'မာကင်တိုင်လစ်' (Mercantilist) တွေ 'ဆာ'ဖြစ်၊
'နိုက်' ဖြစ်ကြတယ်
ဒီသံထိုင်ခုံပေါ် ထိုင်သူ ဘုရင်ကြည်ဖြူရင်
ပခုံးပေါ် ဓားတင်ပေးနိုင်တဲ့ခေတ်။
မြောက်ပိုင်းမှာ၊
တောင်ပိုင်းမှာ၊
၇-ပြည်ထောင် မဟာမိတ်ဖွဲ့မှုတွေ
အကြိမ်ကြိမ်ကွဲတာ ပေါင်းတာမြင်ရ
နိုင်ငံတည်ဆောက်ရေးဆိုတာ သားပေးကြလို့ သမီးယူ။
ငါက သံဆူးကြိုးရဲ့ တဖက်မှာပါ
ကြည့်ရင်း ဗိုက်ဆာလာ
မိုးရွာတုန်း ထွန်ရေးငင်ဖို့ကို ခုမှသတိရ
ဆောင်းကတော့ လာနေပြီ။
ယောဟန်အောင်
သြဂုတ် ၁၈၊ ၂၀၁၇
No comments:
Post a Comment