ဗိုလ်ချုပ်သန်းရွှေအကြောင်း (အပိုင်း-၅)

ထိုင်းနိုင်ငံရှိ (Silkworm Books) စာအုပ်တိုက်က ထုတ်ဝေပြီး၊ ဘင်နဒစ် ရော်ဂျာစ် (Benedict Rogers) ရေးသားထားတဲ့ "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ်တဦးကို မျက်နှာဖုံးခွာကြည့်ခြင်း" ဆိုတဲ့ စာအုပ်အကြောင်းကို တင်ဆက်နေပါတယ်။ ဒီတပတ်မှာတော့ ဗိုလ်ချုပ်သန်းရွှေရဲ့ အရာရှိငယ် ဘဝ၊ စိတ်ဓာတ်စစ်ဆင်ရေးအရာရှိအဖြစ် စစ်တပ်နဲ့ နိုင်ငံရေးအကြား ဖြတ်သန်းခဲ့ရပုံ နောက်ကြောင်းတွေကို ဆက်လက်တင်ပြပါမယ်။

သောတရှင် မိတ်ဆွေများခင်ဗျား။
ဗိုလ်ချုပ်သန်းရွှေက ၁၉၅၃ ခုနှစ်မှာ မြန်မာ့တပ်မတော်ထဲဝင်ပြီး အရာရှိ ဗိုလ် လောင်းသင်တန်း (OTS) တက်ဖို့ ရွေးချယ်ခံရ တဲ့အကြောင်း၊ ၁၉၅၇ ခုနှစ်၊ ဖေဖေါ်ဝါရီလမှာတော့ ဗိုလ်ကြီးတာဝန် ထမ်းဆောင်နေရပြီ ဖြစ်တဲ့အကြောင်း ကျနော် တင်ပြခဲ့ပါတယ်။ ဒီကာလက ပါလီမာန်ဒီမိုကရေစီ နိုင်ငံရေးစနစ် ကျင့်သုံးနေတဲ့ ကာလ ဖြစ်ပေမယ့်၊ နိုင်ငံရေးပါတီတွေရဲ့ အကွဲအပြဲနဲ့ မုန်တိုင်းထန်နေဆဲကာလပါ။ စစ်တပ်က ပြည်တွင်းစစ် အတွင်းမှာပဲ သြဇာပိုကြီးလာခဲ့ပါတယ်။ ဘီအီးဒီစီ (BEDC) လို ကုန်သွယ်ရေးနဲ့ ပတ်သက်တဲ့ ကုမ္ပဏီ၊ ကြယ်ငါးပွင့် သင်္ဘောလုပ်ငန်း၊ မြဝတီ ပုံနှိပ်တိုက် လို စစ်တပ်ပိုင် စီးပွားရေးလုပ်ငန်း ကော်ပိုရေးရှင်းကြီးတွေတောင် ထူထောင်ပြီး ခြေကုတ်ယူလာနေတဲ့ အနေအထားပါ။ ဒီလိုနဲ့ ၁၉၆၂ ခုနှစ်မှာတော့ ဗိုလ်ချုပ်နေဝင်းဦးဆောင်တဲ့ တော်လှန် ရေးကောင်စီ စစ်အစိုးရက အာဏာသိမ်းပိုက်ခဲ့ပါတယ်။

