ဗိုလ်ချုပ်သန်းရွှေအကြောင်း၊ (အပိုင်း-၁၃)

ထိုင်းနိုင်ငံရှိ (Silkworm Books) စာအုပ်တိုက်က ထုတ်ဝေပြီး၊ ဘင်နဒစ် ရော်ဂျာစ် (Benedict Rogers) ရေးသားထားတဲ့ "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ်တဦးကို မျက်နှာဖုံးခွာကြည့်ခြင်း" ဆိုတဲ့ စာအုပ်အကြောင်းကို တင်ဆက်နေပါတယ်။ ဒီတပတ်မှာတော့ ဗိုလ်ချုပ်သန်းရွှေက နေပြည်တော် မြို့တော်သစ် တည်ဆောက်ခဲ့တဲ့အကြောင်းနဲ့ နာဂစ်မုန်တိုင်းကာလ၊ ရွှေဝါရောင် သံဃာတွေရဲ့ မေတ္တာပို့ဆုတောင်းစဉ်ကာလမှာ ဘယ်လိုပြုမူ တုံ့ပြန်ခဲ့သလဲ ဆိုတာ တွေ ကို ဆက်လက်တင်ပြပါမယ်။

သောတရှင် မိတ်ဆွေများခင်ဗျား။
ဗိုလ်ချုပ်သန်းရွှေက နေပြည်တော်မြို့တော်သစ် တည်ဆောက်ပြီး ပြောင်းရွှေ့ခဲ့တဲ့ အကြောင်းကိုလည်း စာအုပ်ထဲမှာ တခန်း တကဏ္ဍအနေနဲ့ သီးသန့်ထည့်သွင်းဖော်ပြထားပါသေးတယ်။ နေပြည်တော်မြို့တော်သစ်ကို ပြောင်းကြစဉ် ၂၀၀၅ ခုနှစ်က ပြောင်းရွှေ့ခဲ့ကြတဲ့ ပုံကလည်း ထူးခြားပါတယ်။ နိုဝင်ဘာလ ၆ ရက်၊ နံနက် ၆ နာရီ ၃၇ မိနစ်မှာ ၀န်ထမ်းတွေပါတဲ့ ကား တန်းကြီး စထွက်ပါတယ်။ ထွက်ကြ တဲ့ကားတွေပေါ်က "ထွက်ပြီ၊ ထွက်ပြီ" လို့ အော်ကြရသလို ကျန်ခဲ့တဲ့ဝန်ထမ်းတွေက လည်း "ထွက်၊ ထွက်" လို့ အော်ကြရတယ်လို့ ဆိုပါတယ်။ တခါမြို့တော်သစ်ကို နောက်ထပ်ဝန်ထမ်းတသုတ် ကားတန်း တွေ ထွက်ကြရ တဲ့အချိန်ကလည်း နောက်ထပ် ၅ ရက်အကြာ နိုဝင်ဘာလ ၁၁ ရက်၊ နံနက် ၁၁း ၀၀ နာရီ တိတိမှာ ဖြစ်ပါတယ်။ စစ်တပ် တပ်ရင်း ၁၁ ခုနဲ့ ၀န်ကြီးဌာန ၁၁ ခုက ၀န်ထမ်းတွေကို စစ်တပ် ထရပ်ကား ၁,၁၀၀ က သယ်ဆောင်ပြီး ထွက်ခဲ့ကြကြောင်း ဖော်ပြထားပါတယ်။ ဒါကို ဖတ်ရတော့ အခုမကြာခင် ကျင်းပတော့မယ့် ရွေးကောက်ပွဲဟာ လည်း ၁၁- လမြောက် နိုဝင်ဘာလမှာ ဖြစ်နေလေတော့ တကယ့်ကိုထူးထူးခြားခြား တိုက်ဆိုင်မှုပါလားလို့ စဉ်းစားမိနေပါသေးတယ်။ တကယ်က ဗေဒင်ကိန်းခန်းတွေနဲ့ တွက်ချက်ကြပြီး ပြောင်းရွှေ့ကြတာ၊ ရွေးကောက်ပွဲ ရက်ကို ရွေးချယ်ကြတာလည်း ဖြစ်နိုင်ပါတယ်။

