ဗိုလ်ချုပ်သန်းရွှေအကြောင်း၊ (အပိုင်း-၁၅) နောက်ဆုံးပိုင်း

ထိုင်းနိုင်ငံရှိ (Silkworm Books) စာအုပ်တိုက်က ထုတ်ဝေပြီး၊ ဘင်နဒစ် ရော်ဂျာစ် (Benedict Rogers) ရေးသားထားတဲ့ "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ်တဦးကို မျက်နှာဖုံးခွာကြည့်ခြင်း" ဆိုတဲ့ စာအုပ်အကြောင်းကို တင်ဆက်နေပါတယ်။ ဒီတပတ်မှာတော့ ဗိုလ်ချုပ်သန်းရွှေစာအုပ် နောက်ဆုံးပိုင်း ဘယ်သူတွေက သူ့ရန်သူတွေလဲ၊ သူ့ အရိုက်အရာကို ဘယ်သူတွေ ဆက်ခံကြ မှာလဲ၊ ဗိုလ်ချုပ်သန်းရွှေကို ပေါင်းပြီးစီးပွားဖြစ်နေကြသူတွေက ဘယ်သူတွေလဲ ဆိုတာတွေ ကို စာအုပ်နောက်ဆုံးပိုင်း အနေနဲ့ ဆက်လက်တင်ပြပါမယ်။

သောတရှင် မိတ်ဆွေများခင်ဗျား။
ဗိုလ်ချုပ်သန်းရွှေရဲ့ နောက်ပိုင်းကာလကို ဆက်ခံနိုင်မယ့်သူတွေအဖြစ် ဗိုလ်ချုပ်ရွှေမန်းကို စာရေးဆရာ ဘင်ရော်ဂျာက ညွှန်းလို့ ဖော်ပြခဲ့ပါတယ်။ အဲဒါအပြင် ဗိုလ်ချုပ်မြင့်ဆွေ၊ ဦးအောင် သောင်း၊ အခုကြံ့ဖွံ့ပါတီတို့ကိုလည်း သစ္စာခံမယ့် အမာခံ အင်အားစုအဖြစ် ဖော်ပြထားခဲ့ပါတယ်။ ကြံ့ခိုင် ဖွံ့ဖြိုးရေးအဖွဲ့နောက်မှာ စွမ်းအားရှင်လို လူရမ်းကားအဖွဲ့တွေကိုလည်း ဖွဲ့ စည်းထားပါသေးတယ်။ နာဇီဂျာမဏီက ရှည်ညိုတပ်တွေလိုမျိုး၊ တရုတ်ပြည်က ဥက္ကဋ္ဌမော်ရဲ့ လူငယ်တပ်နီတွေလိုမျိုး လို့ စာရေးသူက နှိုင်းယှဉ်ဖော်ပြ ပါတယ်။ ဘာပဲဖြစ်ဖြစ် အခုကာလ ရွေးကောက်ပွဲနီးလာတဲ့ကာလ အဆင်ပြင်တွေကို ပြန်ကြည့်တော့ ဗိုလ်ချုပ် မှူးကြီးကိုယ်တိုင် အတော်လှုပ်ရှား ခရီးများနေတာကို တွေ့ကြရပါလိမ့်မယ်။ ဆင်ဖြူ ၅-ကောင်ရထားတဲ့ ကာလ၊ နေပြည်တော်ကြီးလည်း တည်ထားပြီးတဲ့အချိန်၊ ရွှေတိဂုံဘုရားကြီးထက် တပေပဲနိမ့်တဲ့ ဘုရားကြီးလည်းတည် ထားပြီးတဲ့ အချိန်မှာတော့ ကျနော်က ဗိုလ်ချုပ်သန်းရွှေကိုယ်တိုင် သမ္မတကြီးဦးသန်းရွှေအဖြစ်နဲ့ ထွက်လာမှာကို မြင်ယောင်မိနေပါသေးတယ်။

