ဗိုလ်ချုပ်သန်းရွှေအကြောင်း၊ (အပိုင်း-၁၂)

ထိုင်းနိုင်ငံရှိ (Silkworm Books) စာအုပ်တိုက်က ထုတ်ဝေပြီး၊ ဘင်နဒစ် ရော်ဂျာစ် (Benedict Rogers) ရေးသားထားတဲ့ "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ်တဦးကို မျက်နှာဖုံးခွာကြည့်ခြင်း" ဆိုတဲ့ စာအုပ်အကြောင်းကို တင်ဆက်နေပါတယ်။ ဒီတပတ်မှာတော့ ဗိုလ်ချုပ်သန်းရွှေ ဦးဆောင်တဲ့ စစ် အစိုးရ က နိုင်ငံတကာ ဖိအားတွေကို လျော့ကျပြီး စစ်အစိုးရကို ဆက်ဆံလာစေဖို့ ဘယ်လောက်အထိ ငွေကုန်ကြေးကျ ကျခံသုံးစွဲလို့ စည်းရုံးခဲ့ပုံ ကို ဆက်လက် တင်ပြပါမယ်။

သောတရှင် မိတ်ဆွေများခင်ဗျား။
ဗိုလ်ချုပ်သန်းရွှေဦးဆောင်တဲ့ စစ်အစိုးရက မူးယစ်ဆေးဝါးနဲ့ ပတ်သက်နေမှု၊ အင်မတန်ဆိုးရွား ကြီးလေးတဲ့ လူ့အခွင့် အရေး ချိုးဖောက်မှု မှတ်တမ်းတွေကြောင့် အနောက်နိုင်ငံတွေက စီးပွားရေးအရ၊ သံတမာန်ရေးအရ ဒဏ်ခတ်ပိတ်ဆို့မှု တွေ လုပ်ထားကြပါတယ်။ တကယ်တော့ နိုင်ငံရေး ပြဿနာတွေကို တွေ့ဆုံဆွေးနွေးရေးနည်းနဲ့ ဖြေရှင်းနိုင်ရင်၊ ဒါမှ မဟုတ် လူ့အခွင့်အရေး မှတ်တမ်းတွေ ကောင်းလာရင် အခုလို ပိတ်ဆို့ဒဏ်ခတ်မှုတွေက ပြေလျော့သွားမှာ ဖြစ်ပါတယ်။ ဒါပေမယ့် စစ်အစိုးရက ဒီလို ဖြေရှင်းဖို့ မကြိုးစားဘဲ အနောက်နိုင်ငံ အစိုးရတွေကို မြူဆွယ်သိမ်းသွင်း စည်းရုံးပေးဖို့ ကုမ္ပဏီတွေကို ငွေကုန် ကြေးကျ ငှားရမ်းခဲ့ပါတယ်။ တဖက်က ကုမ္ပဏီတွေကလည်း ငွေမျက်နှာနဲ့ စစ်အစိုးရအတွက် အကျိုးဆောင် ပေးခဲ့ကြတာကို စာရေးသူ ဘင်ရော်ဂျာက ထည့်သွင်း ဖော်ပြခဲ့ပါတယ်။

တကယ်က အခုလို Lobbyist လို့ခေါ်တဲ့ အနောက်နိုင်ငံက အစိုးရ အရာရှိ၊ အာဏာပိုင်တွေကို စည်းရုံးသိမ်း သွင်းဖို့ ကုမ္ပဏီတွေ ငှားရမ်းအသုံးပြုတာက နိုင်ငံတကာမှာ စစ်အစိုးရအတွက် မျက်နှာပန်းလှလာစေဖို့ ဖြစ်ပါတယ်။ ၁၉၉၀ ခုနှစ် များလောက်က စလို့ အဲသလို ကုမ္ပဏီတွေကို ငှားရမ်အသုံးချခဲ့ပါတယ်။ အဲဒီအချိန်က အမေရိကန်နိုင်ငံမြို့တော် ၀ါရှင်တန် ဒီစီမှာ သံအမတ်ကြီးအဖြစ် တာဝန်ယူနေရသူက အခု စက်မှုဝန်ကြီး ဦးသောင်းပါ။ သူက ဗိုလ်ချုပ်သန်းရွှေနဲ့ တမြို့တည်း သား ကျောက်ဆည်ဖွားတဦး ဖြစ်သလို၊ ဗိုလ်ချုပ်သန်းရွှေ အတွက် လူယုံ သက်တော်ရှည်အမတ်အဖြစ်လည်း လူသိများပါ တယ်။ သူက အခုကာလမှာ အနုမြူ လျှို့ဝှက် စီမံကိန်းလိုဟာမျိုး ဦးဆောင်နေရသူ ဖြစ်သလို၊ ၂၀၀၃ ခုနှစ် ဒီပဲယင်းတိုက် ခိုက်မှု၊ ၂၀၀၇ ခုနှစ်၊ သံဃာတွေကို သွေးထွက်သံယို ချေမှုန်းမှုတွေမှာလည်း ဦးဆောင်ခဲ့သူလို့ ကျော်စောသူ ဖြစ်ပါတယ်။