နေပြည်တော်ကို မြို့တော်သစ် ပြောင်းရွှေ့ရခြင်းရဲ့ နိုင်ငံရေး၊ လုံခြုံရေး၊ သမိုင်းရေးဆိုင်ရာ အကြောင်းအချက် တွေကိုလည်း ဘင် ရော်ဂျာက အချို့စာတမ်း၊ စာအုပ်တွေကို ကိုးကားလို့ ဖော်ပြခဲ့ပါသေးတယ်။ နေပြည်တော် မြို့တော်သစ်ကို ပြောင်းရ တာဟာ ရန်ကုန်မှာ လူထုဆူပူအုံကြွမှုတွေ ကြုံရမှာကို စိုးရိမ်လို့ဆိုတဲ့ စိုးရိမ်ချက် တွေရှိကြောင်းကိုလည်း စာရေးသူက သူ့ စာအုပ်ထဲမှာ ဖော်ပြခဲ့ပါသေးတယ်။ တကယ်တော့ နေပြည်တော် ဆိုတာ ကြံဖန်ပြီး လူတည်ဆောက်ထားတဲ့မြို့၊ ဘာမှ မရှိ တဲ့နေရာမှာ အခုမှအသစ်လုပ်ကြံ တည်ဆောက်ထား တဲ့မြို့ဆိုတော့ အတော်လည်း ပျင်းစရာကောင်းတဲ့ တိတ်ဆိတ်ညိမ် သက်နေတဲ့မြို့ ဖြစ်တယ်ဆိုတာ အချို့ သံတမာန်တွေကို ကိုးကားလို့ ဖော်ပြပါတယ်။ နေပြည်တော်ဆိုတာ အမေရိကန်က မြို့တွေနဲ့ နှိုင်းယှဉ်မယ်ဆိုရင် ပင်စင်စားတွေနေတတ်တဲ့ တိတ်တိတ်ဆိတ်ဆိတ် ဖလော်ရီဒါပြည်နယ်က မြို့လိုမျိုး၊ အမေရိကန် အနောက် အလယ်ပိုင်းက တောမြို့ကလေးလိုမျိုးလို့ ဖော်ပြပါတယ်။ နေပြည်တော်သွားတဲ့ ၆-လမ်း၊ ၈-လမ်းသွား ကား လမ်းမကြီးတွေတော့ ဖောက်ထားပါတယ်။ သတင်းထောက် တဦးကတော့ လမ်းတလျှောက်လုံး ကား ၂ စီး- ၃ စီးသာ တွေ့ရတယ်လို့လည်း ဖော်ပြပါတယ်။ နေပြည်တော်ကိုသာ အမြန်ရွှေ့ခဲ့ကြတယ်။ စနစ်တကျ ပြောင်း ရွှေ့ပုံမျိုး မဟုတ်ဘူး ဆိုတာလည်း သူက ဗြိတိန်သံအမတ်ကြီး မာ့က်ကန်းနင်းကို ကိုးကား ဖော်ပြပါသေးတယ်။ ဘတ်စ်ကားဂိတ်တွေမှာ ကား တွေ ရှိမနေဘူး၊ တယ်လီဖုန်းရုံတွေတော့ ရှိပါတယ်။ ဖုန်းက ရှိမနေဘူး။ နိုင်ငံခြားရေးဝန်ကြီးဌာနကို သွားပါတယ်။ ကား ကို လမ်းမကြီးကခွဲပြီး လမ်းကျဉ်းကလေးထဲ မောင်းဝင်သွားရ ပြန်တယ်။ အထဲရောက်တော့ ကားရပ်နားဖို့ နေရာက မရှိပြန် ဘူး။ တခါ ပြောင်းရွှေ့စမှာ ဖုန်း၊ ဖက်စ် ဆက်သွယ်ရေးကိစ္စတွေကလည်း ခက်ခဲလှပြန်တော့ မြန်မာစစ်အစိုးရက ထားချင် တဲ့ နိုင်ငံခြား ဆက်ဆံရေး စနစ်ဆိုတာလည်း အဲသလိုမျိုး လမ်းမကြီးပေါ်မှာ မဟုတ်တဲ့၊ နိုင်ငံခြားဧည့်သည်တွေ ကားရပ်နား ဖို့ နေရာမရှိတဲ့ စနစ်မျိုးပဲ ဖြစ်မယ်လို့ ဆိုခဲ့ပါသေးတယ်။ နေပြည်တော်က ကြေးရုပ်ထုကြီးတွေ တည်ထားတာ၊ ဥပ္ပါယ် သန္တတိ စေတီတော် စသဖြင့်ကို ညွှန်းပြီး ဗိုလ်ချုပ်သန်းရွှေရဲ့ ဘုရင်ဖြစ်ချင်တဲ့ စိတ်ကူးကိုလည်း ဖော်ပြပါသေးတယ်။ ဒါပေ မယ့်လည်း ၀မ်းနည်းစရာ ကောင်းတာက အခုလိုမြို့တော်သစ်ပြောင်းရွှေ့ရတဲ့ အကြံဉာဏ် စိတ်ကူးတွေကို ဘယ်သူတဦး ကမှ မေးခွန်းထုတ်တာ မရှိခဲ့ဘူးလို့လည်း ဘင် ရော်ဂျာက ဖော်ပြပါတယ်။