ဒီကာလတွေအတွင်းမှာ ဗိုလ်ကြီးသန်းရွှေက မိတ္ထီလာစစ်တပ်ဌာနချုပ်မှာ ၂-လ၊ ၃-လ လောက် ထောက်လှမ်း ရေး အရာရှိ အဖြစ် တာဝန်ယူရပါသေးတယ်။ သူ့ရဲ့အဓိကတာဝန်က စိတ်ဓာတ်စစ်ဆင်ရေးဌာနမှာ တာဝန်ယူရ တာ ဖြစ်ပါတယ်။ စိတ်ဓာတ်စစ်ဆင်ရေးဌာနဆိုတာ အဲဒီကာလတွေမှာ တပ်မတော်က ရင်ဆိုင်နေရတဲ့ ကွန်မြူနစ် သူပုန်တွေ၊ တိုင်းရင်း သားတွေကို တန်ပြန်ဝါဒဖြန့်နိုင်ဖို့နဲ့ ပြည်သူတွေရဲ့ ရင်ထဲအသည်းနှလုံးကို စည်းရုံးနိုင်ဖို့ ဗိုလ်မှူးချုပ်အောင်ကြီးနဲ့ ဒုတိယ ဗိုလ်မှူးကြီး ဘသန်းတို့က ၁၉၅၂ ခုနှစ်မှာ စတင်ဖွဲ့စည်းခဲ့တာ ဖြစ်ပါတယ်။ ဒါပေမယ့်ဒီဌာနက နောက်ပိုင်းမှာ ဗိုလ်ချုပ် နေဝင်း စစ်အာဏာသိမ်းတာကို မှန်ကန်ကြောင်း သက်သေအချက် အလက်တွေ ကြံဖန်တင်ပြပေးဖို့၊ ဝါဒဖြန့်ချိနိုင်ဖို့ ဌာနဖြစ်ခဲ့ရပါတယ်။ ဒီဌာနမှာ စစ်တပ်က အရာရှိ ၃ ဦးနဲ့ အရပ်သားအရာရှိ တချို့နဲ့ ဖွဲ့စည်းခဲ့တာ ဖြစ်ပါတယ်။ သူတို့က ဗိုလ်ချုပ်နေဝင်းစစ်အစိုးရရဲ့ ဉာဏ်ကြီးရှင် (Think tank) အဖွဲ့၊ အယူအဆရေးရာတွေ ကျောထောက်နောက်ခံ ပံ့ပိုးပေးရာအဖွဲ့လည်း ဖြစ်ခဲ့ပါတယ်။ ဒီဌာနက နေပြီး မြန်မာ့ရိုးရာ ဓလေ့ထုံးစံ၊ ဆိုရှယ်လစ်ဝါဒ၊ မာ့စ်ဝါဒ၊ ဗုဒ္ဓဘာသာ စသဖြင့် ရောမွှေထားတဲ့ သဘော တရားရေးရာတွေကိုလည်း ဖန်တီးထုတ်လုပ်ခဲ့ပါသေးတယ်။

သူတို့ကို ဒုဗိုလ်မှူးကြီးဘသန်းက ဦးဆောင်ပါတယ်။ အဲဒီဌာနမှာ တာဝန်ယူခဲ့ရတဲ့ဦးချစ်လှိုင်ရဲ့ အပြောအရ အရာရှိတဦးက ကွန်မြူနစ်နဲ့ တိုင်းရင်းသားသူပုန်တွေကို တန်ပြန်နိုင်ဖို့ တာဝန်ယူရတယ်၊ ကျန်တယောက် ကတော့ စီးပွားရေးကိစ္စတွေ၊ သူကတော့ မာ့စ်ဝါဒနဲ့ ဆိုဗီယက်ကွန်မြူနစ်ဝါဒကို လေ့လာပြီး မြန်မာနိုင်ငံမှာ ဘယ်လိုပြန်အသုံးချရတယ်ဆိုတာ လေ့လာ ရတယ်လို့ ဆိုပါတယ်။ အရာရှိတချို့ကိုလည်း အမေရိကန်ကိုစေ လွှတ်ပြီး စိတ်ဓာတ်စစ်ဆင်ရေးနည်းနာတွေ ဆည်းပူး စေခဲ့ပါတယ်။ ဗိုလ်ချုပ်နေဝင်းဆီကို ဝန်ကြီးချုပ်ဦးနုက "အိမ်စောင့်အစိုးရ"အဖြစ် အတင်းအကျပ် အာဏာအပ်ခဲ့ရတဲ့ ၁၉၅၈ ခုနှစ်မှာပဲ ဗိုလ်သန်းရွှေကို အဲဒီစိတ် ပညာရေးနဲ့ ဓာတ်စစ်ဆင်ရေးညွှန်ကြားမှု ဦးစီးရုံးကို ၆-လလောက် တာဝန် ပေးခံရပါတယ်။ တွဲဖက်တာဝန်ပေးခံ ရတယ်လို့ ဖော်ပြထားပြီး၊ မြန်မာနိုင်ငံကို တောင်ပိုင်း-မြောက်ပိုင်းအဖြစ် စစ်တိုင်း တွေခွဲထားတဲ့ ကာလမှာ ဖြစ်နိုင်တာကတော့ တောင်ပိုင်းတိုင်းစစ်ဌာနချုပ် (မင်္ဂလာဒုံ) မှာ တာဝန်ယူခဲ့ရဖို့ များပါတယ်။ နောက်ပိုင်းမှာ မြောက်ပိုင်းတိုင်း (မန္တလေး) ကို တာဝန်လွှဲပြောင်းခံရပါတယ်။