သူက အမေရိကန် သံအမတ်ကြီးအဖြစ် ရှိနေစဉ်မှာ ကိုလိုဘာ့ဂ်နဲ့ လုပ်ဖော်ကိုင်ဖက်များ ကုမ္ပဏီ (Kloberg & Associates) ကို ငှားရမ်းခဲ့ပါတယ်။ သူတို့က မြန်မာသံရုံးကို ကိုယ်စားပြုလို့ အမေရိကန်က လွှတ်တော် အမတ်တွေ၊ ထင်ရှားတဲ့အစိုးရ အရာရှိတွေ၊ သမ္မတအုပ်ချုပ်ရေးက အရာရှိတွေကို ဆက်သွယ်စည်းရုံး ပေးခဲ့ပါတယ်။ သူတို့ရဲ့ ရည်ရွယ်ချက်က မြန်မာသံရုံး နဲ့ မြန်မာစစ်အစိုးရအပေါ် အဆိုးမြင်ဖြစ်နေတာတွေကို တုန့်ပြန် ဖြေရှင်းနိုင်ဖို့လို့ ဆိုပါတယ်။ သံအမတ်ကြီးဦးသောင်းနဲ့ လွှတ်တော်အမတ်ပေါင်း ၂၃-ဦး တွေ့ဆုံနိုင် အောင် စည်းရုံးစီစဉ်ပေးနိုင်ခဲ့ပါတယ်။ ဒီလိုကိစ္စတွေ လုပ်ဆောင်ဖို့ တလကို ဒေါ်လာ ၁၀,၀၀၀ အပြင် အခြား ကုန်ကျစရိတ်တွေ ပေးခဲ့ရပါတယ်။ ဒါပေမယ့် သိပ်မကြာခင်မှာပဲ မြန်မာစစ် အစိုးရဖက်က သဘောတူညီချက် ချိုးဖောက်တာကြောင့် ပျက်သွားခဲ့ရပါတယ်။ သံအမတ်ဦးသောင်းကတော့ ဒီကိစ္စတွေ မလုပ်ခဲ့ဘူးလို့ ပြောင် လိမ်ပါတယ်။ မြန်မာပြည်ဖွား အမေရိကန်နိုင်ငံသားတွေက မျိုးချစ်စိတ်နဲ့ စည်းရုံး လုပ်ဆောင်ခဲ့တာ၊ သူတို့နဲ့ လုံးဝ မပတ်သက်ဖူးလို့ ပြောင်လိမ်ပါတယ်။ ဒါပေမယ့် Progrssive မဂ္ဂဇင်းမှာ ကလိုဘာ့ဂ်နဲ့ အင်တာဗျူး ဖော်ပြထားချက်အရ ဦးသောင်း လိမ်လည်တဲ့အချက်၊ သူ့ကိုတောင်လိမ်ပြီး ငွေပေးချေဖို့ ကျန်နေတဲ့ အချက်တွေကို ထုတ်ဖော်ပြောခဲ့ပါတယ်။

