ဗိုလ်ချုပ်သန်းရွှေအကြောင်း (အပိုင်း-၈)

ထိုင်းနိုင်ငံရှိ (Silkworm Books) စာအုပ်တိုက်က ထုတ်ဝေပြီး၊ ဘင်နဒစ် ရော်ဂျာစ် (Benedict Rogers) ရေးသားထားတဲ့ "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ်တဦးကို မျက်နှာဖုံးခွာကြည့်ခြင်း" ဆိုတဲ့ စာအုပ်အကြောင်းကို တင်ဆက်နေပါတယ်။ ဒီတပတ်မှာတော့ ၁၉၈၈ ခုနှစ် ကာလတဝိုက် ဗိုလ်ချုပ် သန်းရွှေ ဖြတ်သန်းခဲ့ရပုံအကြောင်းကို ဆက်လက်တင်ပြပါမယ်။

သောတရှင် မိတ်ဆွေများခင်ဗျား။
ဗိုလ်ချုပ်သန်းရွှေက ဧရာဝတီတိုင်း (အနောက်တောင်တိုင်းစစ်ဌာနချုပ်မှာ) တိုင်းမှူး ဖြစ်လာတော့ အသက် ၅၀ ပဲရှိပါသေး တယ်။ ၁၉၈၃ ခုနှစ်မှာ တိုင်းမှူးဖြစ်လာခဲ့ တာပါ။ တိုင်းမှူး မဖြစ်ခင် ၁၉၈၁ ခုနှစ် တပ်မ (၈၈) မှူးတာဝန်ယူစဉ် ကာလ ကတည်းက မြန်မာ့ဆိုရှယ်လစ် လမ်းစဉ်ပါတီမှာ လိုအပ်ချက်အရ ဗဟိုကော်မီတီဝင် ဖြစ်နေခဲ့ပါပြီ။ စာရေးသူ ဘင် ရော်ဂျာ က အဲဒီအချိန်က တွေ့ဆုံတဲ့သူတွေကို မေးမြန်းပြီး ဖော်ပြထားတာကတော့ ဗိုလ်ချုပ်သန်းရွှေက စစ်သားတယောက်ဖြစ်ရ တာ ဂုဏ်ယူနေတဲ့သူ ဖြစ်သလို၊ မြန်မာ့ဆိုရှယ်လစ်လမ်းစဉ်ကိုလည်း အတော် ယုံကြည်သူလို့ ဆိုပါတယ်။ အဲဒီကာလက တိုင်းကို စစ်ဆေးတဲ့နေရာမှာ လမ်းတံတား၊ ဆောက်လုပ်ရေး လုပ်ငန်းတွေကို အတော်စိတ်ဝင်စားတယ်။ ဧရာဝတီတိုင်း အတွင်းမှာ ခရီးလမ်းပန်းချောမွေ့စေရေးအတွက် အတော်လည်း စိတ်ထက်သန်ပြင်းပြတယ်လို့ ဆိုပါတယ်။ သူက တနေရာ မှာ မိန့်ခွန်းပြောရင် ၂-နာရီ လောက်ကြာအောင် မနားတန်း ပြောတတ်တယ်လို့လည်း နီးစပ်တဲ့သူတွေက ပြောပါတယ်။ ဒါပေမယ့် သူနဲ့ နီးစပ်ဖူးသူ အခြားတဦးပြောတာကတော့ ဗိုလ်ချုပ်သန်းရွှေဆီကနေ တိုင်းပြည်က ဘယ်လိုအခြေအနေ ဖြစ် နေတယ်။ ရှေ့ကို ဘယ်လိုပြုပြင်ဆောင်ရွက်ကြရင် ကောင်းမယ်ဆိုတဲ့ စကားမျိုး မကြားခဲ့ရဘူးလို့တော့ ဆိုပါတယ်။ အဲဒါအပြင် နီးစပ်သူတွေ ပြောကြတာက အဲဒီအချိန်က ဗိုလ်ချုပ်သန်းရွှေက ဗုဒ္ဓဘာသာကို လေးလေးနက်နက်ကိုးကွယ်ယုံ ကြည်ပေမယ့် သူ့ရဲ့ဆုံးဖြတ်ချက် ချမှတ်တဲ့နေရာမှာတော့ အဲသလို ဘာသာ ရေးကိစ္စတွေ၊ နက္ခတ်ဗေဒင်တွေ လွှမ်းမိုးမှု ရှိခဲ့ ပုံ မရဘူးလို့ ဆိုပါတယ်။ ဒါပေမယ့် အခုအခြေအနေမှာတော့ အရင်ကနီးစပ်ဖူးသူတွေ ပြောသမျှနဲ့ ဆန့်ကျင်ဖက်ချည်းပဲ ကြားနေမြင်နေရပါတယ်။ အခုအချိန်မှာ သူ့ရဲ့ ဆုံးဖြတ်ချက်တွေဟာ ဗေဒင် အခါပေးဆရာတွေရဲ့ လွှမ်းမိုးမှု အများအပြားရှိ နေတယ် ဆိုကြသလို၊ လူသူ အများရှေ့လည်း မိန့်ခွန်း ပေးခဲလှပါတယ်။ တိုင်းပြည်လူထုကိုယ်တောင် သူက (နအဖ) အဖွဲ့ ဥက္ကဋ္ဌအနေနဲ့ တိုင်းပြည် အခြေအနေ တင်ပြပြောဆိုတာ မရှိသလောက်ပါပဲ။ အရင်က လမ်းပန်းဆက်သွယ်ရေး တိုးတက် စေဖို့ ဆိုပြီး ထက်သန်ခဲ့တဲ့ ဧရာဝတီတိုင်းကိုလည်း နာဂစ်မုန်တိုင်းကြုံရစဉ်က လူတွေ အမြောက်အများသေကြေ ပျက်စီး ရတာတောင် ပစ်ထားခဲ့ပါတယ်။ အာဏာကြောင့် ဒီလို ပြောင်းလဲသွားခဲ့တာလားလို့ မေးစရာ ရှိလာ ပါတယ်။

