Pages

Tuesday, September 26, 2017

မစ္စတာကိုဂီတို * ရဲ့ သံအဖွဲ့ (The Envoy Of Mr. Cogito)

သွားပါ၊ အခြားသူတွေ သွားကြတဲ့ အမှောင်နယ်စပ်ကိုပေါ့ 
ဘာမှမဟုတ်တဲ့ ရွှေရောင် သိုးမွေးပွတွေက မင်းအတွက် နောက်ဆုံး ဆုလဒ်ပါပဲ။

ဒူးထောက်နေတဲ့သူတွေကြားထဲ မတ်မတ်နေပါ
ကျောနောက်ပြန်လှည့်ကြတဲ့ သူတွေကြား၊ ပြီးတော့ ဖုန်တွေကြား ပြိုကျသူတွေအကြား။

မင်းကို အသက်ရှင်ဖို့ ကယ်ဆယ်ထားတာ မဟုတ်ဘူးဆိုရင်တော့
မင်းအတွက် ဖြောင့်ချက်ပေးဖို့ အချိန်နည်းနည်း ရှိပါတယ်။

မင်းရဲ့စိတ်က သတ္တိပြောင်တယ်လို့ လှည့်စားခံရတဲ့အခါ နောက်ဆုံးအချိန်မှာ
သတ္တိရှိပါ။ ဒါက အရေးကြီးပါတယ်။

ပြီး၊ မင်းရဲ့ အကူအကယ်မဲ့ ဒေါသတွေကို ပင်လယ်လို ဖြစ်ပါစေ
စော်ကား၊ ရိုက်နှက်ခံနေရတဲ့ အသံမျိုးတွေ မင်းကြားရရင်ပေါ့။

မင်းညီမရဲ့ အထင်အမြင်သေးမှုတွေက မင်းကို
သတင်းပေးတွေ၊ လက်မရွံ့ လူသတ်သမားတွေ၊ ငကြောက်တွေကြား မထားခဲ့ပါစေနဲ့၊ သူတို့နိုင်သွားမှာပေါ့။

သူတို့က သက်တောင့်သက်သာ မင်းဈာပနကို လာကြမယ်၊ မြေတဆုပ်ကြဲပေးကြမယ်
သစ်သားအခေါင်း စာထွင်းသူတွေက မင်းရဲ့ ကိုယ်ရေးရာဇဝင်ကို ချောမွေ့ပြေပြစ် ရေးပေးကြမယ်။ 

ပြီး၊ မင်းရဲ့ အခွင့်အာဏာမှာ မရှိဘူးဆိုရင်တော့ ခွင့်မလွှတ်ပါနဲ့
အရုဏ်ဦးမှာ သစ္စာဖောက်သွားသူတွေရဲ့ နာမည်နဲ့ ခွင့်လွှတ်ရတာမျိုး၊

ဘာပဲဖြစ်ဖြစ် မလိုလားအပ်တဲ့ မာန်ဝင့်မှုတွေအတွက် သတိထားပါ
မင်းရဲ့ လူပျက် မျက်နှာကို မှန်ထဲကြည့်နေပါ
ပြန်ပြောမယ်၊ င့ါကို ခေါ်ခဲ့ကြတာ၊ ငါ အစစ်အမှန်ထက်တော့ ထူးပြီးပိုမကောင်းပါဘူး။

နွေဦးနံနက်ခင်းမှာ နှလုံးသားထဲက အချစ်တွေ မခြောက်ခမ်းရအောင် သတိထားပါ
နာမည်မသိတဲ့ ငှက်တကောင်၊ ဆောင်းရဲ့ သစ်ချပင်
နံရံပေါ်က အလင်းရောင်၊ ကောင်းကင်ရဲ့ ခံ့ညားထယ်ဝါမှု
သူတို့က ပူနွေးတဲ့မင်းရဲ့ အသံရှူသံတွေ မလိုပါဘူး
သူတို့က အဲဒီမှာ ပြောကြမယ်၊ မင်းကို ဘယ်သူမှ နှစ်သိမ့်နေမှာ မဟုတ်ဘူး။

နိုးကြားပါ - တောင်တန်းများပေါ်က အလင်းရောင်အချက်ပြတဲ့အခါ - မြင့်တက်လာပြီး၊ ထွက်သွားကြ
သွေးတွေက ရင်ပတ်ကို အနက်ရောင်ကြယ်အဖြစ် ပြောင်းတဲ့အထိပေါ့။

