မစ္စတာ ကိုဂီတိုနဲ့ စိတ်ကူးစိတ်သန်းများ (Mr. Cogito and the imagination)

မစ္စတာ ကိုဂီတိုက စိတ်ကူးစိတ်သန်းများရဲ့

လှည့်ဖျားမှုကို ယုံကြည်တယ်။

အပ်စ် တောင်တန်းပေါ်က စန္ဒယားက

သူ့အတွက် အတုအယောင် ဂီတဝိုင်းတွေပဲ။
သူက ဝင်္ကပါများကို မကြိုက်ဘူး
စဖင့် (Sphinx)* ထဲ စက်ဆုပ်ရွံ့ရှာမှုတွေက ပြည့်နေ။ 

သူက မြေအောက်ခန်းမရှိတဲ့ အိမ်၊
အနုပဋိလောမ မှန်များ ရှိမနေတဲ့ အိမ်မှာနေတယ်။
ရှုပ်ထွေးတဲ့ ပုံရိပ်များနဲ့ တောများဟာ

သူ့အိမ် မဟုတ်ပေဘူး။

တင်စားမှုများရဲ့ တောင်ပံများပေါ်မှာ

သူဝဲပျံမိတာ ရှားရှားပါးပါး။
ပြီးတော့ သူက အီကားရပ်စ် (Icarus)** လို

မြင့်မြတ်တဲ့ မိခင်ရဲ့ ထွေးပိုက်မှုထဲ ပြုတ်ကျ။

သူက မလိုဘဲ စကားဖွာတာကို မြတ်နိုးတယ်
အရင်ပြောပြီးသား တခုပြီးတခု

ဖွင့်ဆိုရှင်းပြချက်များ။ 

ငှက်တကောင်က ငှက်တကောင်ပဲ
ကျွန်ပြုမှုက ကျွန်ုပြုမှုပဲ
ဓားတစင်းက ဓားတစင်းပဲ
သေခြင်းဟာ သေခြင်းမှာပဲ ရှိမယ်။

သူက

ပြားတဲ့ မိုးကုတ်စက်ဝိုင်းကို ချစ်တယ်
မျဉ်းဖြောင့်တခု
ကမ္ဘာမြေရဲ့ ဆွဲအား [ကိုချစ်တယ်]။  

ဘစ်နျူး ဟားဘတ် (Zbigniew Herbert)

Mr. Cogito ပိုလန်ကဗျာဆရာ ဘစ်နျူး ဟားဘတ်ရဲ့ ကဗျာတချို့ပြန်ခဲ့ရာမှာ မစ္စတာ ကိုဂီတိုဆိုတာ ၂-၃ ပုဒ်တွေ့ရပါ လိမ့်မယ်။ သူဖန်တီးထားတဲ့ ဇာတ်ကောင်တယောက်ပါ။ မစ္စတာ ကိုဂီတိုဆိုတာ သာမာန်လူတိုင်းပါပဲ။ လူသားဆန်မှုက ဖြစ် တည်တဲ့ အစိတ်အပိုင်းတခုပါ။ သူက ပြောလေလေ၊ သူခန္ဓကိုယ် ဖွဲ့တည်းထားမှုဟာ ပျောက်သွားတယ်။ ကျင့်ဝတ်တရား ဆိုင်ရာ သင်္ကေတအဖြစ် ပြောင်းသွားပါတယ်။ အကောင်းနဲ့ ဆိုးယုတ်မှုတို့အကြား ခက်ခဲတဲ့ ရွေးချယ်မှု တခုပါ။ ဒီနာမည် ဘယ်က ယူလာသလဲဆိုတော့ တွေးခေါ်ပညာရှင် ဒေးကား (Descartes) ရဲ့ နာမည်ကျော်စာပိုဒ် "Cogito ergo sum" က လာတာပါ။  

* Sphinx လူခေါင်း၊ ခြင်္သေ့ကိုယ်ဖြင့် တည်ထားသော အီဂျစ်မှရုပ်ထု

** Icarus ရှေးခေတ် ဂရိပုံပြင်ဖြစ်သည်။ လက်မှုပညာရှင်ဒေဒလု (Daedalus) က ကရိ (Crete) မြို့မှ ပျံသန်းလွတ်မြောက် နိုင်ရန် အီကားရပ်စ် နှင့် သူအဖေက တောင်ပံကြီးတခုကို ငှက်မွေးများ၊ ဖယောင်းများနှင့် ဖန်တီးသည်။ သို့သော် အီကားရပ်စ်၏ ဖခင်က သိပ်နိမ့်နိမ့်လည်း မပျံရန်၊ မြင့်မြင့်လည်း မပျံရန် အကြံပြုသည်။ အီကားရပ်စ်အကြံပေးချက်ကို လျစ်လျူရှုပြီး နေနှင့်နီးကပ်အောင်ပျံသွားသည်။ ဖယောင်းများအရည်ပျော်ပြီး၊ ပင်လယ်ထဲပြုတ်ကျ နစ်မြုပ်ရသည်။