နောက်ကျခြင်း (Being Late)

အန္တရာယ်ကြီးမားတဲ့ တစုံတခုတော့ စနှင့်နေပြီ 

ငါကိုယ်တိုင်တော့ ရောက်လာတာ နောက်ကျနေလို့၊
ငါ့ဆီက ဆတ်ကနဲ ဆွဲထုတ်ထားတဲ့

ငါ့ရဲ့တွေးခေါ်မှုတွေနဲ့ ငါချိန်းဆိုထားဆီကိုပေါ့။

ငါက ဖော့ကနာ* နဲ့ ချိန်းဆိုထားတာ
ဒါပေမယ့် သူတို့က ဂုဏ်ပြုထမင်းစားပွဲကို သွားဖို့လုပ်တယ်
ငါက သမိုင်းနဲ့ တွေ့ဖို့ ချိန်းဆိုထားတာ
ဒါပေမယ့် မှန်ပြူတင်းတွေက အိပ်ယာထဲပဲ ဆွဲချတယ်။

သံဆူးကြိုးတွေထက် ဆိုးတာက

ငါနဲ့ တခြားသူတွေရဲ့ မွေးနေ့ပါတီတွေပဲ၊
နို့တိုက်ရွယ် ဝက်ကင်တွေက
သူတို့သွားကြားထဲက တရုတ်နံနံ အခက်တွေလို ဟိုညိသည်ညိ။

ငါကိုယ်ပိုင် မဟုတ်တဲ့

ဘဝတခု ကောင်းဖို့အတွက် အဝေးကို
ငါစားသမျှ အရာအားလုံးက၊ ငါ့ကိုစား
ငါသောက်သမျှ အရာအားလုံးက၊ ငါ့ကိုသောက်။

ငါက ငါကိုယ်တိုင်နဲ့ ချိန်းထားတာ
ဒါပေမယ့် သူတို့က ငါ့နံရိုးတွေနဲ့ စားပွဲတော်ကို ဖိတ်ထားတယ်
ငါ့ကို ဘက်ပေါင်းစုံက ပန်းကုံးတွေစွပ်
ပေါင်မုန့်ကွင်း (bagels) များရဲ့ အနားသားနဲ့ မဟုတ်၊ ပေါင်မုန့်ကွင်းများရဲ့ အပေါက်များနဲ့
ဒီလိုနဲ့ ငါက သုညများရဲ့ စာညွန့်စုပေါင်းနဲ့ တူနေခဲ့ပြီ။

ဘဝက ဘဝအစက်အပေါက်များ ရာပေါင်းများစွာ တစစီပြိုကွဲထွက်
ဒါကပဲ ငါ့ကိုပင်ပန်းစေ၊ ငါ့က စီမံကြတယ်။
ငါ့ကိုယ်ငါ ပြန်ရဖို့
တခြားသူတွေကို ငါ့ခန္ဓာကိုယ်နဲ့ တွန်းတိုက်ရ
ငါ့ အစိတ်အပိုင်းများနဲ့ ငါ့အမှုန့်အညက်များကို
ကြုံးဝါးအော်ဟစ်လာတဲ့ လူအုပ်ကြီးက နင်းခြေခဲ့ပြီ။

ငါ့နဲ့ ငါ ကော်နဲ့ကပ်ဖို့ ကြိုးစားတယ်
ဒါပေမယ့် ငါ့လက်တွေပြတ်တောက်နေ
ငါ့ ဘယ်ခြေနဲ့ စာရေးတယ်
ဒါပေမယ့် ဘယ်ရော၊ ညာရော
ဦးတည်ရာအမျိုးမျိုးဆီကို ပြုတ်ထွက်သွားခဲ့ပြီ။

ငါမသိဘူး။ ငါ့ကိုယ်ခန္ဓာ ဘယ်မှာလဲ…
ငါ့ ဝိဉာဏ်ကရော၊ အားလုံးက 'နှုတ်ဆက်တယ်' အသံမပေးဘဲ

ပျံထွက်သွားခဲ့ကြပြီလား၊
တနေရာရာ အအေးထဲမှာ ငါ့ကိုစောင့်ဆိုင်းနေမယ့် 

အဝေးက နာမည်တခုအတွက် ငါဘယ်လို ဖြတ်သန်းရမှာလဲ။

ဘယ်နာရီစင်အောက်မှာ ငါစောင့်နေမှန်း

ငါက မေ့နေတယ်။
သူတို့ကိုယ်သူတို့ မသိကြတဲ့သူများအတွက်

အချိန်ဆိုတာ မရှိဘူး။
နာရီစင်အောက်မှာ ဘယ်သူမှ ရှိမနေဘူး။

နာရီပေါ်မှာတော့ ဘာမှမရှိဘူး
ငါကတော့ ငါကိုယ်တိုင်နဲ့

ချိန်းဆိုမှုကို နောက်ကျနေခဲ့ပြီ။ ဘယ်သူမှ မရှိနေဘူး။
စီးကရက် အစီခံတွေက လွဲပြီး [ရှိမနေဘူး]
လက်တဖျစ်ပဲပေါ့
အထီးကျန်တဲ့၊ အသက်ငင်တဲ့.. မီးပွားတခုသာ ...

ယက်ဗ်ဂေနီ ယက်ဗ်တူရှင်ကို (Yevgeny Yevtushenko)

၁၉၈၅ ခုနှစ်။
Translated by Albert C. Todd

* William Cuthbert Falkner (၁၈၉၇-၁၉၆၂)  အမေရိကန် စာရေးဆရာနှင့် နိုဘဲဆုရှင်။ အထူးသဖြင့် အမေရိကန်တောင်ပိုင်း အကြောင်းနှင့် သမိုင်းရေးရာ ရေးဖွဲ့ရာတွင် ကျော်ကြားသည်။