မြန်မာနိုင်ငံရှိ အာဏာရှင်စနစ်၊ ကသောင်းကနင်း အခြေအနေနှင့် ပြိုယွင်းကျဆင်းနေမှု (၁၁)။ မြန်မာနိုင်ငံရှိ အစ္စလမ်မစ် ပညာရေး

သြစတြေလျအမျိုးသား တက္ကသိုလ်က ထုတ်ဝေတဲ့ "မြန်မာနိုင်ငံရှိ အာဏာရှင်စနစ်၊ ကသောင်းကနင်း အခြေ အနေနဲ့ ပြိုယွင်းကျဆင်းနေမှု" စာအုပ်ကို တင်ပြနေပါ တယ်။ ၂ဝဝ၇ ခုနှစ်၊ သံဃာတော်တွေ ဦးဆောင်တဲ့ ရွှေဝါရောင် တော်လှန်ရေး နောက်ပိုင်း မြန်မာနိုင်ငံရဲ့ နိုင်ငံရေး၊ လူမှုရေး၊ စီးပွားရေး အခြေအနေတွေကို သုံးသပ် ဖော်ပြထားတဲ့ စာရေးသူအများရဲ့ ဆောင်းပါးပေါင်းစုံ စာအုပ်ဖြစ်ပါတယ်။ ဒီတပတ်မှာတော့ မြန်မာနိုင်ငံမှာ ရှိနေတဲ့ မဒရာစီ အစ္စလမ်ဘာသာရေးကျောင်း ပညာရေးစနစ်အကြောင်းကို တင်ပြထားတဲ့ မိုဟာမက် မိုဟီ ယူဒင် မိုဟာမက် ဆူလေမန်ရဲ့ ဆောင်းပါးကို ဆက်လက်တင်ပြပါမယ်။

သောတရှင် မိတ်ဆွေများခင်ဗျား။
ဒီဆောင်းပါးက မြန်မာနိုင်ငံမှာ ရှိနေတဲ့ အစ္စလမ်ဘာသာရေးကျောင်းတွေ၊ တနည်းပြောရရင် မဒရာစာ လို့ ခေါ်နေတဲ့ ကျောင်းတွေအကြောင်းကို တင်ပြထားတာပါ။ ကျနော်တို့နိုင်ငံထဲက မူစလင်တွေရဲ့အကြောင်း၊ သူတို့ ဘာသာရေး ကျောင်းတွေရဲ့ အကြောင်းကို လူသိနည်းလှပါတယ်။ ကျနော်တောင်မှ ဒီဆောင်းပါးဖတ်ရတော့မှ ပိုလို့ ဗဟုသုတ ရလာပါတယ်။ အခုဆောင်းပါးအကြောင်း မပြောခင် မိတ်ဆွေတို့ကိုလည်း နည်းနည်းမေးခွန်း ထုတ်ပါရစေ။ မြန်မာနိုင်ငံမှာ မူစလင် ဗလီ ဘယ်နှစ်ခုလောက်ရှိနိုင်တယ် ယူဆသလဲ၊ မူစလင်ပညာရေးကို သင် နေတဲ့ကျောင်းတွေ ဘယ်လောက် ရှိမယ်လို့ ခန့်မှန်းပါသလဲ။ မေးကြည့်ပါရစေ။ မြန်မာနိုင်ငံမှာ မူစလင်ဘာသာ ကိုးကွယ်သူ အရေအတွက်က အချို့တွေက စုစုပေါင်းလူဦးရေရဲ့ ၁၃ ရာခိုင်နှုန်းလောက် ရှိတယ်လို့ ဆိုကြပေ မယ့် အစိုးရက ထုတ်ပြန်တဲ့ကိန်းဂဏန်းတွေ၊ စီအိုင်အေက ကိန်းဂဏန်းတွေမှာတော့ လူဦးရေရဲ့ ၄ ရာခိုင်နှုန်း လောက်ပဲ ရှိတယ်လို့ ဖော်ပြကြပါတယ်။ မြန်မာနိုင်ငံမှာ အများစုကိုးကွယ်ကြတာကတော့ ဟာနာဖီဂိုဏ်း က ဆွန်နီဘာသာ ဖြစ်ပြီး၊ လူနည်းစုကတော့ ရှီယိုက်ဘာသာကို ယူကြပါတယ်။ ပညာရှင်တွေအဆိုအရ မူစလင် ဘာသာကိုးကွယ်မှုက အာရပ်သင်္ဘောသား ကုန်ကူးသူတွေကတဆင့် အေဒီ ၇၁၂ မှာ ရခိုင်ကမ်းရိုးတန်းကို ရောက်လာတယ် ဆိုပါတယ်။ မလေးရှား၊ အင်ဒိုနီးရှားကို မူစလင်ဘာသာ ရောက်တာနဲ့ တချိန်တည်းလောက် ပါပဲ။ နောက်တခါ သာလွန်မင်းလက်ထက်မှာ ဖမ်းမိတဲ့မူစလင်တွေကို ဗမာပြည်အလယ်ပိုင်းဒေသကို ပြောင်းရွှေ့ အခြေချစေခဲ့တာလည်း ရှိပါတယ်။ မင်းတုံးမင်းလက်ထက်မှာ နန်းတော် ထဲမှာတောင် ဗလီဆောက်ခွင့်ပေးပြီး ဘာသာရေးလွတ်လပ်ခွင့် ပေးခဲ့သလို၊ သီပေါဘုရင်လက်ထက်အထိတိုင် ရှိခဲ့ပါတယ်။

