တချောင်းနဲ့ ပြူတင်းများကို

တိတ်တိတ်ခေါက်လို့၊ ပြီးတော့ ဇာဘုရင်များရဲ့ နန်းတော်များမှာ
သူတို့ လက်သီးဆုပ်နဲ့ ထုနှက်လို့။

သေချာတာက သူတို့ပဲ၊ သေဆုံးပြီးတဲ့ ပုရှကင်ကို
အနက်ရောင်ကောင်းကင်က နှင်းများထဲက စွတ်ဖားတခုပေါ်မှာ အတင်းနှင်တယ်
သူတို့ပဲ ဒေါ့စတိုယက်စကီကို ထောင်ထဲတွန်းပို့တယ်။
သူတို့ပဲ တော်လ်စတွိုင်းကို 'ပျံတော့' လို့ တီးတိုးပြောတယ်။

လက်မရွံ့လူသတ်သမားတွေက နားလည်တယ်၊ ဒါကြောင့်ပဲ
'သူ့ကိုယ်သူ နှိပ်စက်တဲ့သူက ပြဿနာကောင်ပဲ
ကိုယ့်လိပ်ပြာကို နှိပ်စက်မှုများက သိပ်အန္တရာယ်ကြီးတယ်
အသိဉာဏ်လိပ်ပြာကို အေးခဲထားရမယ်' ဆိုကြ။

ဒါပေမယ့် သတိပေးခေါင်းလောင်း ဒေါင်ကနဲထိုးသလို
ညအချိန် သူတို့အိမ်များမှာ ဂျိုးဂျိုးဂျောက်ဂျောက်မြည်လို့
လိပ်ပြာကို နှိပ်စက်ညှဉ်းပန်းမှုက ကြောက်စရာ၊
လက်မရွံ့လူသတ်သမားတွေကိုတောင် သူတို့ရာဇဝတ်မှုတွေနဲ့ တုန်လှုပ်စေတယ်။

တရားမမျှတမှုတွေကို စောင့်ရှောက်နေရသူတို့တောင်၊
ကြောက်မက်ဖွယ်အားလုံး ကာလကြာရှည်စွန့်ထားခဲ့သူတို့တောင်၊
အသိဉာဏ်လိပ်ပြာနဲ့ အဓိပ္ပါယ်ကို သိနိုင်ကြဦးမှာ မဟုတ်ဘူးဆိုရင်တောင်မှ
လိပ်ပြာရဲ့ နှိပ်စက်မှုကို သူတို့ အထူးသိကြတယ်။

ပြီးတော့ ဒီလိုကျယ်ပြန့်တဲ့ ကမ္ဘာမှာ ဘယ်သူတဦး၊
ဘယ်သူတဦးကမှ အပြစ်မဲ့ဖြစ်နေရင်၊ တစုံတယောက်တော့
သူ့ကိုယ်တွင်းက 'ငါ ဘာလုပ်ခဲ့လဲ' ဆိုတာ ကိုယ်တိုင် ကြားရမယ်။
ဒါနဲ့ ဒီကမ္ဘာကို တစုံတခုတော့ လုပ်ပေးနိုင်တယ်။

တမန်တော်တို့ အနက်ကောက်ယူ နားလည်မှုကို ငါမယုံကြည်ဘူး
ဒုတိယ ဒါမှမဟုတ် အကြိမ်တထောင်မြောက် ရောမဖြစ်လာမှာ [ငါမယုံဘူး]
'မင်း ဘာလုပ်နေတာလဲ' ဆိုတဲ့ စကားလုံးတွေကို ငါယုံကြည်တယ်
'ငါတို့ ဘာလုပ်နေကြလဲ' ခါးသည်းစွာ ပြောခဲ့တယ်။

ပျောက်ကွယ်သွားတဲ့ ယုံကြည်မှုတရားတွေရဲ့ ချောတဲ့ ချောက်စွန်းမှာ

နက်မှောင်တဲ့ နင့်လက်များကို ငါနမ်းရှုံ့နေတယ်
မင်းက ငါ့ရဲ့တခုတည်းသော နောက်ဆုံးယုံကြည်မှုပါ
လိပ်ပြာတို့ နှိပ်စက်ခြင်းက ရက်စက်ကြမ်းကြုတ်တဲ့ နှိပ်စက်ခြင်းများပါပဲ။

ယက်ဗ်ဂေနီ ယက်ဗ်တူရှင်ကို (Yevgeny Yevtushenko) 

၁၉၆၆ ခုနှစ်။
Translated by Geoffrey Dutton with Igor Mezhakoff-Koriakin