မိမိကိုယ်ကို ဘာသာပြန်ခြင်း

အမည်မဲ့ ခံစားမှုများနဲ့
နာရီများ ဝါးစားသောက်
တံခါးပေါက်တွေ ဖွင့်ခဲ့တယ်။

လှုပ်ရှား လှုပ်ရှား
ကလေးများရဲ့ ငိုသံ ရယ်သံ
ပန်းခြံထဲက
စစ်တောင်းကမ်းယံထဲက
ချောင်းရေဆန်တိုးတဲ့ မနက်
ချောင်းရေပြန်ချိုးတဲ့ ညနေ
ငိုလွယ် ရယ်လွယ် သေချာမှုတွေထဲက
ချည်ထွေးတစ
အခုတော့ တသသ
ရစ်ပတ်နှောင်ထွေး ခဏ ခဏ။

စာအုပ်၊ ကျောက်တံ၊ လွယ်အိပ်
မြက်သိပ်ကွင်းပြင်၊ ရေတင်အိုင်ထဲ
ခုန်ခွဲပြေးလွှားတဲ့ ရိုးသားဘဝ
စိတ်ဆိုးရင် ဖိုက်တင်ချ
ခဏ ပြန်ခေါ်တဲ့
ဘဝ သေးသေးလေးမှာ
စဉ်းစားစရာ အကြွေးတင်ခဲ့တာ
အခုအချိန်ထိ တခါခါ
ခံစားစရာ အမည်မဲ့
တိမ်တိုက်ဖွဲ့မိုး ညိုးလျ ညိုးလျ။

တံခါး ခေါက်တတ်တဲ့ လက်
အခု မနက်
ဘာကို နှုတ်ဆက်မယ် ?
ဘာ ခရီး ဆက်မယ်?
ကွယ်...

မသေမချာ
သံစဉ် မညီမညာ
တူရိယာ တလက်ထဲက
ဂန္တဝင်ဂီတ
မထွက်လာတာ
ဘာကြောင့်
ဘာကြောင့်။

မြစ်ကြီးတစင်းဘေး
ကလေးဘဝမှာ
ရေမှာ ပေါ်တဲ့သောင်
လှိုင်းသံ အောင်တဲ့ည
ရေကျ ရေတက်
လှိုင်းတက် လှိုင်းဆုတ်၊ လှိုင်းပုတ် ဗျိုင်းပျံ
ကာရန် ဆန်ခဲ့သေးတယ်။

မတိကျမှု
တိကျမှု
ရေသေဆန်ဆန် ခုဘ၀ထဲက
ဝဲသြဂ ရေပွက်ခဏမှာ
မီးစထွန်း ကျွန်းကွာလှမ်း
ဂွတ်ဟုတ်အငူကို လွမ်းခဲ့သေးတယ်။

တိတ်ဆိတ်လွန်းစွ
ညများရဲ့
ရင်ခုန်သံ ညံတဖွဲ့ကို
အမှောင်မဲ့မဲ့ မမဲ့မဲ့
လှိုင်းဖြတ်သွားခဲ့ရင်ပဲ
ပျော်ရွှင်လွန်းစွ။

ဒါပေမယ့်
အသံအက်ရှ၊ မှန်နက်စတွေ
ကွဲရှနစ်ဝင်၊ နှင်းထုပြင်မှာ
ညဟာတုန်ခါ
ကဗျာတွေလည်း အမြုံသာသာ
လူ့စိတ်တွေ တုန်ခါဖို့ နေနေသာသာ
ဆုတံဆိပ်တွေမှာ
ဖုန်မခါနိုင်သေးဘူး။

<နေလုံးအရိပ်၊ လမ်းပြပုလိပ်>
ခြေသံတွေ သိပ်သည်း
ချွေးတွေ ပိတ်ရွှဲ
ပြေးလွှားဆွဲရုန်း၊ ကာဗွန်တုန်းကြားမှာ
ဒါဟာ...
လှိုင်းပုတ်သံသာ မဟုတ်
ဗျိုင်းအုပ်ပျံတာ မဟုတ်။

ရေတင်မြက်ခင်း မဟုတ်
ရေငင်လက်တွင်း မဟုတ်
ရွှေကျင်တွင်း
ငွေကျင်တွင်း နက်ချုပ်ချုပ်မှာ
ရှုပ်ထွေးလာတာလည်း သိနေတယ်။

ခင်ဗျားဟာ..
ကျွန်တော်ဟာ...
လေးသင်္ချေ ကမ္ဘာတသိန်းမှာ
ဘာမှ ဖြစ်လာမှာ မဟုတ်ပေမယ့်
၅၅၀ ထက်ပွေတဲ့
နိပါတ်တွေနဲ့
ဖြစ်ရပ်တွေ ထိရှခဲ့ပြီ။

ပျော်ရွှင်ခြင်း
လှိုက်လှဲပျော်ရွှင်ခြင်း
ပူဆွေးခြင်း
နင့်နဲ ပူဆွေးခြင်း
ပြည့်စုံခြင်း
အတိပြည့်စုံခြင်း
ဆုံးရှုံးခြင်း
လုံးဝ ဆုံးရှုံးခြင်းထဲက

"အမည်မဲ့" တကြောင်းသာ
ကောင်းစွာ ဘာသာပြန်တတ်တယ်။

ယောဟန်အောင်
စက်တင်ဘာ ၁၄၊ ၁၉၈၆။