နောက်တော့ တိုင်းမှူးဘ၀ကနေ ၁၉၈၅ ခုနှစ်မှာ ဒု-စစ်ဦးစီးအရာရှိချုပ်နဲ့ ဒု-ကာကွယ်ရေးဝန်ကြီး အဖြစ် ခန့်အပ် တာဝန်ပေး ခံရပါတယ်။ ၁၉၈၆ ခုနှစ်မှာတော့ ဗိုလ်ချုပ်အဖြစ် ရာထူးတိုးမြှင့်ခံရပါတယ်။ ဒီနေရာမှာ ၀ီကီပီးဒီယား လို့ခေါ်တဲ့ အွန်လိုင်း စာမျက်နှာနဲ့ အခု စာရေးသူ ဘင်ရော်ဂျာ စာအုပ်ထဲက အချက်အလက်တချို့ ကွဲလွဲနေပါတယ်။ ဘင်ရော်ဂျာက ၁၉၈၈ ခုနှစ်၊ ဇူလိုင်လ ၂၇ ရက်နေ့မှာ ဒု-ကာကွယ်ရေးဝန်ကြီးအဖြစ် ခန့်အပ်တာဝန်ပေး ခံရတယ်လို့ ဖော်ပြထားပါတယ်။ ဘာပဲ ဖြစ်ဖြစ် အဲဒီအချိန်က ၁၉၈၈ ခုနှစ် လူထု အရေးတော်ပုံ ကြီး ဖြစ်ဖို့ နှစ်အနည်းငယ်အလို၊ တိုင်းပြည်မှာလည်း ဆင်းရဲမွဲတေ မှုတွေ၊ နိုင်ငံကို ဖွံ့ဖြိုးမှု အနိမ့်ဆုံး နိုင်ငံ (LDC) အဖြစ် သွတ်သွင်း ကြေညာခံရတဲ့အချိန်၊ ၂၅-ကျပ်၊ ၃၅-ကျပ်၊ ၇၅-ကျပ်တန် တွေကို တရားမ၀င် ဖျက်သိမ်းကြောင်း ကြေညာလိုက်တော့ လူတွေလည်း ဆင်းရဲမွဲတေပြီး အစိုးရကို အလွန်အမင်း မကျေ မနပ်ဖြစ်နေချိန်ပါ။

