ဘာဘီယားအပေါ်မှာ ဘယ်အထိမ်းအမှတ်မှ ရှိမနေဘူး
ဘာဘီယားလျှိုမှာ ဘယ်ရုပ်ထုမှတ်တိုင်မှ ရှိမနေဘူး။
လက်ရာကြမ်းကြမ်းနဲ့ အုတ်ဂူကျောက်စာတိုင်မျိုး လုံးဝကင်းမဲ့နေတာ
ငါ စိုးရွံ့ကြောက်မိတယ်။
ငါ စိုးရွံ့ကြောက်မိတယ်။
ဂျူးလူတွေ အားလုံးလိုပဲ
ငါက နှစ်များစွာချီ အိုမင်းလို့၊
ခုတော့ ငါကိုကြည့်ရတာ
ခုတော့ ငါကိုကြည့်ရတာ
ဂျူးတယောက်လို။
ဒီမှာ ရှေးအီဂျစ်ထဲ ငါ ထယ်ထွန်တယ်၊
ဒီမှာ ငါ လက်ဝါးကပ်တိုင်မှာ ကားကျက်ခံရ သေဆုံး
ပြီး ဒီနေ့ထိ သံချက်ရာ အမာရွတ်စွဲထင်တုန်း။
ဒီမှာ ရှေးအီဂျစ်ထဲ ငါ ထယ်ထွန်တယ်၊
ဒီမှာ ငါ လက်ဝါးကပ်တိုင်မှာ ကားကျက်ခံရ သေဆုံး
ပြီး ဒီနေ့ထိ သံချက်ရာ အမာရွတ်စွဲထင်တုန်း။
ငါ့ကြည့်ရတာ
ဒရေဖျူစ် (Dreyfus) လို။
ဖိလစ်စတင်း (Philistine)
သတင်းပေးနဲ့ တရားသူကြီး နှစ်ခုစလုံးလို။
ငါ သံတိုင်တွေနောက်မှာ
နံဘေးတိုင်း ကာရံလို့။
တကောက်ကောက် အမဲလိုက်ခံရ
တိုက်ခိုက်၊
အသရေဖျက်ခံရ။
စီခနဲ၊ ဘရပ်ဆဲ အနားတွန့် ဇာပန်းထည်နဲ့ နုလှအမျိုးသမီးများ
ငါ့မျက်နှာကို သူတို့ရဲ့ အသေးစား နေကာထီးနဲ့ ထိုးကြ၊
ပြီးနောက် ငါ့ကြည့်ရတာ
ဘိုင်လိုစတော့ (Byelostok) ကလေးငယ်များလို
သွေးတွေနဲ့ပြေး၊ ကြမ်းတွေပေါ် စီးကျစွန်းထင်း။
ဘားဆိုင်ခန်းမထဲက ဆူပူအုံကြွလှုံ့ဆော်နေသူတို့
အနံ့ဆိုးတဲ့ ဗော်ဒကာ နဲ့ ကြက်သွန်နီကို ပေးကြတယ်။
စာတအုပ်က အကူအကယ်မဲ့စွာ၊ ငါ့နံဘေးကို ကန်ကျောက်တယ်၊
အချည်းနှီး ငါက လူမျိုး-ဘာသာရေး ဗိုလ်ကျသူတွေကို တောင်းပန်တိုးလျှိုးတယ်၊
သူတို့က လှောင်ပြောင်၊ အော်ဟစ်နေချိန်မှာ
'ယစ်ဒ် (Yids) တွေကိုရိုက်ကြ၊ ရုရှားပြည်ကြီးကို ကယ်တင်ကြ၊'
အချို့ သီးနှံဈေးသည်တို့က ငါ့အမေကို ရိုက်နှက်ကြတယ်။
အို… ငါ့ ရုရှား ပြည်သူတို့ !
