ကမောက်ကမများ (Irony)

၂၀-ရာစုက မကြာမကြာဆိုသလို ငါတို့ကို အရူးလုပ်တယ်။ 

အခွန်အတုတ်တွေလိုပဲ အတုအယောင်တွေနဲ့ ငါတို့ကို ကျဉ်းကျပ်စေ
ဘဝရဲ့ အသက်ရှူသံများလည်း၊ ငါတို့ အတွေးအခေါ်တွေကို ပလာကျင်းစေပေါ့
ပန်းဝါပွင့် ဒန်ဒလီယွန် (dandelion) တွေ အကြွေကျမြန်သလိုမျိုး။

လူငယ်များက ထေ့လုံးငေါ့လုံးတွေကို လက်ခံရင်း လန်ကျရသလို
သိပ်မဖိနှိပ်လွန်းတဲ့၊

အလားတူ သိပ်ပြီး ကိုယ်လုံးတီးမဆန်တဲ့တဲ့

ကမောက်ကမတွေကိုပဲ

လုံခြုံရေး အကာအကွယ်ပြု မှီခိုရပြန်တယ်။

မုသားတွေ ရေကြီးလွှမ်းမိုးလာမှာကို ကာဖို့

နံရံတခု၊ တာတမံတခုကို ငါတို့ လုပ်ထားရတယ်။
လက်ခုပ်တီးနေတုန်းမှာပဲ လက်တွေက ရယ်မောနေကြ
ခြေထောက်တွေက ချီတက်နေတုန်းမှာပဲ ထေ့ငေါ့လှောင်ပြောင် ရယ်မော။

သူတို့က ငါတို့အကြောင်း ရေးနိုင်တာပေါ့။ ဒီလို ကြောင်ခြစ်သော့ထားတဲ့ အမှိုက်တွေကို

ငါတို့က သူတို့ကို ရုပ်ရှင်ရိုက်ခွင့်ပြုထားကြတာကိုး
ဒါပေမယ့် ငါတို့က ဒါတွေအားလုံးကို

တိတ်တဆိတ် ရယ်ပွဲဖွဲ့ဖို့ အခွင့်အရေးကိုတော့

သိမ်းချန်ထားကြသေးတယ်။

ငါတို့ရဲ့ အထင်သေးမှုတွေနဲ့ ငါတို့ ကြီးမြတ်သလို ခံစားကြရတယ်။
ဒါကြောင့်ပဲ အားလုံးက ပိုနက်ရှိုင်း၊ ပိုရယ်ပွဲဖွဲ့စရာ

အစ်အောက်စူးစမ်းမှုများဖြစ်လာ။ မင်းက ငါတို့ရဲ့ ကယ်တင်ရှင် ဖြစ်ရမယ့်အစား
လူသတ်သမားသာ ဖြစ်ခဲ့ပြီ။

ငါတို့က အချစ်မှာ သတိကြီးတယ်။ လှည့်ဖျားတတ်တယ်။
ငါတို့ရဲ့ မိတ်ဆွေဖြစ်မှုတွေက သတ္တိရှိမှုမဟုတ်၊ ဟက်ဟက်ပက်ပက် မဟုတ်။
ငါတို့ရဲ့ ပစ္စုပ္ပန်ကလည်း

ငါတို့ အတိတ်နဲ့ ထူးမခြားနား၊ ဉာဏ်နီဉာဏ်နက်များနဲ့ ပုံဖျက်ထားတာပဲ။

ဘဝတခုလုံး သုတ်သုတ်ပြာပြာ ပြေးရတယ်။ သမိုင်းထဲက
* ဖော့တ် (Faust) လိုပဲ၊ ငါတို့က တင်ကူး ဆုံးဖြတ်ခံထားရပြီးသားပါ။ 
** မင်ဖစ်စတို ဖီလီယန်း (Mephistophelian) ရဲ့ အပြုံးနဲ့၊ ကမောက်ကမ၊
အရိပ်တခုလို၊ ခြေရာတိုင်းမှာ ခွေးတွေနဲ့။

မျှော်လင့်ချက်မဲ့စွာပဲ ငါတို့က အရိပ်တွေကို ရှောင်နင်းခဲ့တယ်။
ရှေ့မှာ လမ်းကြောင်းက၊ နောက်မှာလမ်းကြောင်းကျ ပိတ်ဆို့နေခဲ့ပြီ။
ငိုအားထက် ရယ်အားသန်၊ ငါတို့က ငါတို့ဝိဉာဉ်ကို ရောင်းစားခဲ့ပြီ
ဒါပေမယ့် အတုံ့အပြန် အနေနဲ့ *** မာဂရက် (Margaret) လည်း မရခဲ့ပါဘူး။

မင်းက ငါတို့ကို အရှင်လတ်လတ် မြေမြုပ်ခဲ့ပြီ။
ခါးသည်းတဲ့ ဗဟုသုတတွေက တို့ကို အာဏာမဲ့စေတယ်
ငါတို့ရဲ့ နွမ်းလျနေတဲ့ ကမောက်ကမဖြစ်မှုတွေက

ငါတို့ကိုယ်တိုင်ကို ငိုအားထက် ရယ်အားသန် ပြန်ရယ်ပွဲဖွဲ့နေကြတယ်။
ယက်ဗ်ဂေနီ ယက်ဗ်တူရှင်ကို (Yevgeny Yevtushenko)

၁၉၆၁ ခုနှစ်။
Translated by George Reavey (revised) 

* ဖော့တ် (Faust) ရှေးဟောင်း ဂျာမန်စာပေမှ ဇာတ်ကောင်ဖြစ်သည်။ သမိုင်းဝင် သူရဲကောင်း Johann Georg Faust (c. 1480–1540) ကို ဂုဏ်ပြုရေးသားထားခြင်း ဖြစ်သည်။ ဖော့တ်က အောင်မြင်သည့်ပညာရှင်ဖြစ်သော်လည်း၊ ဘဝကို မကျေနပ်ဖြစ်နေသူ၊ ဤသို့ဖြင့် မိစ္ဆာနတ်ဆိုးနှင့် စာချုပ်တခုချုပ်ဆို၍ သူ၏ဝိဉာဉ်ကို နောက်ထပ်အတောမသတ်နိုင်သည့် ဗဟုသုတများ၊ သာယာမှုသုခများကို အလဲအလှယ်ပြုခဲ့သည့် ဇာတ်လမ်းဖြစ်သည်။ 

** မင်ဖစ်စတို ဖီလီယန်း (Mephistophelian) သည် ဖော့တ်က သူ၏ ဝိဉာဉ်ကို ရောင်းစားခဲ့သည့် နတ်ဆိုး၏အမည် ဖြစ်သည်။

*** မာဂရက် Margaret (ဂရက်ချန် Gretchen ဟုလည်းခေါ်သည်) မှာ ဖော့တ်ခရီး အနည်းငယ်ထွက်အပြီး တွေ့မြင် စွဲလမ်းမိသည့် အမျိုးသမီးဖြစ်သည်။ အိမ်နီးချင်းတဦး၏ အကူဖြင့် လက်ဝတ်ရတနာများဖြင့် သူမကို ချည်းကပ်သည်။ နတ်ဆိုးကသူ၏သြဇာဖြင့် မာဂရက်ကို ဖော့တ်၏လက်တွင်း ကျစေသည်။