အလိုတော်

မလိုချင်တာကို
ကြုံရတော့
အလိုတော်အရလို့ပဲ ဖြေသိမ့်နေရတယ်
တခါတခါ ကိုယ်ကိုယ်တိုင် လက်မှိုင်ချနေရတဲ့ ကာလမျိုးမှာပေါ့။

ငါက စစ်ပွဲတွေအတွက် မွေးလာသူ မဟုတ်ပါဘူးကွဲ့
အဲသလိုမဟုတ်ရင် ငြိမ်းချမ်းရေးဇာတာထူးလည်း မပါခဲ့ပြန်ဘူး။
ဒါပေမယ့်
ထူးထူးခြားခြား အကျပ်အတည်းတွေကိုသာ အမွေဆက်ခံနေရ
အလိုတော် အရပဲလား။

ပြာမှုန်မှိုင်းနေတဲ့
စီးပွားတိမ် ရာသီအောက်မှာ
မြောက်ကမ္ဘာခြမ်းကို ပြန်ရောက်လာရ
ဘ၀အဓိပ္ပါယ်ကို တွေးဖို့ ခဏခဏ ပြန်နိုး
ငါ့အိမ်ယာကို လွမ်းနာခလုတ်နှိုးချိန်လေ...

တီဗွီနဲ့ သတင်းတွေမှာ နားခိုမှု ရှာပါတယ်...
အင်တာနက်မှာ အလွမ်းဖြေပါတယ်...
အလိုတော်အရ မြေတဲ့..
အလိုတော်အရ စစ်တွေတိုက်တယ်။
အလိုတော်အရ တီဗွီတွေက စစ်ပွဲတွေကိုပဲ ပြတယ်။
အလိုတော်အရ အနာဂတ်ကို ပူပန်နေအောင် လှုံ့ဆွတယ်။
အလိုတော်အရ ဒေါသတွေကို ပြန်ပြန်မြိုချအောင်
စိတ်လိုက်မာန်ပါ မလုပ်မိအောင် တရားပြတယ်။
အလိုတော်အရ ဘယ်သူမှားတယ်၊ ဘယ်သူမှန်တယ်ကို ဒီအတိုင်းထားလိုက်တယ်။
အလိုတော်အရ စစ်ပွဲပြီးတဲ့အခါ အောင်မြင်သူတွေသမိုင်းနဲ့ သူရဲကောင်းတွေကို ရွေးပြောလိုက်တယ်။
(အပျက်အစီးနဲ့ ဒုက္ခသည်တွေကိုတော့ ခပ်မှိန်မှိန်ပဲ ချန်ခဲ့ရတော့တယ်။)

အလိုတော်အရပေါ့
ကုလသမဂ္ဂလည်း သုံးမရပါဘူး။
အလိုတော်အရပေါ့
လမ်းပြမြေပုံပေါ် တရွတ်ဆွဲရလေဦးမယ်..
ဒါပေါ့..
တို့မှာလည်း ဒီပါးစပ်ပဲ ရှိတာကို။

အလိုတော်အကျ
ဘ၀ကို အေးခဲထားရတယ်။
အလိုတော်အရ
နှင်းခဲတွေကျ.. မှောင်မဲညတွေထဲ ပြန်နစ်တယ်။
အလိုတော်အရပေါ့
အရုဏ်ကျင်းတော့
ပြူတင်းမှာ အလင်းတစ ဖြာကျနေသေးတယ်။

ယောဟန်အောင်
ဇန် ၇၊ ၂၀၀၉။