ငါသိပါတယ်
သင်တို့က
အသွေးအသားထဲအထိ နိုင်ငံတကာဖြစ်ကြသူတွေပါ၊
ဒါပေမယ့် မသန့်ရှင်းတဲ့လက်တွေက
သင်တို့ရဲ့ အသန့်စင်ဆုံး အမည်နာမကို ဆူညံ တချွင်ချွင်ဖြစ်နေစေပါပြီ။
ငါ့ပထဝီမြေရဲ့ ကောင်းခြင်းကို ငါသိပါတယ်
ဂျူးဆန့်ကျင်ရေးသမားတွေက စိတ်တချက်မထင့်ဘဲ
ဘယ်လောက် ယုတ်မာကြသလဲ။
ဟိတ်ဟန်ကြီးနဲ့ သူတို့ကိုယ်သူတို့
'ရုရှားပြည်သူများ၏ ပြည်ထောင်စု' လို့ ခေါ်နေကြတာ။
ဟိတ်ဟန်ကြီးနဲ့ သူတို့ကိုယ်သူတို့
'ရုရှားပြည်သူများ၏ ပြည်ထောင်စု' လို့ ခေါ်နေကြတာ။
င့ါကြည့်ရတာ
အန်နီ ဖရန့်က် (Anne Frank) လို
ဧပြီ သစ်ကိုင်းတခုမှာ
အန်နီ ဖရန့်က် (Anne Frank) လို
ဧပြီ သစ်ကိုင်းတခုမှာ
ပွင့်လင်းမြင်ရလို့။
ပြီး ငါချစ်တယ်၊
စကားစုတွေ မလိုပါဘူး၊
ငါ့ လိုအပ်ချက်က
တယောက်ကို တယောက် ငေးကြည့်နေဖို့ပဲ။
ငါတို့မြင်ရတာ ဘယ်လောက်သေးသေး၊
ဒါမှမဟုတ် အနံ့ဘယ်လောက်ပဲ ဖြစ်ဖြစ်ပေါ့။
ငါတို့ကို သစ်ရွက်များက ငြင်းပယ်ကြတယ်၊
ငါတို့ကို ကောင်းကင်ကြီးက ငြင်းပယ်တယ်၊
ဒါတောင် ငါတို့အများကြီး လုပ်နိုင်သေး၊
နူးညံ့စွာ
အမှောင်ခန်းထဲ တယောက်ကိုတယောက် ပွေ့ဖက်ထားဖို့ပဲ။
သူတို့ ဒီကိုလာနေကြပြီလား
မကြောက်ပါနဲ့။ အဲဒါက ဗုံးကြဲသံတွေပါ
နွေဦးရဲ့ အသံတွေပါ၊
ဒီမှာ နွေဦးလာပါပြီ။
ပြီး ငါချစ်တယ်၊
စကားစုတွေ မလိုပါဘူး၊
ငါ့ လိုအပ်ချက်က
တယောက်ကို တယောက် ငေးကြည့်နေဖို့ပဲ။
ငါတို့မြင်ရတာ ဘယ်လောက်သေးသေး၊
ဒါမှမဟုတ် အနံ့ဘယ်လောက်ပဲ ဖြစ်ဖြစ်ပေါ့။
ငါတို့ကို သစ်ရွက်များက ငြင်းပယ်ကြတယ်၊
ငါတို့ကို ကောင်းကင်ကြီးက ငြင်းပယ်တယ်၊
ဒါတောင် ငါတို့အများကြီး လုပ်နိုင်သေး၊
နူးညံ့စွာ
အမှောင်ခန်းထဲ တယောက်ကိုတယောက် ပွေ့ဖက်ထားဖို့ပဲ။
သူတို့ ဒီကိုလာနေကြပြီလား
မကြောက်ပါနဲ့။ အဲဒါက ဗုံးကြဲသံတွေပါ
နွေဦးရဲ့ အသံတွေပါ၊
ဒီမှာ နွေဦးလာပါပြီ။
ငါဆီကိုလာပါ။
မြန်မြန်၊ မင်းနှုတ်ခမ်းတွေကို ငါ့ကိုပေးပါ။
သူတို့က တံခါးတွေကို ရိုက်ဖြိုနေကြပြီလား၊
မဟုတ်ပါဘူး။ ရေခဲတွေ ရိုက်ခွဲနေကြတာပါ ...
