ပြက်လုံး (In Jest)

ကျော်ကြားမှုတို့၊ နှုတ်ဆက်ပါရဲ့။ ငါ့နေရာကောင်းမှာ တယောက်ယောက်သာ ထည့်လိုက်ပါတော့။ 

သမ္မတရဲ့ ဂျစ်ကားထဲက ထိုင်ခုံနေရာကို
မြောင်းထဲက နွေးထွေးရာ ထောင့်တခုနဲ့သာ လဲလိုက်ချင်တော့တယ်။
ဘယ်နေရာမှာ ငါ ကောင်းကောင်းအိပ်စက်နိုင်မလဲ။

အို…၊ ငါ့ အကြောက်တရားတွေကို ဘယ်လိုဖယ်ခွာချနိုင်မလဲ
သေကောင်ပေါင်းလဲနဲ့ ငြီးငွေ့ဖွယ် ဂုဏ်မာနတွေ အားလုံးကို
ငါ ဂနာမငြိမ် တစောင်းလှဲနေရင်း

ဆူးကပ်ပါးသီးများရဲ့ အမွေးထူ နားများထဲ လောင်းချလို့။

ပြီး၊ မရိပ်မသင်မေးစေ့နဲ့ ငါနိုးထလာမယ်
ပိုးကောင်ငယ်တွေနဲ့ အင်းဆက်ငယ်တွေအကြား
အို.. ဘယ်လောက် အံ့သြဖွယ် လူသူမသိ ဘဝပါလား၊
ဂျစ်ပစီခြေလှမ်းတွေနဲ့ ကဖို့ သင့်တော်သူတယောက်လိုမျိုးပေါ့။

ဝေးစွ၊ မျှော်စင်ထိပ်ဖျားမှာ လက်သည်းနဲ့ ကုတ်တွယ်ရင်း

အာဏာကို ဆုပ်ကိုင်နေကြသူများနဲ့၊
ဒါပေမယ့် ဒါတွေအားလုံးက ငါလျောင်းရာ မြောင်းအနိမ့်ထဲကို

ဘယ်လို စိတ်ချဉ်စရာမှ ရောက်လာနိုင်မှာ မဟုတ်ဘူး။

အဲဒီမှာ၊ ခွေးဝဲစားတကောင်ကို ပွေ့ဖက်လို့
ငါလဲလျောင်းမယ်၊ ကျောက်ချမယ်
ဖော်ရွေတဲ့ ဖုန်တောထဲ၊ ကမ္ဘာမြေရဲ့ အမြင့်ဆုံး

ဆွေးနွေးညှိနှိုင်းမှုတွေ လုပ်လို့။

ဝဲပျံသွားတဲ့ အပြစ်မဲ့ မိန်းကလေးတယောက်ရဲ့

ခြေပလာနဲ့အတူ၊

ငါနဲ့ ကောင်းကင်ကြားက ကောက်ရိုးလှည်းပေါ်က
ဖြူဖျော့ မြက်ပင်အသွားများက လိပ်ခွေကျလို့။

ခုံတန်းလျားပေါ် ဆေးလိပ်သောက်သူတယောက်က

ကုန်နေတဲ့ စီးကရက်တဗူးကို ခြေညှစ်တောက်ထုတ်လိုက်
ဘလော့ (Blok)* ရဲ့ တွန့်ကွေးပါးစပ်ပုံနဲ့ တံဆိပ်လေဘယ်က

ငါ့ကို ဝမ်းနည်းစွာ ပြုံးပြနေရဲ့။ 

ယက်ဗ်ဂေနီ ယက်ဗ်တူရှင်ကို (Yevgeny Yevtushenko)
Translated by Geoffrey Dutton with Igor Mezhakoff-Koriakin 

* Alexander Alexandrovich Blok ရုရှားကဗျာဆရာ (၁၈၈၀-၁၉၂၁)