ပျောက်မသွားပါနဲ့ (Don't disappear)

ပျောက်မသွားပါနဲ့.... ငါ့ဆီက ပျောက်သွားခဲ့ရင် 

မင်းကိုယ်တိုင်ဆီကလည်း မင်း ပျောက်ဆုံးလိမ့်မယ်
မင်းအစ္ဇျတ္တအပေါ် မင်းသစ္စာဖောက်မိတဲ့အခါ
အဲဒါဟာ အခြေခံအကျဆုံး မရိုးဖြောင့်မှု ဖြစ်ပေလိမ့်မယ်။

ပျောက်မသွားပါနဲ့.... ပျောက်ဆုံးသွားဖို့က သိပ်လွယ်ပါတယ်
တယောက်နဲ့ တယောက် ပြန်လည်ထူထောင်ဖို့ဆိုတာ မဖြစ်နိုင်ပါဘူး
သေခြင်းတရားက သိပ်နက်တဲ့ချောက်ထဲ ဆွဲချတယ်
တခဏတာ သေရတာတောင် သိပ်ရှည်ကြာလွန်းပါရဲ့။

ပျောက်မသွားပါနဲ့.... တတိယအရိပ်ကို မေ့လိုက်ပါ
အချစ်မှာ နှစ်ခုပဲရှိပါတယ်။ တတိယများဆိုတာ မရှိပါဘူး။
တံပိုးမှုတ်သံတွေက တို့ကို စစ်ဆေးကြတဲ့အခါ

ငါတို့နှစ်ယောက်လုံးက ထာဝရဘုရားသခင် စီရင်ချက်ချမယ့်နေ့မှာ သန့်စင်နေကြပေလိမ့်မယ်။

ပျောက်မသွားပါနဲ့.... ငါတို့ရဲ့ မကောင်းမှုဒုစရိုက်တွေကို ပေးဆပ်ခဲ့ပြီးပြီ။
ဥပဒေကြောင်းအရ တို့နှစ်ဦးလုံးက လွတ်လပ်တယ်။ အပြစ်ကင်းတယ်။
ငါတို့ဟာ အတူတကွရှိနေဖို့၊ မရည်ရွယ်ဘဲ ဒဏ်ရာအနာတရဖြစ်စေခဲ့သူတို့ရဲ့

ခွင့်လွှတ်ခြင်းတွေနဲ့ ထိုက်တန်ပါတယ်။

ပျောက်မသွားပါနဲ့.... တယောက်က ချက်ချင်းပျောက်သွားနိုင်ပါရဲ့
ဒါပေမယ့် လာမယ့်ရာစုများမှာ နောက်ပိုင်းတို့ ဘယ်လိုတွေ့ဆုံနိုင်ကြမလဲ
ကမ္ဘာမှာ မင်း နှစ်ကြိမ်ဖြစ်တယ်ဆိုတာ ဖြစ်နိုင်ရဲ့လား၊
ငါ နှစ်ကြိမ်ကရော ဖြစ်နိုင်လား။ ငါတို့ကလေးများကျမှသာ ရှားရှားပါးပါး [ဖြစ်နိုင်ပေမယ်]

ပျောက်မသွားပါနဲ့.... မင်းလက်ကလေးကို ပေးပါ။
ငါယုံကြည်တာတွေကို… ငါအဲဒီမှာရေးမယ်
လူတယောက်ရဲ့ နောက်ဆုံးအချစ်မှာ စိုးရိမ်အကြောက်ရွံ့ဆုံးက
ဆုံးရှုံးရမှာကို စိုးရွံ့နေရင်း၊ အဲဒါ အချစ် ဟုတ်မနေမှာကိုပဲ။
ယက်ဗ်ဂေနီ ယက်ဗ်တူရှင်ကို (Yevgeny Yevtushenko)

၁၉၈၇ ခုနှစ်။
Translated by Antonina W. Bouis, Albert C. Todd and Yevgeny Yevtushenko