ဘာဘီယားလျှိုအပေါ်မှာ မြက်ရိုင်းတွေ တရှဲရှဲမြည်ကြွေးနေကြတာ။
တရားသူကြီးတွေလို
သစ်ပင်များတွေကြည့်ရတာ နမိတ်ဆိုးတွေလို၊
ဒီမှာ အရာအားလုံးက တိတ်ဆိတ်စွာ အော်ဟစ်နေကြ၊
ပြီး၊ ငါ့ခေါင်းကို တားဆီးနေကြ
တဖြည်းဖြည်း ငါ့ကိုယ်ငါ
မီးခိုးရောင်ပြောင်းလာတာ ခံစားနေရ။
ပြီးတော့ ငါကိုယ်တိုင်
ထုနဲ့ထည်နဲ့၊ အသံမဲ့ အော်ဟစ်သံများနဲ့
ဒီမှာ မြှုပ်နှံထားတဲ့ ထောင်ချီသူတို့ အပေါ်မှာ။
ပြီးတော့ ငါကိုယ်တိုင်
ထုနဲ့ထည်နဲ့၊ အသံမဲ့ အော်ဟစ်သံများနဲ့
ဒီမှာ မြှုပ်နှံထားတဲ့ ထောင်ချီသူတို့ အပေါ်မှာ။
ငါက
ဒီမှာ လူအိုတဦးချင်း
ပစ်သတ်ခံရ၊
ငါက
ကလေးတယောက်ချင်း
ငါက
ကလေးတယောက်ချင်း
ဒီမှာ ပစ်သတ်ခံရ။
ငါ့ကိုယ်တွင်းမှာ
ငါ့ကိုယ်တွင်းမှာ
ဘာတခုမှ မေ့မရနိုင်။
မြေကမ္ဘာပေါ် နောက်ဆုံးဂျူးဆန့်ကျင်ရေးဝါဒီ
ထာဝရ မြှုပ်နှံခဲ့ပြီးပြီဆိုရင်
'အင်တာနေရှင်နယ်' (Internationale) သီချင်း မိုးလို
ခြိမ်းစေပါ။
ငါ့ကိုယ်ထဲမှာ ဂျူးလူမျိုးသွေး မရှိပါဘူး။
သူတို့ရဲ့ စာနာမှုကင်းတဲ့ ဒေါသမုန်တိုင်းမှာ၊ ဂျူးဆန့်ကျင်သူ အားလုံးတို့
ငါဟာ ဂျူးတယောက်ဖြစ်သမို့၊ ငါ့ကို မုန်းကြပါ
ဒီအကြောင်းကြောင့်
ငါ့ကိုယ်ထဲမှာ ဂျူးလူမျိုးသွေး မရှိပါဘူး။
သူတို့ရဲ့ စာနာမှုကင်းတဲ့ ဒေါသမုန်တိုင်းမှာ၊ ဂျူးဆန့်ကျင်သူ အားလုံးတို့
ငါဟာ ဂျူးတယောက်ဖြစ်သမို့၊ ငါ့ကို မုန်းကြပါ
ဒီအကြောင်းကြောင့်
ငါက တကယ့်ရုရှားစစ်စစ်ပါ။
ယက်ဗ်ဂေနီ ယက်ဗ်တူရှင်ကို (Yevgeny Yevtushenko)
Translated by George Reavey
Babi Yar ယက်ဗ်တူရှင်ကိုရဲ့
နာမည်ကျော်ကဗျာများထဲ ပါတယ်။
(ဘာဘီယား) ဟာ ယူကရိန်းနိုင်ငံ၊
