ဗိုလ်ချုပ်သန်းရွှေအကြောင်း(အပိုင်း-၆)

ထိုင်းနိုင်ငံရှိ (Silkworm Books) စာအုပ်တိုက်က ထုတ်ဝေပြီး၊ ဘင်နဒစ် ရော်ဂျာစ် (Benedict Rogers) ရေးသားထားတဲ့ "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ်တဦးကို မျက်နှာဖုံးခွာကြည့်ခြင်း" ဆိုတဲ့ စာအုပ်အကြောင်းကို တင်ဆက်နေပါတယ်။ ဒီတပတ်မှာတော့ ဗိုလ်ချုပ်သန်းရွှေ စစ်တပ်ထဲမှာ အဆင့်ဆင့် ရာထူးတက်လာပုံ နောက်ကြောင်း တွေကို ဆက်လက်တင်ပြပါမယ်။

သောတရှင် မိတ်ဆွေများခင်ဗျား။
ဗိုလ်ချုပ်သန်းရွှေက မဆလခေတ် ဗဟိုနိုင်ငံရေးသိပ္ပံတက္ကသိုလ်မှာ ပထမပိုင်းမှာ ဝါဒရေးရာနဲ့ နောက်ပိုင်းမှာ သမိုင်းကို စာပို့ချသင်ပြပေးခဲ့ရတယ်ဆိုပေမယ့်လည်း အဲဒီကာလမတိုင်ခင်က သူက ပညာတတ်တဦး မဟုတ်ခဲ့ဘူးလို့ စာရေးသူ ဘင် ရော်ဂျာက ဖော်ပြပါတယ်။ အဲသည်ကျောင်းကို အာဏာသိမ်းပြီး နောက်တနှစ် ၁၉၆၃ မှာ ရောက်လာတာပါ။ ဒါပေမယ့် နောက်ပိုင်းမှာတော့ စစ်တပ်ကို ပြန်လို့ တာဝန်ယူရပြန်ပါတယ်။ ၁၉၆၆ ကနေ ၁၉၆၇ ခုနှစ်ကြားမှာ ဗိုလ်သန်းရွှေက ဘယ်လိုနေရာမှာ တာဝန်ယူနေရတယ်ဆိုတာကတော့ သိပ်ပြီး ရှင်းရှင်းလင်းလင်း မသိရပါဘူး။ စစ်အစိုးရက ထုတ်ပြန်တဲ့ သူ့ရဲ့ကိုယ်ရေးရာဇဝင်မှာတော့ ခြေမြန်တပ်မ (၁ဝ၁) မှာ တပ်ထောက်ချုပ် တာဝန် ယူရတယ်ဆိုပြီး ဖော်ပြပါတယ်။ ဒါပေမယ့် အဲဒီအချိန်က ခြေမြန်တပ်မ (၁ဝ၁) ကို မဖွဲ့ရသေးပါဘူး။ ကွဲလွဲနေ တာက လုပ်သားပြည်သူ့နေစဉ်မှာ ဖော်ပြခဲ့တဲ့ တပ်မတော် ခေါင်းဆောင်တွေရဲ့ ကိုယ်ရေး ရာဇဝင် အကြောင်း မှာတော့ သူက အဲဒီကာလမှာ ခြေမြန်တပ်ရင်းတခုမှာ ဌာနချုပ်တပ်ခွဲရဲ့ တပ်မှူးအဖြစ် တာဝန်ယူနေရတယ်လို့ ဖော်ပြထားပါတယ်။

အဲဒီကာလက စစ်တပ်က သောင်းကျန်းသူနှိမ်နင်းရေးဆိုပြီး ဖြတ်လေးဖြတ် စစ်ဆင်ရေးကို စတင်ကျင့်သုံးတဲ့ ကာလပါ။ သူပုန်တွေကို ထောက်ပံ့မှု၊ ရိက္ခာ၊ လက်နက်၊ လူသူဖြတ်တောက်နိုင်ဖို့ ကျင့်သုံးခဲ့တဲ့နည်းနာဖြစ်ပြီး လူ့အခွင့်အရေး ချိုးဖောက်မှုအများအပြားလည်း ဖြစ်ခဲ့ပါတယ်။ ဒါပေမယ့် ဗိုလ်သန်းရွှေက အဲဒီအချိန်မှာ တပ် ထောက်ရာထူး တာဝန်ယူရတာဆိုတော့ စစ်ဆင်ရေးတွေနဲ့ တိုက်ရိုက်မပတ်သက်ခဲ့ဘူးလို့လည်း ယူဆနိုင်ပါ တယ်။ သူ့တပ်ရင်းက မြန်မာနိုင်ငံ အောက်ပိုင်းဒေသမှာ တာဝန်ယူခဲ့ရပါတယ်။

