ဦးဏှောက်တခုကို
ကုတ်ခြစ် ဆုတ်ဖြဲပစ်ခံရ။
ကျားမျက်လုံးလိုပ
ဒေါသတံခါးဝဟာ၊ အရာရာကြောင့်
ဆောင့်ကြောင့် ထိုင်နေခဲ့တယ်။
<ခဲတံ၊ စာအုပ်၊ စာသင်ခန်း>
သေးနုတ်သော စာတတန်းဟာ
ဘ၀ကို
ဘာသာပြန်သော မှတ်တမ်းလား။
မြူမှုန်များရဲ့ အာကာသ
မသိကြသူများဟာ
ပုရွတ်ဆိတ်များကို
အထင်သေးလိုသေး
ဘာတွေ ရေးထားမှန်းမသိတဲ့
စာတမ်း၏ ကောင်းကင်မှာ
သူတို့ လမ်းမရှာတတ်ဘူး မဟုတ်လား။
ခေါင်းကို ထုနှက်ထားတဲ့
စာရွက်ဟာ
လေမှာ မပျံနိုင်ဘူး
ဒူးထောက်ခဲ့ရတယ်။
လောင်ကျွမ်းဆွေးမြေ့နေတဲ့
ဦးဏှောက် အငွေ့တွေဟာ
ဂန္တ၀င် တေးရှည်ထဲက
စာသားပါဒလို
ရသကိုယ်ထည်နဲ့
ဘယ်တော့ ပျိုရွယ်မှာပါ့။
ယောဟန်အောင်
ဇူလိုင် ၁၊ ၁၉၈၆။
1 comment:
ငယ်ငယ်တုန်းက ကဗျာတွေလား။ ဖတ်ရတာ ခေါင်းကိုမှုးသွားတာပဲ။ နားကိုမလည်ဘူးဗျာ။
Post a Comment