အဲဒီအချိန်က ကာကွယ်ရေးဦးစီးချုပ်က ဗိုလ်ချုပ်စောမောင်ပါ။ ၁၉၈၈ လူထုအုံကြွမှုကြီး ဖြစ်လာတော့ ဖြိုခွဲချေမှုန်းဖို့ စစ် ဆင်ရေးကိစ္စတွေကို တာဝန်ယူရတဲ့နေရာမှာ ဗိုလ်ချုပ်သန်းရွှေက အဓိကနေရာက ပါဝင်ခဲ့နိုင်ပါတယ်။ ဒီကိစ္စတွေအတွက် မီးပွားအဖြစ် အစပျိုးခဲ့တဲ့ မတ်လ ရန်ကုန်တက္ကသိုလ်ဆန္ဒပြပွဲတွေကို ချေမှုန်းတဲ့နေရာမှာ တံတားဖြူအနီးမှာ စစ်တပ်က ကျောင်းသားတွေကို ဖြိုခွဲချေမှုန်းခဲ့တဲ့ လုပ်ရပ်က အတော့်ကို ရက်စက်ကြမ်းကြုတ်လှပါတယ်။ ဒီဖြစ်ရပ်တွေကို နောက်ပိုင်း မှာ ဦးအောင်ကြီးက ဦးနေ၀င်းဆီကို ရေးတဲ့စာ တွေမှာ ထည့်ဖော်ပြခဲ့ပါသေးတယ်။ ကျောင်းသားပြည်သူတွေက ငြိမ်းချမ်း စွာ ဒီမိုကရေစီတောင်းနေတာကို ၁၉၈၈ ခုနှစ်၊ စက်တင်ဘာလမှာ စစ်တပ်က အာဏာသိမ်းပြီး ဖြိုခွင်းချေမှုန်းခဲ့တဲ့နေရာမှာ လူထောင်ပေါင်း များစွာ သေကြေ ဒဏ်ရာရခဲ့ပါတယ်။ အချို့ကလည်း သေဆုံးသူဟာ သောင်းဂဏန်းအထိ ရှိနိုင်တယ်လို့ ခန့်မှန်း တွက်ချက်ကြပါတယ်။ အတိအကျ မသိရပေမယ့် ဒု-ကာကွယ်ရေးဝန်ကြီးနဲ့ ဒု-စစ်ဦးစီးချုပ်တာဝန်ယူခဲ့ရတဲ့ ဗိုလ်ချုပ်သန်းရွှေအဖို့ ဒီကိစ္စတွေမှာ လက်သွေးစွန်းခဲ့ရမှာ မလွဲပါဘူး။ တကယ်တော့ အာဏာသိမ်းတယ် ဆိုတာဟာလည်း ဦးနေ၀င်းက မီးစိမ်းပြပြီး အာဏာသိမ်းခိုင်းလိုက်လို့ ဆောင်ရွက်ကြတာဆိုပြီး လူအများက ယုံကြည်ကြပါတယ်။

အာဏာသိမ်းတဲ့ကာလကတော့ အာဏာရှင်ဟောင်းကြီး ဦးနေ၀င်းက ကာကွယ်ရေးဦးစီးချုပ် ဗိုလ်ချုပ် စောမောင်နဲ့ ထောက်လှမ်းရေးမှူးချုပ် ဗိုလ်မှူးကြီးခင်ညွန့်ကို အဓိက ဦးဆောင်စေတယ်လို့ ဆိုပါတယ်။ ဒါပေမယ့် ဗိုလ်ခင်ညွန့်က တပ် ပိုင်းဆိုင်ရာမှာ တိုင်းမှူး/တပ်မမှူးအဖြစ် ဦးဆောင်ခဲ့ဖူးသူ မဟုတ်လေတော့ အဓိက ထိပ်တန်း နေရာမျိုး ယူလို့ မရပါဘူး။ အဲဒီ တော့ ဗိုလ်ချုပ်သန်းရွှေကတော့ အာဏာသိမ်းကောင်စီ [နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (န၀တ)] မှာ ဒု-ဥက္ကဋ္ဌအဖြစ် ပါလာပါတယ်။ ဗိုလ်ချုပ်စောမောင်က အာဏာသိမ်းကောင်စီကို လုံးဝထိန်းချုပ်ထားချင်ပုံရပါတယ်။ စစ်အစိုးရ အတွင်းက သတင်းတွေအရ ဗိုလ်ချုပ် သန်းရွှေက နိုင်ငံရေးဆန်တဲ့ တာဝန်ယူမျိုးချင်တယ်။ အဲသည်လို တာဝန်အတွက် လည်း ၂ ခါလောက် တောင်းဆိုဖူးတယ်လို့ ဆိုပါတယ်။ ဒါပေမယ့် ငြင်းပယ်ခံရပါတယ်။