သူ့ရဲ့ရန်သူတွေက ဘယ်သူဖြစ်မှာလဲ။ ဒီမိုကရေစီအင်အားစုတွေလည်း ဖြစ်နိုင်သလို၊ ပြည်ပက ကျူးကျော်လာ မယ့်ရန်ကို လည်း စိုးရိမ်ကြောက်ရွံ့နေနိုင်ပါတယ်။ ဒါကြောင့်လည်း အခုလို လျှို့ဝှက်စစ်ရေးပြင်ဆင်တာတွေ၊ ငွေကုန်ကြေးကျများလွန်း တဲ့ အဏုမြူစီမံကိန်းလိုဟာမျိုးတွေ လုပ်နေတာ ဖြစ်ပါလိမ့်မယ်။ ဒါပေမယ့် စစ်တပ်အတွင်းက သဘောထားကွဲလွဲတဲ့ အင်အားစုတွေကိုလည်း လျှော့တွက်ထားလို့ မရပါဘူး။ ယခင် အာဏာရှင်ကြီး ဦးနေ၀င်းကို ဖြိုခဲ့တာ၊ စစ်ထောက်လှမ်းရေး အကြီးအကဲဗိုလ်ချုပ်ခင်ညွန့်အပါအ၀င် တအုပ်လုံးကို ဖြိုခဲ့တာတွေလည်း ရှိပါသေးတယ်။ ဒေါ်အောင်ဆန်းစုကြည်နဲ့ ဗိုလ်ချုပ်သန်းရွှေအကြား ဆက်ဆံရေးကိုတော့ စာရေးသူ ဘင်ရော်ဂျာက တမျိုးသုံးသပ်ဖော်ပြခဲ့ပါတယ်။ ဒေါ်အောင်ဆန်း စုကြည်နဲ့ ဆက်ဆံရေးက သူ့ပုဂ္ဂိုလ်ရေးခံစားချက်တွေအပေါ်မှာ နက်နက်ရှိုင်းရှိုင်း သက်ဆိုင်နေပုံရတယ်လို့ ဆိုပါတယ်။ ဗိုလ်ချုပ်သန်းရွှေက အကြီး၊ သူကအဖအရာ နေရာမျိုးလေးစားမှု လိုချင်သလို၊ သူပြောသမျှ ဒေါ်စုက နားထောင်လိုက်နာရ မယ်၊ မဝေမဖန်ရဘူးလို့ လိုချင်ပုံရတယ်လို့လည်း ဆိုပါတယ်။ ဒါပေမယ့် စစ်အုပ်စု အတွင်းမှာကိုယ်က ဒေါ်စုကို မနာလို တိုရှည် ဖြစ်နေတာ တွေလည်း ရှိနိုင်ပါတယ်။ သူ့ရဲ့ ထင်ပေါ်ကျော်ကြားမှု၊ သူတို့ အမှားတွေ လုပ်ခဲ့တဲ့ကိစ္စတွေ၊ သူ့ရဲ့ ပညာ အရည်အချင်း၊ သူ့ရဲ့ခရီးသွားလာခဲ့တဲ့အကြောင်းတွေ၊ နိုင်ငံတကာ မိတ်တွေကွန်ရက် ကျယ်ပြန့်တဲ့ အပေါ်မှာလည်း မနာ လို စိတ်တွေကိန်းအောင်း နေနိုင်ပါတယ်။ ဗိုလ်ချုပ်ကတော်တွေကဆိုရင် ဒေါ်အောင်ဆန်းစုကြည်အပေါ် ပိုလို့ အမုန်း အာဃာတတွေထား နေနိုင်ကြောင်း လည်း စာရေးသူက ဖော်ပြခဲ့ပါသေးတယ်။

