အလွမ်းတွေ ထောင်းထောင်းထ
ရွက်ဖောင်းလှေလို စိတ်ကူးတွေက
ဦးတည်ရာမဲ့ ပြေးချသွားတယ်၊
ပုစဉ်းရင်ကွဲတကောင်လို
ဒီသီချင်း တပုဒ်ထဲ ဆိုပြီးရင်းကို ထပ်ပြီးဆို။
ငါချစ်တာ သူသိရင်တော်ပါပြီ
မြက်ကလည်း မြက်အလျှောက် ပွင့်ပေးတယ်
ပိုးစုန်းကြူးကလည်း ပိုးစုန်းကြူးအလျှောက် လင်းပြတယ်
မှင်စာတွေလို၊ ကျတ်တွေလို
မမြင်ကွယ်ရာ မှောင်ရိပ်ခိုလို့
တင်းထားရင်းနဲ့ မျက်ရည်စို။
သတိရလိုက်တာ အိပ်မပျော်ဘူး
နွေည လရောင် ငါမူးတုန်း
ဒီခေါင်းအုံးလေးကိုပဲ ပြောပြလိုက်ရတယ်။
ယောဟန်အောင်
ဧပြီ ၄၊ ၂၀၁၈
No comments:
Post a Comment