နောက်ပိုင်းတော့ ဗမာပြည်ကွန်မြူနစ်ပါတီက တပ်တွေကို တိုက်ရတဲ့ တိုက်ပွဲတွေမှာ ပတ်သက်ခဲ့ပါတယ်။ ဗိုလ်မှူး အဆင့်နဲ့ ခြေမြန်တပ်မ (၇၇) မှာ တာဝန်ချထားခံရပြီး ကွန်မြူနစ်တပ်တွေနဲ့ တိုက်ခိုက်ခဲ့ရပါတယ်။ အဲဒီ အချိန်က တရုတ်ပြည်က ဗမာပြည်ကွန်မြူနစ်ပါတီကို အလုံးအရင်းနဲ့ ပံ့ပိုးကူညီပြီးတော့ မြန်မာပြည်မြောက် ပိုင်းမှာ ထိုးစစ်ကြီးတွေ စတင် ဆင်နွှဲ လာတဲ့အချိန်ပါ။ တပ်မ (၇၇) က ကရင်ပြည်နယ်၊ မြစ်ဝကျွန်းပေါ်ဒေသနဲ့ ပဲခူးရိုးမဒေသတွေမှာ တာဝန်ယူခဲ့ရပါတယ်။ တပ်မ (၇၇) ဆိုတာက ပြောရရင် ပထမဦးဆုံးစတင်ဖွဲ့စည်းတဲ့ ခြေမြန်တပ်မဖြစ်ပြီး၊ အမေရိကန်နိုင်ငံက ခြေမြန်တပ်၊ တောင်ပေါ်တပ်တွေလို အဝေးထိုး၊ ထိုးစစ်လုပ်ဖို့ ရည်ရွယ်ချက်နဲ့ ဖွဲ့ခဲ့တာပါ။ သူတို့က ဒေသခံစစ်တိုင်းတွေရဲ့ အမိန့်ကို ယူစရာမလိုဘဲ စစ်ရုံးချုပ်က အမိန့်ကို တိုက် ရိုက် နာခံကြရပါတယ်။ ဗိုလ်သန်းရွှေရဲ့ ထူးချွန်ပြောင်မြောက်တဲ့ စစ်ရည် စစ်သွေးတွေကိုတော့ မမြင်ခဲ့ကြရပါ ဘူး။ ဒါပေမယ့် ရှေ့တန်းနဲ့ ဌာနချုပ် အလဲအလှယ်သဘော တာဝန်ပေးတဲ့ကြားမှာပဲ သူက တဖြည်းဖြည်းနဲ့ ရာထူး တက်လာခဲ့ပါတယ်။ ၁၉၆၉ ခုနှစ် ဇန်နဝါရီမှာတော့ စစ်ရုံးချုပ်မှာ ဦးစီးအရာရှိအဆင့် (၂) အဖြစ် တာဝန်ယူရ ပါတယ်။ တာဝန်ကတော့ စစ်ဆင်ရေးနေ့စဉ် ဖြစ်ပေါ်တိုးတက်မှုတွေကို သုံးသပ်တင်ပြရတာပါ။ သူရဲ့အထက်လူ ကြီးအဖြစ် ပထမပိုင်းမှာ ဗိုလ်ချုပ်နေဝင်း၊ နောက်ပိုင်း ဗိုလ်ချုပ်စန်းယုနဲ့လည်း ဆုံခဲ့ရပါတယ်။ မန္တလေးမှာ တာဝန်ယူတုန်းကလည်း သူ ဗိုလ်ချုပ်စန်းယုနဲ့ ဆုံခဲ့ဖူးပါတယ်။ တခါ ၁၉၇၁ ခုနှစ်ကနေ ၁၉၇၅ ခုနှစ်အထိ ရှေ့တန်းမှာ တခါ တပ်မ (၈၈) နဲ့ ကွန်မြူနစ်တပ်တွေကို တိုက်ဖို့ ရှမ်းပြည်နယ်မှာ တာဝန်ယူရပြန်ပါတယ်။ တပ်မ (၈၈) က မကွေးမှာ အခြေစိုက် ပေမယ့် သူက ရှေ့တန်းတပ်မရုံးအဖြစ် ကွပ်ခိုင်ဖက်မှာ တာဝန်ကျပါတယ်။ အဲဒီ အချိန်မှာတော့ တပ်ရင်းမှူး အဖြစ် တာဝန်ယူရပါတယ်။ သူအရင်တာဝန်ယူခဲ့ဖူးတဲ့ ဗမာ့သေနတ်ကိုင် တပ်ရင်း (၁) လား၊ ဒါမှမဟုတ် ခမရ (၁) လားဆိုတာတော့ စာရေးသူလည်း သေချာ မကွဲပြားလှပါဘူး။ အဲဒီအချိန်မှာပဲ တပ်မ (၈၈) ဒု-တပ်မမှူး၊ နောက်ပိုင်းမှာ တပ်မမှူးတာဝန်ယူခဲ့တဲ့ ဗိုလ်မှူးကြီးအေးကိုနဲ့ ပူးတွဲတာဝန်ယူခဲ့ရပါ တယ်။ ဒီရင်းနှီးမှုကပဲ နောက်ပိုင်းမှာ သူ့တက်လမ်းကို ဖြစ်စေခဲ့တယ်လို့ ဆိုပါတယ်။ နောက်ပိုင်း ဗိုလ်ချုပ်ကြီး ကျော်ထင် ကာကွယ်ရေးဦးစီးချုပ် ဖြစ်လာတဲ့အချိန်မှာ၊ ဗိုလ်ချုပ်အေးကိုက ဒု-စစ်ဦးစီး အရာရှိချုပ်အဖြစ် တာဝန်ယူရပါတယ်။ အဲသလိုနဲ့ ၁၉၇၂ ခုနှစ်၊ စက်တင်ဘာလမှာ ဗိုလ်မှူးသန်းရွှေက ဒုတိယဗိုလ်မှူးကြီးအဖြစ် ရာထူးတိုးမြှင့်ပေးခံရပါတယ်။