သိပ်မကြာခင်မှာ ဦးသောင်းက ကလိုဘာ့ဂ်ထက် ပိုထိရောက်တဲ့ Lester L. Wolff (လက်စတာ အယ်လ် ၀ုဖ်) လို့ခေါ်တဲ့ အရင် လွှတ်တော်အမတ်ဟောင်းကို ထပ်ငှားခဲ့ပြန်ပါတယ်။ သူ့ကိုလည်း ဒေါ်လာတသောင်းနဲ့ အခြားကုန်ကျစရိတ်တွေ လစဉ်ပေးခဲ့ရပါတယ်။ အဲဒီ အမတ်ဟောင်းက အရင် မူးယစ်ဆေးနှိမ်နင်းရေး ကော်မီတီ က ဥက္ကဋ္ဌဟောင်း ဖြစ်သလို၊ အာရှ-ပစိဖိတ်ရေးရာ နိုင်ငံခြားရေးကော်မီတီမှာလည်း ပါခဲ့ဖူးပါတယ်။ မြန်မာ အစိုးရစရိတ်နဲ့ မြန်မာနိုင်ငံကို ခေါ်ပြီး လည်ပတ်စေ ခဲ့ပါသေးတယ်။ သူတို့ကတော့ အချက်အလက် လေ့လာ ရှာဖွေရေး ခရီးစဉ်လို့ အကြောင်းပြခဲ့ပါတယ်။ နောက်ပိုင်းမှာ အမတ်ဟောင်း ၀ုဖ်က ဘာဖြစ်လို့ ဆက်မလုပ် တော့သလဲဆိုတာတော့ စုံစမ်းမရပါဘူး။ တခါ ၁၉၉၇ ခုနှစ်မှာ ရုပ်မြင် သံကြား သတင်းထောက်ဟောင်း Jakson Bain (ဂျက်ဆင် ဘိန်းနဲ့ သူ့ဇနီး) တို့ ဦးဆောင်တဲ့ Bain & Associates ကုမ္ပဏီ ကိုလည်း အဲသလို စစ်အစိုးရ ကိုယ်စား စည်းရုံးပေးဖို့ ငှားရမ်း အသုံးချခဲ့ပါသေးတယ်။ ဒီတခါတော့ ငှားတဲ့သူက စစ်အစိုးရ မဟုတ်ဘဲ စီးပွားရေး လုပ်ငန်းရှင် ဇေကမ္ဘာဦးခင်ရွှေ ဖြစ်ပါတယ်။ ဒါပေမယ့် အဲဒီကုမ္ပဏီက ၀ါရှင်တန်သံရုံး၊ နိုင်ငံခြားရေး ၀န်ကြီးဌာနတွေကို အမြဲတမ်းလိုလို အစီရင်ခံစာတွေ ပို့နေရပါတယ်။ အဲဒီအချိန်မှာ သံအမတ်ကြီး ဖြစ်နေသူက နောက် တော့ နိုင်ငံခြားရေးဝန်ကြီးဖြစ်၊ တခါ ထောက်လှမ်းရေးတဖွဲ့လုံးကို ဖျက်သိမ်း ဖမ်းဆီးတဲ့အခါ ထောင်ကျ တန်းကျနဲ့ ထောင် ထဲသေဆုံးခဲ့ရတဲ့ ဦးတင်ဝင်း ဖြစ်ပါတယ်။ အဲဒီ ဘိန်းနဲ့ လုပ်ဖော်ကိုင်ဖက်များ ကုမ္ပဏီကို ဒေါ်လာ ၂၀,၀၀၀ ကျော် လစဉ် ပေးခဲ့ကြရတာပါ။ သူတို့က မြန်မာနိုင်ငံမှာ ရေနံတူးနေတဲ့ ယူနိုကယ်ကုမ္ပဏီ၊ အာရှ- ပစိဖိတ် စီးပွားရေးကောင်စီတွေနဲ့ ပူးပေါင်းလုပ်ဆောင်ခဲ့ကြပါတယ်။