ဗိုလ်ချုပ်သန်းရွှေနဲ့ ဒေါ်အောင်ဆန်းစုကြည်အကြား ၂-ခါ တွေ့ဆုံခဲ့ပေမယ့် ဆွေးနွေးမှုက ဘယ်ကိုမှ ခရီး မရောက်ခဲ့ပါဘူး။ သံတမာန်တဦးအဆိုအရ ဗိုလ်ချုပ်သန်းရွှေက ဘာမှ ဟက်ဟက်ပက်ပက် မပြောပါဘူး။ ဒေါ်စုက ရေနွေးထည့်ပေးတာ၊ ရာသီဥတု ကောင်းမွန်ကြောင်း ပြောတာလောက်နဲ့ စကားဝိုင်းက တိတ်ဆိတ်နေခဲ့ဖူးပါတယ်။ ဒေါ်စုနဲ့ စစ်အစိုးရကြား ကြား ၀င် စေ့စပ်ပေးခဲ့တဲ့ ကုလသမဂ္ဂ အထူးသံ ရာဇာလီ အစ္စမိုင်းလ် ပြောပြတာကလည်း တခါက စစ်အစိုးရ ထိပ်သီးဗိုလ်ချုပ် တွေနဲ့ NLD တို့အကြား ထမင်းဝိုင်းတခါ အတူလက်ဆုံ စားခဲ့ဖူးပါတယ်။ ဗိုလ်ချုပ်သန်းရွှေက ဘာစကားမှ စမပြောပါဘူး။ ၀ါအရ၊ အသက်အရွယ်အရ ဒေါ်စုကလည်း စကားစပြောဖို့ ခက်ပါတယ်။ ထမင်းဝိုင်းက ဇွန်း၊ ခရင်းသံတွေနဲ့သာ လွှမ်းနေ ပါတယ်။ နောက်တော့ ဒေါ်စုနဲ့ စကားစပြောဖြစ်သူက ဗိုလ် ချုပ်မောင်အေး ဖြစ်ပြီးတော့ ပြောဖြစ်တဲ့အကြောင်းအရာက တော့ သစ်တောတွေပြုန်းတီးနေပြီဆိုတဲ့ အကြောင်း ပြောကြတာပါ။

နိုင်ငံတကာက ဒေါ်စုနဲ့ တွေ့ဆုံညှိနှိုင်းဖို့၊ အနည်းဆုံး ဒေါ်စုအမြင်တွေကို စစ်တပ်ခေါင်းဆောင်တွေက သဘော မတူဘူး ရှိ မယ်။ ဒါပေမယ့် ဒေါ်စုအထင်ကြီးအောင်လည်း သူတို့က လုပ်ပြကြဖို့၊ ဒေါ်စုကို အသုံးချလို့ နိုင်ငံတကာဆက်ဆံရေးချဲ့ထွင် ဖို့ တိုင်းတွန်းခဲ့ကြတာလည်း ရှိပါတယ်။ ဒါပေမယ့် အခုအချိန်တိုင် ဖြစ်ဖြစ် မြောက်မြောက် တုံ့ပြန်ခဲ့တာ မရှိပါဘူး။ တခါက ကုလသံတမာန်က ဒီလိုတိုက်တွန်းပြောဆိုနေတဲ့ အချိန်မှာ ဗိုလ်ချုပ်သန်းရွှေက အင်္ဂလိပ်လို “မြန်မာနိုင်ငံမှာ ဒီမိုကရေစီ ရရင် ခိုင်မာတဲ့ခေါင်းဆောင်မျိုး လိုတယ်။ မလေးရှားနိုင်ငံက မဟာသီယာလိုမျိုး၊ သူက ကိစ္စအတော်များများပြီးမြောက် အောင် လုပ်နိုင်တယ်” လို့သာ ပြန်တုံ့ပြန်ခဲ့ပါတယ်။