အဲဒီကာလ မင်္ဂလာဒုံမှာ ရှိနေစဉ် ၆-လမှာ သူက စိတ်ဓာတ်စစ်ဆင်ရေးသင်တန်းတွေ တက်နေရသလား၊ စိတ်ဓာတ် စစ်ဆင်ရေး စီမံကိန်းရုံးမှာ တာဝန်ယူရုံသက်သက်ပဲလား ဆိုတာ မရှင်းလင်းလှပါဘူး။ နောက် တခုကလည်း စိတ်ဓာတ် စစ်ဆင်ရေးဌာနတပ်မှာ သူက တပ်ထောက်- ထောက်ပံ့ရေးဗိုလ်ကြီးအဖြစ် တာဝန်ယူ တာမျိုး ဖြစ်နိုင်ပြီး၊ စိတ်ဓာတ် စစ်ဆင်ရေး သင်တန်းတွေ တက်ခဲ့ရတာ မဟုတ်ဘဲ နေထိုင်စားသောက်ရေး ကိစ္စ တွေ စီမံပေးရရုံလည်း ဖြစ်နိုင်ပါတယ်။ ဒါပေမယ့် နောက်ပိုင်းမှာတော့ စိတ်ဓာတ်စစ်ဆင်ရေး သင်တန်းတွေကို တက်ခဲ့ရတာမျိုး နိုင်ပါတယ်။

နိုင်ငံခြားသား လေ့လာသူတဦးအဆိုအရတော့ ဗိုလ်သန်းရွှေက ဦးချစ်လှိုင်ရဲ့ တပည့်အဖြစ် တချိန်ချိန်မှာ သင်တန်း တက်ခဲ့ရဖွယ် ရှိတယ်လို့လည်း ခန့်မှန်းဖော်ပြပါတယ်။ အကြောင်းကတော့ အဲဒီအချိန်က မြန်မာ့ ဆိုရှယ်လစ်လမ်းစဉ် ပါတီက ထိပ်ပိုင်းခေါင်းဆောင် အတော်များများက ဦးချစ်လှိုင်ရဲ့ နိုင်ငံရေးဝါဒ ပို့ချချက် တွေနဲ့ ကင်းခဲ့ရသူ အတော်နည်း ပါတယ်။ ဦးချစ်လှိုင်ဆိုတာက လက်ဝဲအယူအဆ တိမ်းညွှတ်သူဖြစ်ပြီး၊ နောက်ပိုင်း ဦးနေဝင်း အာဏာရှိနေစဉ်ကာလ တွေမှာ မြန်မာ့ဆိုရှယ်လစ်လမ်းစဉ်၊ လူနဲ့ ပတ်ဝန်းကျင်တို့ရဲ့ အညမည စသဖြင့် (မဆလ) ပါတီရဲ့ သဘောတရားရေး စာတန်းတွေကို ရေးသားပြုစုခဲ့သူလည်း ဖြစ်ပါတယ်။

ဗိုလ်သန်းရွှေ မြောက်ပိုင်းတိုင်းစစ်ဌာနချုပ်၊ စိတ်ဓာတ်စစ်ဆင်ရေးဌာနမှာ တာဝန်ယူစဉ်က တာဝန်ရှိတဲ့သူ တပ်မှူးက အခု အမျိုးသားဒီမိုကရေစီအဖွဲ့ချုပ် (NLD) ရဲ့ ဥက္ကဌ ဗိုလ်မှူးချုပ်အောင်ရွှေ ဖြစ်ပါတယ်။ နောက် တော့ ဗိုလ်ချုပ်စန်းယုက မြောက်ပိုင်းတိုင်းမှူးဖြစ်လာတော့ သူ့လက်အောက်မှာလည်း တာဝန်ထမ်း ဆောင်ခဲ့ ရပါတယ်။ သူက အမှတ်-၁ နယ်လှည့် စိတ်ဓာတ်စစ်ဆင်ရေးတပ် တပ်မှူးအဖြစ် မန္တလေးမှာ တာဝန်ယူခဲ့ရ ပါတယ်။ ၁၉၆၂ ခုနှစ်၊ စစ်အာဏာသိမ်းတော့ ဗိုလ်သန်းရွှေက မန္တလေးမှာပဲ ရှိနေပါသေးတယ်။