ရှမ်းပြည်မှာ ၄-နှစ်ကြာ တာဝန်ယူပြီးတဲ့နောက်မှာ စစ်ရုံးချုပ်ကို စစ်ဦးစီး-ပထမတန်းအဖြစ်နဲ့ ပြန်ရောက်လာခဲ့ ပါတယ်။ ဗိုလ်မှူးသန်းရွှေက စစ်ဆင်ရေးဌာနမှာ တာဝန်ယူရပြီး၊ အဲဒီအချိန်က သူ့အပေါ်က တာဝန်ယူခဲ့ရတဲ့ အရာရှိ တပ်မတော် ကာကွယ်ရေးဦးစီးချုပ်က အခု အမျိုးသားဒီမိုကရေစီအဖွဲ့ချုပ် (NLD) ခေါင်းဆောင် ဗိုလ်ချုပ်ကြီးတင်ဦး ဖြစ်ပါတယ်။ ဗိုလ်ချုပ်ကြီးတင်ဦးရဲ့ စစ်ဆင်ရေးအကြံကို သူက သူ့အရာရှိ ဗိုလ်မှူးကြီး မောင်မောင်နဲ့ တာဝန်ယူ အကောင်အထည် ဖော်ပေးခဲ့ကြရပါတယ်။ ၁၉၇၇ ခုနှစ်မှာတော့ စစ်ရုံးချုပ်ကနေ ရာထူးတက်ပြီး ရှေ့တန်းကို တခါပြန်သွားရပြန်ပါတယ်။ ဒီအချိန်မှာတော့ တပ်မ (၈၈) ကိုင်ရတဲ့ ယာယီ တပ်မမှူး၊ စစ်ဗျူဟာမှူးတာဝန်နဲ့ပါ။ တပ်ရင်းတခုမှာ အင်အားပြည့် ၇၇၇ ဦး ရှိလေတော့ လူ ၈ဝဝဝ နီးပါး ကို အုပ်ချုပ်ရတဲ့ တာဝန်ကိုယူနေရပါပြီ။ ဒီကာလတွေမှာ သူစစ်ရုံးချုပ်မှာ တာဝန်ယူခဲ့ရတဲ့ ကာလတွေမှာ အခြား အရေးကြီးတဲ့ အဖြစ်အပျက်တွေကိုလည်း သူဖြတ်သန်းခဲ့ရပါတယ်။ ဥပမာ ၁၉၇ဝ ခုနှစ်များ တဝိုက်မှာ ဖြစ်ခဲ့တဲ့ ကျောင်းသား ဆန္ဒပြပွဲတွေ၊ အလုပ်သမားလူထုသပိတ်တွေ အများအပြား ကြုံခဲ့သလို၊ ဗိုလ်မှူး အုန်းကျော်မြင့်က စစ်တပ် အရာရှိတချို့ကိုစည်းရုံး၊ အာဏာသိမ်းဖို့ ကြံစည်တာလည်း ဖြစ်ခဲ့ပါသေးတယ်။ ဒီလို အရှုပ်အထွေး အကျပ် အတည်းတွေကြားက သူတက်လမ်းရှာလာခဲ့ရတာပါ။ နောက်တော့ တပ်မ (၈၈) တပ်မှူး တာဝန်ကနေ ၁၉၈၃ ခုနှစ်မှာ အနောက်တောင်တိုင်း စစ်ဌာနချုပ်တိုင်းမှူး ဖြစ်လာခဲ့ပါတယ်။