စာရေးသူ မိုဟာမက် မိုဟီယူဒင် မိုဟာမက် ဆူလေမန်ကတော့ မြန်မာပြည်က မူစလင် အုပ်စုတွေကို ယေဘုယျ ၄-မျိုးခွဲခြားပါတယ်။ တခုက ရိုဟင်ဂျာတွေအပါအဝင်ဖြစ်တဲ့ ပန်းသေးအုပ်စု၊ ဒုတိယတခုက ဗမာလူမျိုးစစ်စစ် မူစလင်၊ တတိယကတော့ အိန္ဒိယနွယ်ဖွားက ဆင်းသက်လာတဲ့ မူစလင်နဲ့ စတုတ္ထအုပ်စုကတော့ ‘ဇာဘေဒီ’ လို့ခေါ်တဲ့ အိန္ဒိယမူစလင်အဖေနဲ့ မြန်မာအမေက ဆင်းသက်ပေါက်ဖွားလာကြသူတွေ ဖြစ်ပါတယ်။ သူတို့အုပ်စု ကွဲသလို နိုင်ငံအတွင်းရှိနေတဲ့ လူများစုဗုဒ္ဓဘာသာဝင်တွေနဲ့ ဆက်ဆံရေးကလည်း ကွာခြားကြတယ် ဆိုပါတယ်။

ခုနက မေးခွန်းကို ပြန်ကောက်ရရင် မြန်မာနိုင်ငံမှာ အစ္စလမ်ဘာသာကိုးကွယ်သူ ၈ သန်းနီးပါး ရှိတယ်လို့ မူစလင် တွေက ခန့်မှန်းကြပါတယ်။ ကာကွယ်ရေးဝန်ကြီးဌာနကထုတ်တဲ့ သာသနာရောင်ဝါထွန်းစေဖို့ စာအုပ် မှတ်တမ်း အရ မြန်မာနိုင်ငံမှာ ဗုဒ္ဓြွဘာသာဘုန်းကြီးကျောင်းက ၅ သောင်းကျော်၊ ခရစ်ယာန်ချပ်ကျောင်းက ၃၂ဝဝ ကျော်၊ ဗလီက ၂၂ဝဝ ကျော် ရှိတယ်လို့ ဆိုပါတယ်။ အစ္စလမ်ဘာသာရေးသင်ကျောင်းက ၇၅၉ ခု ရှိတယ်လို့ ဆိုပါ တယ်။ ဒီဆောင်းပါးက အခုဒီ ‘မဒရာစာ’ ကျောင်းတွေရဲ့အကြောင်း တင်ပြထားတာပါ။