တော်လှန်ရေးကောင်စီ စစ်အာဏာသိမ်းပြီးတဲ့အခါ စိတ်ဓာတ်စစ်ဆင်ရေးဌာနက အရပ်သားအရာရှိ ဦးစောဦး က ပြန်ကြားရေးဝန်ကြီးဖြစ်လာပါတယ်။ သူ့လူကြီးမြောက်ပိုင်းတိုင်းမှူး ဗိုလ်ချုပ်စန်းယုလည်း စစ်တပ်မှာ တာဝန်တိုးမြှင့် ယူနေရပါပြီ၊ ဒီအချိန်မှာ စစ်တပ်က နိုင်ငံရေးထဲကို ဝင်ရောက်ခြေချလာတဲ့ကိစ္စအပေါ် ဗိုလ်သန်းရွှေက ငြင်းပယ်ဖို့ အကြောင်း မရှိပါဘူး၊ လက်ခံလိုက်ပြီး အလိုက်သင့်နေသွားဖို့ပဲ ရှိပါတော့တယ်။ ၁၉၆၃ ခုနှစ် မှာ ဗဟိုနိုင်ငံရေးသိပ္ပံ တက္ကသိုလ်ကျောင်းဖွင့်တော့ ဗိုလ်သန်းရွှေလည်း အဲဒီကျောင်းမှာ တာဝန်ချခံရပါတယ်။ တကယ်တော့ နိုင်ငံရေးအယူဝါဒ ဝါဒဖြန့်ချိ ပို့ချတဲ့ကျောင်းပါ။ ဒီကျောင်းက သမိုင်းဌာနမှာ ဗိုလ်သန်းရွှေ တာဝန်ယူခဲ့ရပါတယ်။ မြန်မာ့ဆိုရှယ်လစ်လမ်းစဉ်နဲ့ ဆက်စပ်တဲ့ သမိုင်းကိစ္စတွေကို စာသင်ကြား ပို့ချခဲ့ရပါတယ်။

ဒီလိုအတွေ့အကြုံတွေကြောင့်ပဲလို့ ဆိုကြပါတယ်။ ဗိုလ်ချုပ်သန်းရွှေက စိတ်ဓာတ်စစ်ဆင်ရေးဗျူဟာတွေကို ကောင်း ကောင်း အသုံးချတတ်တယ်၊ ကောက်ကျစ်ပါးနပ်တယ်။ တဖက်မှာလည်း သူသင်ခဲ့တဲ့ မြန်မာ့သမိုင်းကို သူကိုယ်တိုင် ပြန်ယုံကြည်နေပြီး၊ သမိုင်းကို ရှုမြင်ပုံကအစ လွဲမှားနေခဲ့တယ်။ ကိုယ့်ဘာသာ အဓိပ္ပါယ် ဖွင့်ထား တဲ့၊ ပုံဖျက်ထားတဲ့ သမိုင်း တွေကို တသက်လုံး ယုံကြည်ကြီးပြင်းလာခဲ့ရတယ်ဆိုတာမျိုးလည်း ဝေဖန်ပြောဆို ကြပါတယ်။ နောက်တပတ်မှာတော့ စစ်တပ်နဲ့ ပါတီနိုင်ငံရေးကြားက ဗိုလ်ချုပ်သန်းရွှေ တက်လမ်းရှာလာတဲ့ ခရီးကြမ်းကို ဆက်လက်တင်ပြပါမယ်။ အားလုံး ငြိမ်းချမ်း ပျော်ရွှင်ကြပါစေ။

(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)