တခါ ၁၉၉၇ ခုနှစ်မှာပဲ Myanmar Resources Development Ltd. (မြန်မာ အရင်းအမြစ်များ ဖွံ့ဖြိုးစေရေး လီမီတက်) ဆိုတဲ့ စစ်အစိုးရနဲ့ ပတ်သက်ဆက်စပ်နေတဲ့ ကုမ္ပဏီတခုက ဂျက်ဖာဆင် ၀ါတာမင်း အင်တာ နေရှင်နယ် (Jefferson Waterman International) ကုမ္ပဏီရဲ့ ဥက္ကဋ္ဌ Ann Wrobleski (အဲန်း ရိုဘက်စ်စကီ) ကို အဲသလိုပဲ ကုန်သွယ်ရေးနဲ့ နိုင်ငံ ခြား ဆက်ဆံရေးကိစ္စတွေကို ကူညီဖို့ ငှားရမ်းခဲ့ပြန်ပါတယ်။ ဒီတခါက ငှားရမ်းခက ဒေါ်လာ ၄-သိန်းလောက်တောင် ပေးခဲ့ ရတယ်လို့ ဆိုပါတယ်။ ဒါတင်မက ခရီးစရိတ်တွေပါ ပေးခဲ့ရ ပါတယ်။ သူတို့က စစ်အစိုးရက မူးယစ်ဆေးဝါး ထိထိရောက် ရောက် နှိမ်နင်းနေကြောင်း ကောင်းသတင်းတွေ ဖော်ထုတ်ပေးရင်း စစ်အစိုးရ အလိုဆောင်ပေးခဲ့ကြပါတယ်။ ၂၀၀၂- ခုနှစ် ရောက်တော့ ဗိုလ်ချုပ်ခင်ညွန့် ဦးဆောင်တဲ့ ထောက်လှမ်းရေးက ၀ါရှင်တန်အခြေစိုက် DCI Group အုပ်စု ကုမ္ပဏီကို အဲသလို စည်းရုံးပေးဖို့ ငှားရမ်းပြန်ပါတယ်။ ဒေါ်လာ ၃၄၀, ၀၀၀ ပေးခဲ့ရတယ်လို့ ဆိုပါတယ်။ အဲဒီအချိန်က အမေရိကန် သမ္မတ ဂျော့ ဒဗလျူ ဘုရ်ှနဲ့ သူ့ဇနီးသမ္မတကတော်က မြန်မာပြည်ဒီမိုကရေစီအရေးကို ခိုင်ခိုင်မာမာ အားပေးနေတဲ့ကြားထဲ ကတောင် အဲဒီ စည်းရုံးရေးလော်ဘီ ကုမ္ပဏီအုပ်စုက မြန်မာပြည် စစ်အစိုးရနဲ့ဆိုရင် မူးယစ်ဆေး တိုက်ဖျက်ရေး၊ ဒုတိယ ကမ္ဘာစစ်အတွင်းက မြန်မာစစ်မြေပြင်မှာ ကျကျန်ခဲ့တဲ့ အမေရိကန်စစ်သားတွေရဲ့ ရုပ်ကြွင်းတွေ ကောက်ယူရေးကိစ္စတွေမှာ ပူးပေါင်း ဆောင်ရွက်နိုင်ကြောင်း ရှာကြံတိုက်တွန်းပေးခဲ့သလို၊ အိမ်ဖြူတော် အရာရှိတွေကိုလည်း တွေ့ဆုံစည်းရုံးခဲ့ပါသေး တယ်။

ဒီအချက်တွေကို ကြည့်မယ်ဆိုရင် စစ်အစိုးရခေါင်းဆောင်ကြီး ဗိုလ်ချုပ်သန်းရွှေက ခပ်အအ၊ ခပ်ထုံထုံ နိုင်ငံ တကာ အခြေ အနေကို မသိသူတော့ မဟုတ်ပါဘူး။ တကယ်တော့ မြန်မာပြည်အပေါ် ပိတ်ဆို့ဒဏ်ခတ်ထားတဲ့ ပြဿနာရဲ့ အရင်းအမြစ် က လူ့အခွင့်အရေး အခြေအနေ ကောင်းလာရင်၊ ဒီမိုကရေစီ အင်အားစုတွေနဲ့ တွေ့ဆုံညှိနှိုင်းကြရင် ပြေလည်သွားမှာပါ။

ဒီလို အခြေခံပြဿနာကို မရှင်းဘဲ ငွေကုန်ကြေးကျခံလို့ စစ်အစိုးရ ဆက်လက်ရပ်တည်နိုင်ဖို့၊ သူ့ရဲ့ စည်းရုံးရေး နယ်ပယ်ကို ချဲ့ထွင်နိုင်ဖို့ ဆောင်ရွက်နေပါတယ်။ ငွေလမ်းခင်းပြီး သူ့ရဲ့အာဏာစက် ခိုင်မြဲဖို့ နည်းပေါင်းစုံနဲ့ ကြိုးပမ်းခဲ့ပါတယ်။ ပြည်တွင်း မှာ ကျန်းမာရေး ပညာရေး အသုံးစရိတ် ချို့ချို့တဲ့တဲ့ သုံးနေရ တဲ့အချိန် အခုလို လုပ်ဆောင်နေခဲ့တာပါ။

နောက်တပတ်မှာတော့ ဗိုလ်ချုပ်သန်းရွှေရဲ့ ဘုရင်ဖြစ်ချင်တဲ့ စိတ်ကူး နေပြည်တော်ကြီးနဲ့ နာဂစ်မုန်တိုင်း ကပ်ဘေးကာလ၊ သံဃာတွေ မေတ္တာပို့ ဆုတောင်းတဲ့ ဆန္ဒပြပွဲကာလ ကိုင်တွယ်ပြုမူခဲ့ပုံ သဘောထားတွေကို ဆက်လက်နှိုင်းယှဉ်တင်ပြပါ မယ်။ အားလုံး ငြိမ်းချမ်းပျော်ရွှင် ကြပါစေ။

(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)