အစိုးရက ပညာရေးကဏ္ဍမှာ ဖြည့်ဆည်းအားပေးမှု ချို့ယွင်းနေချိန်မှာ အစ္စလမ်ဘာသာသင် ကျောင်းတွေက လည်း ဒီကွက်လပ်မှာ ဝင်ပြီးနေရာယူ ဖြည့်ကြပါတယ်။ အစ္စလမ်ကိုးကွယ်သူတွေထဲက မရှိဆင်းရဲကလေးတွေ၊ အခြား ကလေးတွေကို ဒီကျောင်းမှာ ပညာသင်ကြားစေပါတယ်။ ‘မဒရာစာ’ လို့ခေါ်တဲ့ အစ္စလမ်ဘာသာရေး သင်ကျောင်းတွေမှာ ၁ဝ နှစ်ကျော်ကျော်ကြာ သင်ကြားကြရပါတယ်။ အကယ်၍ ၁ဝ-တန်းအဆင့်အောင်ရင် အိန္ဒိယ၊ ဘင်္ဂလားဒေ့ရှ်၊ ပါကစ္စတန်စတဲ့ နိုင်ငံတွေမှာ ကျောင်းဆက်တက်ချင်ရင်လည်း ရတယ်ဆိုပါတယ်။ အချို့ တွေကတော့ အာရပ်နိုင်ငံတွေထိ ပညာသင်ဖို့ သွားနိုင်ကြပါတယ်။ ကျောင်းတက်တဲ့ အသက်အရွယ်ကတော့ အတိအကျ မရှိပါဘူး၊ ၇-နှစ်လောက်ကစလို့ သင်ကြားကြပါတယ်။ ပထမ ၂-နှစ်၊ ၄-နှစ်လောက်အထိ ကိုရမ် ကျမ်းကို အာဂုံဆောင်ကြရပါတယ်။ ဒီလို အာဂုံဆောင် နိုင်ရင်တော့ ဒီကလေးကို ဟာဖစ်ဇ် (hafiz) လို့ ခေါ်ပါ တယ်။ ဘာမှ အဓိပ္ပါယ် နားလည်စရာ မလိုပါဘူး။ နောက်တဆင့် မော်လဝီ (mawlawi) အဆင့်ကို တက်တဲ့ အခါ အာရပ်ဘာသာစကား၊ အစ္စလမ် တရားဖြတ်ထုံးတွေ၊ ကိုရမ်ကျမ်းရဲ့ အနက်အဓိပ္ပါယ် ဘာသာပြန်တွေကို လေ့လာရပါတယ်။ ဒီလို ၁ဝ-တန်းအဆင့်လောက် အောင်မြင်ရင်တော့ သူ့ကို မော်လဝီလို့ ခေါ်ပါတယ်။ သူတို့ က တနေ့ကို ၅-ခါ ဝတ်ပြုရပါတယ်။ မြန်မာ မူစလင်တွေမှာ ယုံကြည်နေမှုတခုကတော့ ကိုရမ်ကျမ်းကို မိသားစု ထဲမှာ အာဂုံဆောင်နိုင်သူတဦးရှိရင် သူ့မိသားစု ၁ဝ-ဦးကို ငရဲမီးကနေ ကယ်တင်နိုင်တယ်လို့ ယုံကြည်နေ တော့ ဘာသာရေး ယုံကြည်သူ မိသားစုဝင်တွေကလည်း သူတို့ကလေးတွေကို ဒီကျောင်းတွေကို ပို့လွှတ်ကြပါတယ်။ ကျောင်းအားလုံးက ကျောင်းအိပ်ကျောင်းစားပါ။ အများစုက ယောက်ျားလေးတွေချည်း ရှိတဲ့ကျောင်း ဖြစ်ပေမယ့် နောက်ပိုင်းမှာ မိန်းကလေးတွေကိုလည်း လက်ခံလာပါတယ်။ ဒီကျောင်းတွေမှာ အာရပ်သဒ္ဒါကို မယူမနေရ သင်ရပါတယ်။ ဒါပေမယ့် သင်္ချာသိပ္ပံ ခေတ်ပညာ မသင်ရပါဘူး။ နောက်ပိုင်းအချို့ကျောင်းတွေကတော့ အင်္ဂလိပ် ဘာသာကို ထည့်သင်လာပါတယ်။ အဲသည်တော့လည်း မဒရာစာကျောင်းက ဆင်းတဲ့သူတွေ အနေနဲ့ အစိုးရ လုပ်ငန်းတွေမှာ အလုပ်ရလေ့ မရှိပါဘူး။ ကျောင်းပြီးတဲ့သူတွေက တာဘလိုက် (tabligh) လို့ ခေါ်တဲ့ နိုင်ငံအနှံ့ ရက် ၄ဝ ခရီးလှည့်လည်ပြီး သာသနာပြန့်ပွားရေး လုပ်ရတာလည်း ရှိပါသေးတယ်။