နောက်တော့ ရွေးကောက်ပွဲတွေကို ၁၉၉၀ ခုနှစ်မှာ ကျင်းပပေးတဲ့အခါ ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီအဖွဲ့ချုပ် (NLD) က အပြတ်အသတ် အနိုင်ရပါတယ်။ စစ်အစိုးရက သူတို့လိုလားတဲ့ ပါတီ အနိုင်ရမယ်လို့ တွက် ထားတာ လွဲသွားခဲ့ပါတယ်။ ဗိုလ်ချုပ်စောမောင်က အနိုင်ရပါတီကို အာဏာလွှဲပေးပြီး တပ်ကိုပြန်မယ်လို့ ပြောခဲ့၊ ကတိပေး ခဲ့ပေမယ့် နောက်ပိုင်းဒီကတိကို ဖျက်ခဲ့ပါတယ်။ သူလည်း စိတ်ဖောက် ပြန်ပျက်စီးတဲ့ ဒဏ်ကိုခံရပြီး ရူးသွပ်ခဲ့ပါတယ်။ အချို့ လူတွေကတော့ ဒီဖြစ်ရပ်ဟာ တမင်သက်သက် ဗိုလ်ချုပ်စောမောင်ကို ဆေးထိုးပြီး ရူးအောင်လုပ်တာ၊ ဒီလိုလုပ်ကြံမှုမှာ ဗိုလ်ချုပ်သန်းရွှေနဲ့ ဗိုလ်ခင်ညွန့်က ပူးပေါင်းကြံစည်ခဲ့တယ်လို့တောင် စွပ်စွဲမှုတွေ ရှိခဲ့ပါတယ်။ ဘယ်လိုပဲဖြစ်ဖြစ် ၁၉၉၂ခုနှစ် ဧပြီလမှာတော့ ဗိုလ်ချုပ် စောမောင်ကို ကျန်းမာရေးကြောင့် အနားပေးလိုက်ရပါတယ်။ ဗိုလ်ခင်ညွန့်က တပ်ပိုင်းဆိုင်ရာအရ ဆိုရင် ငယ်ရွယ်နေလို့ ထိပ်ပိုင်းနေရာကို မယူနိုင်ပါဘူး။ ဒီလိုနဲ့ ဗိုလ်ချုပ်သန်းရွှေက (နအဖ) စစ်အစိုးရရဲ့ အာဏာအရှိဆုံး ထိပ်ပိုင်းခေါင်းဆောင် ဖြစ်လာပါတော့တယ်။

(နအဖ) စစ်အစိုးရ တက်လာတဲ့အချိန်မှာ သူတို့နဲ့ သွားတွေ့ဖူးတဲ့ သံအမတ်ကြီးတဦး ပြောပြတာကတော့ အဲဒီဆွေးနွေးပွဲ မှာ အဓိက ဦးဆောင်စကားပြောကြတဲ့သူတွေက ဗိုလ်ချုပ်စောမောင်နဲ့ ခင်ညွန့်ပဲလို့ ဆိုပါတယ်။ ဗိုလ်ချုပ်သန်းရွှေက အဲဒီ အစည်းအဝေးမှာ ရှိနေပေမယ့် ပြုံးပြုံးကြီးနဲ့ပဲ ခေါင်းတညိမ့်ညိမ့် လုပ်နေပါတယ်။ ဘာတခွန်းမှ ၀င်မပြောဖူးလို့ ဆိုပါတယ်။ ဒါပေမယ့် ဗိုလ်ချုပ်သန်းရွှေ (န၀တ) ဥက္ကဋ္ဌ ဖြစ်လာချိန်မှာတော့ ၀န်ကြီးတွေအားလုံး ညကျောင်းတက်ကြရပါတော့တယ်။ ညကျောင်းဆိုတာက ညပိုင်းမှာခေါ်ပြီး သူ့ရဲ့ စဉ်းစား ချက်၊ အယူအဆတွေ ဟောပြောတာ ဖြစ်ပါတယ်။ တနည်းတော့ ဘယ်သူက အဓိကအာဏာ ရှိတာလည်း ဆိုတာကို ပြသတာလည်း ဖြစ်နိုင်ပါတယ်။

နောက်တပတ်မှာတော့ ဗိုလ်ချုပ်သန်းရွှေ စစ်အစိုးရ အတွင်းထိပ်ပိုင်း အာဏာရလာပြီးတဲ့နောက် ဆက်လက် ဖြစ်ပေါ်ခဲ့တဲ့ အကြောင်းတွေကို တင်ပြပါမယ်။ အားလုံး ငြိမ်းချမ်းပျော်ရွှင်ကြပါစေ။

(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)