လူသားဆန်မှုရဲ့ ဂါထာမန္တန်၊ ဒဏ္ဍာရီပုံပြင်ဟောင်းတွေ၊ ရိုးရာပုံပြင်ဟောင်းတွေ ထပ်ပြောပါ
ဘာကြောင့်ဆိုတော့ ကောင်းတာတွေ မင်းရရှိမှာရယ်၊ မင်း မရရှိမှာရယ်
ကြီးမြတ်တဲ့ စကားလုံးတွေကို ထပ်ရေရွတ်ပါ၊ ခေါင်းမာမာနဲ့ ထပ်ပြောပါ
သဲကန္တာရဖြတ်ရင်း သဲထဲနစ်မြုပ်သေဆုံးရသူတွေလို၊

ပြီး၊ မင်းလက်ထဲမှာ ရှိတာအတွက် မင်းကိုသူတို့က ဆုချပါလိမ့်မယ်
ရယ်မောမှု ကြာပွတ်များနဲ့၊ အမှိုက်ပုံပေါ်မှာ သတ်ဖြတ်ခံရမှုနဲ့။

သွားပါ၊ ဒါပဲ အေးစက်တဲ့ခေါင်းခွံတွေရဲ့ အဖော်အစုထဲကို မင်းကိုဝင်ခွင့်ပေးမယ့် တခုတည်းသောလမ်း
ဘိုးဘေးဘီဘင်တွေရဲ့ အစုအဖွဲ့- ဂေလ်ဂါမက်ရှ်၊ ဟက်တာ၊ ရိုလန်ဒ် (Gilgamesh Hector Roland) **
အကန့်အသတ်မရှိတဲ့ ဘုရင့်နိုင်ငံတော်အတွက်နဲ့ ပြာပုံ မြို့တော်အတွက် ခုခံကြသူများ၊
သစ္စာရှိရှိ သွားပါလေ။

ဘစ်နျူး ဟားဘတ် (Zbigniew Herbert)

* Mr. Cogito ပိုလန်ကဗျာဆရာ ဘစ်နျူး ဟားဘတ်ရဲ့ ကဗျာတချို့ပြန်ခဲ့ရာမှာ မစ္စတာ ကိုဂီတိုဆိုတာ ၂-၃ ပုဒ်တွေ့ရပါ လိမ့်မယ်။ သူဖန်တီးထားတဲ့ ဇာတ်ကောင်တယောက်ပါ။ ယခုဘာသာပြန်တဲ့ "The Envoy of Mr. Cogito" ("Przesłanie Pana Cogito") ၁၉၇၃ ခုနှစ်က ပထမဦးဆုံး အပုဒ်ပါ။ မစ္စတာ ကိုဂီတိုဆိုတာ သာမာန်လူတိုင်းပါပဲ။ လူသားဆန်မှုက ဖြစ် တည်တဲ့ အစိတ်အပိုင်းတခုပါ။ သူက ပြောလေလေ၊ သူခန္ဓကိုယ် ဖွဲ့တည်းထားမှုဟာ ပျောက်သွားတယ်။ ကျင့်ဝတ်တရား ဆိုင်ရာ သင်္ကေတအဖြစ် ပြောင်းသွားပါတယ်။ အကောင်းနဲ့ ဆိုးယုတ်မှုတို့အကြား ခက်ခဲတဲ့ ရွေးချယ်မှု တခုပါ။ ဒီနာမည် ဘယ်က ယူလာသလဲဆိုတော့ တွေးခေါ်ပညာရှင် ဒေးကား (Descartes) ရဲ့ နာမည်ကျော်စာပိုဒ် "Cogito ergo sum" က လာတာပါ။  

** Gilgamesh  ဂယ်လ်ဂါမက်ရ်ှက ရှေးဟောင်း ဆူမားရီးယန်း ကဗျာထဲက ပထမဦးဆုံး အပြောင်မြောက်ဆုံး အာကာ ဒီးယန်းကဗျာ (Akkadian poem) Epic of Gilgamesh က ဇာတ်ကောင်ပါ။
Hector ဟက်တာ ကတော့ ရှေးဟောင်း ရိုမန်၊ ဂရိဇာတ်တော်တွေထဲက ထရိုဂျင်မင်းသား (Trojan prince)၊ ထရိုဂျင် စစ်ပွဲမှာ ထရွိုင်အတွက် ပြောင်မြောက်တဲ့ စစ်သည်တော်ပါ။
Roland  ရိုလန်(အေဒီ ၇၇၈ ကျဆုံး) ကတော့ died 15 August 778) ပြင်သစ်အရေးတော်ပုံလို့ သိကြတဲ့ (Matter of France) စာပေထဲက ဖရန်ကစ်ခ်ျ (Frankish) စစ်ခေါင်းဆောင်တဦးပါ။ ရိုလန်ကျဆုံးခန်းဟာ ဥရောပ ခေတ်ဆန်း စာပေကာလမှာ အထူးထင်ရှားခဲ့ပါတယ်။

No comments:

Recent Comments