မြို့တော် ကီးယက်ဗ်ရှိ လျှိုတခု အမည်ပါ။ ဂျာမန်တပ်ဖွဲ့တွေက၊ ဆိုဗီယက် ယူနီယံနဲ့ ပူးပေါင်းဆောင်ရွက်ကြသူ
ဒေသခံယူကရိန်းတွေကို အစုအပြုံလိုက် သတ်ပစ်ခဲ့တဲ့နေရာ ဖြစ်ပါတယ်။ မှတ်တမ်း တွေအရ ၁၉၄၁
စက်တင်ဘာ ၂၉-၃၀ မှာ ဖြစ်ပွားခဲ့ပြီး၊ ဂျူးလူမျိုး ၃၃,၇၇၁ ဦး သတ်ခံရတယ် ဆိုပါတယ်။ နာဇီခေတ်
အကြီးမားဆုံး အစုအပြုံလိုက် သတ်ဖြတ်မှုလည်း ဖြစ်ပါတယ်။
The Dreyfus
Affair ဒရေဖျူစ် အရေးအခင်းကတော့ တတိယပြင်သစ်နိုင်ငံတော်ကာလ ၁၈၉၄-၁၉၀၆ မှာ ဖြစ်တဲ့ နိုင်ငံ
ရေးအပုတ်နဲ့ ကိစ္စပါ။ ခေတ်သစ် မတရားမမျှတမှုရဲ့ သင်္ကေတအဖြစ်လည်း မြင်ကြပါတယ်။ ဂျူးကပြား
ပြင်သစ်အမြောက် ဗိုလ်ကြီး အဲလ်ဖရက်ဒ် ဒရေဖျူစ် (Alfred Dreyfus)
ကို သစ္စာဖောက်မှုနဲ့၊ ဂျာမန်တွေကို ပြင်သစ်စစ်တပ် လျှို့ဝှက်ချက်တွေ ပေးပို့တယ်ဆိုပြီး
မတရားစွပ်စွဲ ထောင်တစ်သက်ပြစ်ဒဏ်ချခဲ့တဲ့ ကိစ္စ ဖြစ်ပါတယ်။
Philistines ဖိလစ်စတင်း
ကတော့ သမ္မာကျမ်းစာမှာ ဖော်ပြထားတဲ့ အစ္စရေးလ်သားတွေနဲ့ ပဋိပက္ခဖြစ်ခဲ့တဲ့ ရှေးဟောင်း
လူမျိုးတခုဖြစ်ပါတယ်။
ယစ်ဒ် (Yids) ဆိုတာက ရဟူဒီ (ဂျူးလူမျိုး) တွေကို ချိုးနှိမ်အလွယ်ခေါ်တာ
ဖြစ်ပါတယ်။
Bylostok
ဘိုင်လိုစတော့ကတော့ ရုရှားအနောက်ဖက်က မြို့ငယ်တခု ဖြစ်ပါတယ်။ လူဦးရေ
လေးပုံသုံးပုံက ဂျူးလူမျိုးတွေ နေထိုင်ကြပါတယ်။
"Anne" Frank
အန်နီ ဖရန့်ခ် (၁၉၂၉-၁၉၄၅) ကတော့ ဂျူးလူမျိုးတွေကို လူမျိုးတုံးသတ်ဖြတ်မှုမှာ ပုန်းခိုအောင်းရင်း
နေ့စဉ်မှတ်တမ်း ရေးသားသွားတဲ့ ကလေးမကလေး ဖြစ်ပါတယ်။ သူ့ဒိုင်ယာရီက ထင်ရှားတဲ့ နာမည်ကျော်စာအုပ်တအုပ်
ဖြစ်ပါတယ်။
No comments:
Post a Comment