အနောက်တောင်တိုင်းဆိုတာက ဧရာဝတီတိုင်းဒေသ ဖြစ်ပြီး၊ မြန်မာနိုင်ငံမှာ အချက်အခြာဒေသတခုလို့ ဆိုနိုင် ပါတယ်။ ဗိုလ်မှူးချုပ်သန်းရွှေက မြန်မာနိုင်ငံမှာ အသက်အငယ်ဆုံး စစ်တိုင်းမှူး ဖြစ်လာခဲ့ပါတယ်။ သူ့အကြောင်းကို သိတဲ့လူတွေက သူက လူအေး၊ အရက်-ဆေးလိပ်မသောက်ဘူး၊ ကွမ်းတော့စားတယ်၊ မာနထောင်လွှားမှုမရှိဘူး၊ သူ့သားသမီးတွေတောင် စစ်တပ်က ထရပ်ကားနဲ့ ကျောင်းတက်တယ်။ လူပေါင်း ဆန့်တယ်၊ ဘယ်သူနဲ့မဆို ရင်းနှီးလွယ်တယ်။ တွေ့ချင်တဲ့သူတွေက တိုင်းမှူးကို အချိန်မရွေးတွေ့နိုင်တယ်၊ စစ်သားတယောက်ဖြစ်ရတာ ဂုဏ်ယူနေတဲ့သူ၊ စစ်တပ်နဲ့ မြန်မာ့ဆိုရှယ်လစ် လမ်းစဉ် ပါတီက ညွှန်ကြားချက် တွေကို လေးလေးစားစား လိုက်နာတတ်တဲ့သူ၊ ဖွံ့ဖြိုးရေးလုပ်ငန်းတွေကိုလည်း စိတ်ဝင် စားတယ်- စသဖြင့် ဖော်ပြခဲ့ကြပါတယ်။ ဒါပေမယ့် အခုကာလကြားနေ ရတဲ့ ဗိုလ်ချုပ်သန်းရွှေအကြောင်းနဲ့တော့ တခြားစီ ဖြစ်နေ ခဲ့ပါပြီ။ အခုဆိုရင် နိုင်ငံတကာက မြန်မာနိုင်ငံမှာ ဖြစ်ပေါ်ခဲ့တဲ့ လူသားမျိုးနွယ်တရပ်လုံးအပေါ် ဆန့်ကျင်တဲ့ ရာဇဝတ်ပြစ်မှုတွေ၊ စစ်ရာဇဝတ်မှုတွေအတွက် တာဝန်ရှိ တဲ့ စစ်ရာဇဝတ်ကောင်လို့တောင် စွပ်စွဲပြောဆိုမှု တွေကို ကြားနေ ရပါတယ်။ ဘာကြောင့် ဒီလိုပြောင်းလဲသွား တာပါလဲ၊ သူနဲ့ရင်းနှီးသူတွေကပဲ ပြန်ပြောကြ တာကတော့ အာဏာဟာ လူကိုပြောင်းလဲစေတယ်၊ အကြွင်းမဲ့ အာဏာဟာ လူကို ပိုလို့ပျက်စီးပြောင်းလဲ စေ တဲ့အကြောင်း ဖော်ပြကြပါတယ်။

နောက်တပတ်မှာတော့ ဗိုလ်ချုပ်သန်းရွှေ ရာထူးတက်လာရာနောက်ခံ နိုင်ငံရေးကားချပ် အခြေအနေ၊ မြန်မာ ပြည်သမိုင်း တပိုင်းတစကို တင်ပြပါမယ်။ အားလုံး ငြိမ်းချမ်း ပျော်ရွှင်ကြပါစေ။

(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)