ဒီကျောင်းတွေမှာ သင်တဲ့သင်ခန်းစာတွေက အခြားအိန္ဒိယတိုက်ငယ်မှာ ရှိတဲ့ နိုင်ငံတွေနဲ့ အတိအကျမတူရင် တောင် ဆင်တူနီးပါး ဖြစ်ပါတယ်။ ဖတ်စာအုပ် ရွေးချယ်တဲ့အခါမှာတော့ သင်ကြားတဲ့ဆရာတွေအလိုက် အနည်းငယ် ကွဲပြားတတ်ပါတယ်။ သင်ကြားတဲ့ အခြေခံဘာသာရပ်ကိစ္စကလည်း သမိုင်းနဲ့ပါ။ ဗမာမူစလင် ကျောင်းတွေရဲ့ ညီလာခံကို ၁၉၂၉ ခုနှစ်က လုပ်ရာမှာ အစ္စလမ်ကျောင်းအားလုံးမှာ အူရဒုဘာသာစကား နဲ့ သင်ကြားဖို့ ဆုံးဖြတ်ပါတယ်။ အကြောင်းတခုကတော့ မြန်မာဘာသာနဲ့သင်ရင် အစ္စလမ်ဘာသာမှေးမှိန်မှာ ဖြစ်တဲ့အတွက်လို့ ဆိုပါတယ်။ ဒါပေမယ့် ညီလာခံတက်တဲ့ ဗမာမူစလင်တွေက သူတို့အခက်အခဲကို တင်ပြခဲ့ ကြပါတယ်။ နောက်ပိုင်းမှာ အမျိုးသားရေးစိတ်ပြင်းထန် နိုးကြားလာကြပြီး ၁၉၃၇ ပါလီမာန်လွှတ်တော်ထဲမှာ ဥရောပတိုက်သားနဲ့ အိန္ဒိယကိုယ်စားလှယ်တွေ ကန့်ကွက်တဲ့ကြားက ဗမာစကား ပြောခဲ့ကြပါတယ်။ ဒီအချိန်မှာ ဗမာမူစလင်တွေကလည်း ဗမာမူစလင် လွတ်လပ်ရေးအသင်းကို ဖွဲ့စည်းပြီး ဗမာလူမျိုး တို့လူမျိုး၊ ဗမာစာသည် တို့စာ၊ စသဖြင့် ကြွေးကြော်သံတွေ တင်ခဲ့ကြပါတယ်။ နောက်ပိုင်း ဗမာမူစလင် နိုးကြားရေးအသင်း၊ ဗမာ မူစလင် အမျိုးသမီးများ နိုးကြားရေးအသင်းတွေဖွဲ့လို့ သန်းခေါင်စာရင်းကောက်ယူရင် သူတို့က တမျိုး တဘာသာအဖြစ် မှတ်ပုံတင်ခံရရေး ကြိုးပမ်းခဲ့ကြပါတယ်။ အခုအချိန်မှာတော့ အဲသည်အချိန်က ဗမာ မူစလင် တွေအားကောင်းခဲ့တဲ့ ပျော်ဘွယ်၊ ရမည်းသင်း၊ မိတ္ထီလာ၊ ရွှေဘို စသဖြင့်ဒေသတွေမှာတော့ ဗမာ လို ဘာသာ ပြန်ဆို သင်ကြပါတယ်။ ကျန်တဲ့ ရန်ကုန်၊ မော်လမြိုင်၊ ရခိုင်၊ ဧရာဝတီတိုင်းမှာ ရှိတဲ့ကျောင်းတွေမှာတော့ အဓိက အူရဒူ ဘာသာစကားနဲ့သာ သင်ကြားကြပါတယ်။