ဗိုလ်ချုပ်သန်းရွှေနဲ့ နီးစပ်လို့ စီးပွားဖြစ်နေကြတဲ့ သူတွေကိုတော့ ဘင်ရော်ဂျာက အချို့ကို နာမည်ထိုးလို့ ဖော်ပြခဲ့ ပါတယ်။ ဦးတေဇ၊ ထွန်းမြင့်နိုင်၊ အောင်ကိုဝင်း၊ ဆာ့ဂ်ျပန်း၊ မောင်ဝိက်၊ ဦးဌေးမြင့်၊ ဦးခင်ရွှေ၊ ဇော်ဇော်၊ ဦးအိုက်ထွန်း၊ ဦးချစ်ခိုင် စသဖြင့် ဖော်ပြခဲ့ပါတယ်။ သူတို့က ဗိုလ်ချုပ်သန်းရွှေ လက်ညှိုးညွှန်သမျှ အကျိုး စီးပွားဖြစ်ထွန်းနေကြတဲ့ သူတွေပါ။ နောက်ပိုင်းမှာတော့ ဗိုလ်ချုပ်တွေသား၊ သမီးတွေကလည်း စီးပွားရေး နယ်ပယ်ထဲမှာ အကျိုးတူ ဆက်စပ်လာကြပါတယ်။ ဥပမာ ဗိုလ်ချုပ်ရွှေမန်းသား အောင်သက်မန်း၊ ဗိုလ်ချုပ်သန်းရွှေ သား/သမီးတွေ စသဖြင့်ပါ။ သူတို့က တိုင်းပြည်ကိုထင် သလို လုယက်ယူငင်နေကြပါတယ်။

ဘ၀တသက်တာလုံး စိတ်ဓာတ်စစ်ဆင်ရေး စစ်ပွဲကို နွှဲခဲ့တဲ့သူ၊ အာဏာအကြောင်းကြောင့် တက်ကြွနေသေး တဲ့သူ၊ ကျန်း မာရေး ချိုးယွင်းနေသေးတဲ့တိုင် အာဏာကို ဆက်လက်ချုပ်ကိုင်ထားချင်သူ ဗိုလ်ချုပ်သန်းရွှေ အကြောင်းကို စာရေးသူ ဘင်ရော်ဂျာက တတ်နိုင်သမျှ စုဆောင်းဖော်ပြခဲ့ပါတယ်။ သူက အာဏာအတွက်ဆိုရင် ပြည်တွင်း-နိုင်ငံတကာ ဥပဒေတွေ ကို ချိုးဖောက်ဖို့ ၀န်မလေးသလို၊ လိမ်ညာဖို့၊ ညှဉ်းပမ်းနှိပ်စက်မှု၊ ထောင်ချ တာ၊ မတရားတာ၊ အချိန်ဆွဲဖို့၊ အတုအယောင် ကတိတွေပေးဖို့ ဘာမျှဝန်မလေးဘူးလို့ သုံးသပ်ဖော်ပြခဲ့ပါတယ်။ ဒီလိုစစ်တပ်ကြောင့်ပဲ မြန်မာစီးပွားရေး ချွတ်ခြုံကျလို့၊ လူတွေ မကြုံစဖူး ဒုက္ခတွေ အကြီးအကျယ်နဲ့ ကြုံကြိုက် ကြရပါတယ်။ ဗိုလ်ချုပ်သန်းရွှေကတော့ ကမ္ဘာအဆိုးရွားဆုံး အာဏာရှင်ကြီးနေရာကို ယူလာခဲ့ကြောင်း နိဂုံးဖော်ပြခဲ့ပါတယ်။ ဒီစာအုပ်ဟာ တိကျတယ်၊ ပြည့်စုံတယ် ပြောရခက်ပေမယ့် မြန်မာနိုင်ငံက အာဏာရှင် ဗိုလ်ချုပ်ကြီးအကြောင်း ဖော်ပြထားတဲ့ အပြည့်စုံဆုံးစာအုပ်၊ ဖတ်မယ်ဆိုရင်လည်း စိတ်ဝင်စားစရာ တချို့ရှိနေ သေးတဲ့ စာအုပ်ဖြစ်ကြောင်း ဖော်ပြလိုက်ပါရစေ။ နောက်တပတ်မှာတော့ စာအုပ်အသစ်တအုပ်ကို မိတ်ဆက် တင်ပြပါရစေ။ အားလုံး ငြိမ်းချမ်းပျော်ရွှင် ကြပါစေ။

(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)