နောက်တခန်းမှာတော့ နာဂစ်မုန်တိုင်းကာလနဲ့ ၂၀၀၇ ခုနှစ် သံဃာတော်တွေ မေတ္တာပို့ ဆုတောင်းကြတဲ့ ကာလတွေမှာ ဗိုလ်ချုပ်သန်းရွှေ တုံ့ပြန်ပုံတွေကိုလည်း ဖော်ပြခဲ့ပါတယ်။ ဗိုလ်ချုပ်သန်းရွှေက တိုင်းပြည်တွင်းမှာ ဖြစ်နေတဲ့ အခြေအနေ တွေကို တကယ်မသိဘူးလားလို့ စာရေးသူက မေးခွန်းထုတ်ပါတယ်။ သူခရီးသွားလေရာ တိုင်းခန်းလှည့်လေရာ တလျှောက်မှာ ကိစ္စအားလုံးက အဆင်ချောအောင် အပြင်-အပြတွေ လုပ်ထားကြ ပါတယ်။ မကောင်းတာ မမြင်ရလေ အောင်၊ မလှတာ မရှိရလေအောင် လုပ်ထားကြပါတယ်။ သတင်းတွေ ကလည်း အဆင့်ဆင့် စိစစ်ပြီးမှသာ သူ့ဆီကို ရောက်လာပါတယ်။ မလေးရှားက ခေါင်းဆောင်ကြီး မဟာ သီယာ လည်း အလားတူ ကိစ္စမျိုးတွေ ကြုံရပေမယ့် သူ့မလေး ရှားနိုင်ငံက ပိုပွင့်လင်းပါတယ်။ နိုင်ငံတကာကို ပိုထိတွေ့မှုတွေ ရှိသလို၊ လိုရင်လို သလို နေရာအတော်များများမှာ သူက ရုတ်တရက် ၀င်ရောက်ကြည့်ရှု တတ်ပါတယ်။ ဗိုလ်ချုပ်သန်းရွှေကတော့ အဲသလို မဟုတ်ပါဘူး။ သူ့ကို ပြရာကိုပဲ ကြည့်ပြီး အဲသလို ကမ္ဘာမှာပဲ နေထိုင်တာပါ။ ဒါပေမယ့် ဗိုလ်ချုပ်သန်းရွှေကို ရုတ်တရက် လှုပ်နှိုးလိုက်တာကတော့ ၂၀၀၇ သံဃာ့ ဆန္ဒပြပွဲ တွေပဲ ဖြစ်ပါတယ်။