ဒါပေမယ့် စိတ်ဝင်စားစရာ ကောင်းတဲ့အချက်က မြန်မာနိုင်ငံမှာ လူနည်းစု ဘာသာ၊ လူမျိုးတွေဆိုရင် တနည်း တဖုံ ဖိနှိပ်ခံရတတ်ပေမယ့် မူစလင်ကျောင်းတွေနဲ့ ပတ်သက်လို့ အစိုးရက သူတို့ကျောင်းသင်ခန်းစာတွေကို ပြုပြင်ပြောင်းလဲ စေတာ၊ အစိုးရ ပညာရေးစနစ် သင်ရိုးညွှန်းတန်းထဲ ထည့်သွင်းစည်းရုံးတာမျိုးကို မလုပ်ပါဘူး။ ထိုင်းနိုင်ငံနဲ့ မလေးရှားနိုင်ငံတွေက ဒီလို အစိုးရပညာရေးစနစ်ထဲ ပေါင်းစေတာတွေ လုပ်ကြပါတယ်။ ဒါပေမယ့် စစ်အစိုးရက တခါတလေ ဒီကျောင်းတွေက မူစလင်အုပ်စုတွေကြား ပြဿနာပေါ်လာရင် ပိတ်ပစ်စေတာမျိုး တော့ ရှိပါတယ်။ မာဒရာစာ စာသင်ကျောင်းတွေက ဘာတွေလုပ်ခွင့်ရှိတယ်၊ ဘာတွေ လုပ်ခွင့်မရှိဘူး စသဖြင့် ပြတ်ပြတ်သားသား ပြဌာန်းထားမှု မျိုးလည်း မရှိပါဘူး။ ဥပဒေတွေက အချိန်နဲ့အမျှ ပြောင်းနေသလို၊ အစိုးရက အုပ်စုပေါင်းစုံကို အလွတ်မပေး စောင့်ကြည့်နေတာမျိုးတော့ ရှိပါတယ်။ အထူးသဖြင့် စက်တင်ဘာ ၁၁ အမေရိကန် မှာ တာလီဘန်တို့ တိုက်ခိုက်မှု နောက်ပိုင်းမှာ မဒရာစာကျောင်းတွေက အစွန်းရောက်အယူတွေ သင်ကြားနေတယ်လို့ ဝေဖန်ပြောဆိုမှုတွေ ရှိလာပြီးနောက်ပိုင်း တင်းကျပ်မှုတွေတော့ ပိုလာပါတယ်။ အဲဒါ အပြင် ဝတ်ပြုကိုးကွယ်ရာနေရာ၊ ပုံနှိပ်ထုတ်ဝေခွင့်၊ မူစလင် သတင်းမီဒီယာ၊ စတာတွေ မရှိတာကြောင့် မူစလင်ကျောင်းတွေမှာ ကြုံတွေ့နေရတဲ့ ပြဿနာတွေကိုလည်း အခု ဆောင်းပါးမှာ ဖော်ပြထားခဲ့ပါတယ် ခင်ဗျား။

နောက်တပတ်မှာတော့ မြန်မာနိုင်ငံက ကျန်းမာရေးအခြေအနေ၊ နယ်စပ်နဲ့ ရွှေ့ပြောင်းပြေးနေရတဲ့ ဒုက္ခသည် တွေရဲ့ ကျန်းမာရေးအခြေအနေ လေ့လာချက်တွေကို ဆက်လက်တင်ပြပါမယ်။ အားလုံး ငြိမ်းချမ်း ပျော်ရွှင်ကြ ပါစေ။

(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)