လွတ်လပ်မှုအတွက် မေးခွန်း (On the Question of Freedom)

* ဒါဟော (Dachau) ရဲ့ ပြာစတွေက ငါ့ခြေကို လောင်ကျွမ်း 

ကတ္တရာမီးခိုးတွေက ငါ့အောက်မှာ
ကျည်ဖူးများနဲ့ ဘက်နက်တို့က

ငါ့ လက်သည်းများအောက် စိုက်ဝင်နေ။

ငါရဲ့ ချစ်လှစွာသော ပြုန်းတီးဆံပင်တဆုပ်ကို ငါလှုပ်ခါလိုက်။  

ပြီးတော့ ငါကိုယ်တိုင်

လက်ဝါးကပ်တိုင်မှာ စီရင်ခံရတဲ့ ခရစ်တော်လို

ဗုံးကျဲလေယာဉ်ရဲ့ တောင်ပံမှာ ငါ ကားကျက်မီးမြိုက်မယ်

ဒီညမှာ ခရစ်တော်ရဲ့ ကလေးများကို သတ်ဖြတ်ဖို့။

ဗီယက်နမ်မှာ ဖြစ်ခဲ့သလိုပဲ

ငါ့အရေပြားတွေက ပေါက်ကွဲမှုတွေနဲ့ တုန်ခါ
ငါ့ကျောရိုးနဲ့ နံရိုးတွေကို ကျိုးကြေစေ
ဘာလင်တံတိုင်းကလည်း ငါ့ကို ပြေးလာကျိတ်နင်း။

မင်းကငါ့ကို 'လွတ်လပ်ခွင့်'အကြောင်း ပြောတယ်လား ?
ကောင်းကင်ထဲက ထီးမိုးဗုံးဆံတွေအောက်မှာ အဖြေမရှိတဲ့ မေးခွန်းပဲ
မင်းရဲ့ အသက်အရွယ်မှာ လွတ်လပ်ခွင့်ဆိုတာ ဂုဏ်မရှိလိုက်တာကွာ
ကြေးကျွန်တွေဖြစ်ရတာထက် အကြိမ်ရာနဲ့ချီပြီး ပိုရှက်ဖွယ်ကိစ္စ။

ဟုတ်တယ်။ ငါဟာ တာ့ရှကင့် မိန်းမကြီးရဲ့ ကြေးကျွန်
ပြီးတော့ ဒါးလပ်စ်က ကျည်ဆန်များနဲ့ ပီကင်းက ကြွေးကြော်သံများ၊
ဗီယက်နမ်က တခုလပ်မိန်းမများနဲ့ ရုရှား မိန်းမများ [ရဲ့ ကြေးကျွန်]
လမ်းစွတ်ကြောင်းဘေးက ပေါက်ချွန်းတွေ၊ သူတို့မျက်လုံးများပေါ်က ခေါင်းစည်းပုဝါတွေ။

ဟုတ်တယ်။ ငါက ပုရှကင် (Pushkin)** နဲ့ ဘလော့ (Blok)*** ဆီက မလွတ်မြောက်နိုင်ဘူး
မေရီလန်းပြည်နယ်နဲ့ ဇီးမားလမ်းဆုံဘူတာက မလွတ်မြောက်နိုင်ဘူး
မိစ္ဆာနတ်ဆိုးနဲ့ ဘုရားသခင်ဆီက မလွတ်မြောက်နိုင်ဘူး
ကမ္ဘာမြေရဲ့ အလှအပနဲ့ သူ့ချီးတွင်းက မလွတ်မြောက်နိုင်ဘူး။

ဟုတ်တယ်။ ကမ္ဘာမြေတလွှား အကျိုးမဲ့ငြင်းခုန်ရန်ဖြစ်နေသူများ နဲ့ သားသတ်သမားများ ခေါင်းပေါ်က

စိုနေတဲ့ ချွေးသုတ်ဖတ်ကို ယူပေးချင်တဲ့ ဆာလောင်မှုနဲ့ ကြေးကျွန်ပြုခံနေရတာ
ဟုတ်တယ်။ ကမ္ဘာမြေပေါ်က အယုတ်တမာကောင်အားလုံးရဲ့

ကိုယ်တပိုင်းရုပ်ထု မျက်ခွက်များကို ဂုဏ်ပြုလိုလို့ ကြေးကျွန်ပြုခံနေရတာ။

ဒါကြောင့်မို့ လူတွေက ငါ့ကိုချစ်ခင်ကောင်း ချစ်ခင်ပါလိမ့်မယ်။
ငါ့ဘဝကို အသုံးချ
(အခုသံခေတ်ရဲ့  အစဉ်အလာ မဟုတ်ပါဘဲ)
အမှတ်ကတယ် လွတ်မြောက်ရေး လှုပ်ရှားမှုများကနေ

မလွတ်မြောက်မှုများကို ဘုန်းတော်ဖွဲ့ ချီးမွမ်းဂုဏ်တင်ရင်းနဲ့ပေါ့။

ယက်ဗ်ဂေနီ ယက်ဗ်တူရှင်ကို (Yevgeny Yevtushenko)

Translated by Lawrence Ferlinghetti with Anthony Kahn 

* Dachau (ဒါဟော)- ဂျာမန်နိုင်ငံတွင် ၁၉၃၃ ခုနှစ်၊ နာဇီလက်ထက်၌ ပထမဦးဆုံး ဖွင့်လှစ်သည့် အကျဉ်းစခန်း ဖြစ်သည်။ နိုင်ငံရေးအကျဉ်းသားများကို ထိန်းသိမ်းရန် ရည်ရွယ်သည်ဟု ဆိုသည်။ မှတ်တမ်းများအရ လူ ၃၂,၀၀၀ သေဆုံးခဲ့ပြီး၊ ပြန်လည်လွတ်မြောက်စေချိန်တွင် အကျဉ်းသား ၁၀,၀၀၀ ဖျားနာနေကြသည်။ 

** Alexander Sergeyevich Pushkin (အလက်ဇန်းဒါး ဆာဂေယာဗစ်ခ်ျ ပုရှကင်) နာမည်ကျော် ရုရှားကဗျာဆရာ (၁၇၉၉-၁၈၃၇)

*** Alexander Alexandrovich Blok (အလက်ဇန်းဒါး အလက်ဇန်ဒရိုဗစ်ခ်ျ ဘလော့)- ရုရှား ကဗျာဆရာ (၁၈၈၀-၁၉၂၁)