၂၀၀၇ ခုနှစ်မှာ လောင်စာဆီဈေးတွေ ရုတ်တရက်မြှင့်တင်လိုက် ပြီးတဲ့နောက်ပိုင်း ၈၈-မျိုးဆက် ကျောင်းသား တွေရဲ့ လမ်းလျှောက်ဆန္ဒပြပွဲတွေ ဖြစ်လာပါတယ်။ ဒီလို လူစုလူဝေးတွေကို စွမ်းအားရှင်လို၊ ကြံ့ခိုင်ဖွံ့ဖြိုးရေးလို စစ်တပ်က ကျောထောက်နောက်ခံပြုထားတဲ့ ကိုင်တွယ်နိုင်ဖို့ ကြိုးစားခဲ့ပါသေးတယ်။ ပခုက္ကူမှာ မေတ္တာပို့ လမ်းလျှောက်ကြတဲ့ သံဃာတွေကို ဓာတ်တိုင်မှာ ကြိုးတုတ် ရိုက်နှက်တာတွေ ဖြစ်လာပြီးတဲ့နောက် သံဃာ့ လှုပ်ရှားမှုက တနိုင်ငံလုံးကို ပျံ့နှံ့သွားသလို၊ သံဃာတွေက ကံဆောင်သပိတ်မှောက်မှုတွေလည်း ဖြစ်ပေါ်လာ ပါတယ်။ ဆန္ဒပြပွဲတွေကြီး လာတဲ့အခါ မှာတော့ နောက်ဆုံးစစ်တပ်နဲ့ အကြမ်းဖက် ကိုင်တွယ်ရတာတွေ ဖြစ်လာခဲ့ပါတယ်။ဒါဟာ ၁၉၈၈ ခုနှစ် လူထုအုံကြွမှုကြီး အပြီးနောက်မှာ အကြီးဆုံးလူထုလှုပ်ရှားမှုကြီးလို့ ဆိုနိုင်ပါတယ်။ ဗိုလ်ချုပ်သန်းရွှေရဲ့ ဇနီးအပါအ၀င် ကျန်မိသားစုတွေက ဒူဘိုင်းကို တိမ်းရှောင်ထွက်ပြေး နေကြရတယ်လို့ ကောလာဟလတွေတောင် ထွက်ပေါ်ခဲ့ပါတယ်။ လက်နက်ဆိုလို့ အပ် တချောင်းတောင် မကိုင်ထားတဲ့၊ မေတ္တာပို့နေကြတဲ့ သံဃာတွေကို နှိမ်နင်းတဲ့နေရာမှာ ဗိုလ်ချုပ်သန်းရွှေရဲ့ ရက်စက်ကြမ်း ကြုတ်မှုက ထင်ရှားလှပါတယ်။ ဘုန်းတော်ကြီးကျောင်းတွေကို ၀င်ရောက်စီးနင်းတာတွေ ရှိခဲ့သလို၊ လူ ၆၀၀၀ ကျော်နဲ့ သံဃာ ၁၄၀၀ ကျော်ကိုလည်း ဖမ်းဆီးခဲ့ပါတယ်။ ဂျပန်သတင်းထောက်တဦးလည်း ပစ်သတ်ခံခဲ့ရသလို၊ အသက်ဆုံးရှုံးရ သူလည်း အတော်များများ ရှိခဲ့ပါတယ်။ နိုင်ငံတကာက ဝေဖန်မှုတွေ ပေါ်ထွက်ဆူညံလာပြီးတဲ့ နောက်မှာတော့ ဗိုလ်ချုပ် သန်းရွှေက ဒေါ်အောင်ဆန်းစုကြည်နဲ့ တွေ့ဖို့ဆိုပြီး အလုပ်သမားဝန်ကြီး ဗိုလ်မှူးချုပ် အောင်ကြည်ကို ခန့်အပ်တာဝန်ပေးခဲ့ ပါတယ်။ အခုအချိန်မှာတော့ ဒါတွေအားလုံးဟာ နိုင်ငံတကာကို လှည့်ဖျားရုံကိစ္စတွေဆိုတာ အတော်ပေါ်လွင်နေခဲ့ပါပြီ။

၂၀၀၈ ခုနှစ်၊ မေလ နာဂစ်မုန်တိုင်း အပျက်အစီးကြီးနဲ့ ကြုံရစဉ်မှာလည်း သူ့ရဲ့အကြင်နာတရား ခေါင်းပါးပုံကို လူတွေက ပိုလို့မြင်တွေ့ခဲ့ရပြန်ပါတယ်။ နာဂစ်မုန်တိုင်းက မြန်မာ့သမိုင်းမှာ မကြုံစဖူး အပြင်းထန်ဆုံးကပ်ဘေးလို့ ဆိုနိုင်ပါတယ်။ လူ သိန်းပေါင်းများစွာ သေဆုံးပျောက်ဆုံးခဲ့ရပါတယ်။ ဒီလို အခြေအနေမှာတောင် အစိုးရကူညီမှု တွေ နှောင့်နှေးနေတဲ့အပြင် ကူညီလိုတဲ့ နိုင်ငံတကာ အကူအညီတွေကိုလည်း ပိတ်ဆို့ထားခဲ့ပါတယ်။ နောက် တပတ်မှာ ဒီအကြောင်းတွေအပြင် ဗိုလ် ချုပ်သန်းရွှေရဲ့ ရန်ဖက်တွေက ဘယ်သူတွေလဲ၊ အရိုက်အရာ ဆက်ခံ မယ့်သူတွေက ဘယ်သူတွေလဲ။ သူ့ဆီက ခွတုတ် ညာစားနေသူတွေက ဘယ်သူတွေလဲဆိုတာ ဆက်လက် တင်ပြပါမယ်။ အားလုံး ငြိမ်းချမ်းပျော်ရွှင် ကြပါစေ။

(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)