ငါ့တက္ကသိုလ်များ (My Universities)

ရွှေရောင် မှန်ဘောင်များထဲက တောက်ပထိုးထွက်နေတဲ့

သူများဆီကသာ ငါ သင်ကြားလေ့လာခဲ့ရတာ မဟုတ်၊
ငါ သေချာအမှတ်မရနိုင်တဲ့

တဦးချင်း ဓာတ်ပုံများထဲကပါ [ငါလေ့လာခဲ့]။

တော်လ်စတွိုင်း * ထက် ပိုပြီး၊

မြို့စားကြီး တော်လ်စတွိုင်းအကြောင်း ရထားပေါ်ဆိုကြတဲ့
မျက်ကန်း သူတောင်းစားများဆီက ငါလေ့လာခဲ့ရ။
ပါစတာညက် ** ထက်စာရင်

ဘားတိုက်များဆီက ငါ ပိုလေ့လာခဲ့ရ။
ငါ့ကဗျာစာသား ပုံစံတွေက ပူလောင်တဲ့ ဘားတိုက်များ။ (Barracko)

ငါက သွားရေစာဆိုင်မှာ ယဲဆီညင် (Yesenin)*** အကြောင်း

သင်ခန်းစာ လေ့လာရ၊ သူတို့ရဲ့ ပြောင်ကျတဲ့ လျှို့ဝှက်ချက်များ ပေါက်ကြားရပြီးနောက်

သူတို့ရဲ့ အကွက်ကျားသင်္ဘောသား အင်္ကျီတွေဆုတ်ဖြဲခဲ့ကြတဲ့

တရားမဝင် စစ်ပွဲများအကြောင်းပေါ့။

မာယာကော့ဖ်စကီ **** ရဲ့ လှေခါးထစ်များ ကဗျာကလည်း
ငါ့ကို ဒီလောက် မပေးစွမ်းနိုင်ခဲ့ပါဘူး။
လှေခါးထစ်များပေါ်က ညစ်ပေတဲ့ ခြေလှမ်းများနဲ့ 
ကလေးတွေ ဘောင်းဘီနဲ့ချောပြောင်နေတဲ့ လက်ကိုင်တန်းများဆီကသာ။

အလွန် စကားနည်းလွန်းတဲ့ ငါ့အဖွားများဆီက

ဇီမာလမ်းဆုံအကြောင်း ငါလေ့လာခဲ့ရ။
ပြတ်ရှတာတွေ၊ စုတ်ပြဲတာတွေ၊ တခြား ပွန်းရှငုတ်စ အထွေထွေ

ငါကြောက်မနေစေဖို့ပေါ့။

ကြောင်နံ့တွေရနေတဲ့ လမ်းတဖက်ပိတ်တွေအကြောင်း ငါလေ့လာခဲ့ရ
လူလိမ်လူဆိုးတွေ ကြိုးကြားရှိနေတဲ့ လမ်းသွယ်များကပေါ့
ဓားမြောင်တချောင်းထက် ပိုထက်မြက်
စီးကရက်ဖင်စီခံတခုထက် ပိုပြီး သာမန်ဖြစ်ခဲ့ရတယ်။

ပလာကွင်းပြင်များဟာ ငါသိုးထိန်းကျောင်းရာ
စောင့်ရတဲ့ တန်းရှည်များက ငါ့ကိုပြုစုကြင်နာ မိခင်များပေါ့။
ငါ့ကို ကြိမ်ဆော်တဲ့ ကြမ်းတမ်းသူလူငယ်များ အားလုံးဆီကလည်း

ငါ လေ့လာသင်ယူခဲ့တယ်။

ငါလေ့လာသင်ယူခဲ့တယ်
ဖြူလျော့မျက်နှာနဲ့ စိတ်ညစ်ညူးဖွယ် ဖြစ်ကတတ်ဆန်းစာရေးဆရာတွေဆီက
သူတို့ စာပိုဒ်များမှာ ဆိုးရွားတဲ့အကြောင်းအရာတွေနဲ့
သူတို့ အိပ်ကပ်များထဲမှာ အကြောင်းအရာ ပလာနဲ့။

ထပ်ခိုးခန်းများထဲက အူတူတူကိစ္စတွေ အားလုံး ငါ လေ့လာသင်ယူခဲ့တယ်
အင်္ကျီညှပ်သူ အယ်လ်ကာ (Alka) ဆီကပေါ့
အများသုံး မီးဖိုချောင် အမှောင်ထဲ

ငါ့ကိုနမ်းခဲ့တဲ့သူ။

ခြစ်ရာရှရာများကနေ အမာရွတ်တွေအထိ

ပုခက်တွေနဲ့ သင်္ချိုင်းသုဿာန်များ၊

တဲစုတ်များ နဲ့ ဘုရားကျောင်းများ

မိခင်မြေရဲ့ မွေးရာပါ အမှတ်အသားအားလုံး ငါစုဆောင်းထားတယ်

ငါ့ရဲ့ ပထမဦးဆုံး ကမ္ဘာလုံးက စုတ်ပြတ်နေတဲ့

နိုင်ငံခြားချည်ချုပ်မပါတဲ့ ဘောတလုံးပါ။
အုတ်ခဲစနတွေ စိုက်ဝင်လို့
ပြီးတော့ ငါ့အစစ် ကမ္ဘာကို

အားတင်းခရီးနှင်ရတော့
အဲဒါလည်း အစအနတွေနဲ့ လုပ်ထားတာ မြင်ရ
လှိမ့်ကန်ဖို့ ဖြစ်နေရသလိုပေါ့။
ပြီးတော့ ညံ့ဖျင်းလွန်းတဲ့ ဘောလုံးပွဲမှာ ငါဆဲတယ်၊
သူတို့က ကမ္ဘာကြီးရဲ့ ဒိုင်တွေ၊ ဒါမှမဟုတ် ဥပဒေသတွေနဲ့ ကစားနေကြ
ပြီးတော့ ငါထိတွေ့မိတဲ့

ကမ္ဘာမြေရဲ့ ဘယ်လောက်ပဲသေးငယ်တဲ့ အစအန ဖြစ်ပါစေ
ငါ ဂုဏ်ပြုတယ်
ဧရာမ ဇီမား ဘူတာရုံလိုမျိုး

ကမ္ဘာမြေတလွှား ငါသွားတယ်
အခု ဗီယက်နမ်မှာ၊ အခု ပီရူးမှာ

မိန်းမအိုကြီးတွေရဲ့ အရေတွန့်တွေကနေ ငါလေ့လာတယ်၊

ကျေးလက်ရိုးရာ အသိတွေက ငါသင်ယူခဲ့တယ်
သင်ပေးခဲ့သူတွေက ကမ္ဘာတလွှားက လူဆင်းရဲများနဲ့ လူသွမ်းတွေ၊
အက်စကီးမိုးတွေက ရေခဲအနံ့ကို ရှူကြတယ်
အီတလီတွေကတော့ စိတ်မပျက်ဘဲ ပြုံးပျော်ကြတယ်။

ဆင်းရဲမှုဟာ ဆင်းရဲတာလို့ မစဉ်းစားဖို့

ငါ ဟာလမ် (Harlem) ***** က သင်ခဲ့တယ်။
သူ့မျက်နှာကိုသာ အဖြူရောင်ချယ်ထားတဲ့

လူမဲတဦးလို။ 

ငါနားလည်ခဲ့တယ်။ လူအများက

အခြားသူတွေကိုယ်စား သူတို့ရဲ့လည်ပင်းကို စောင်းကြတယ်
အဲဒီလည်ပင်းတွေရဲ့ အရေတွန့်ခေါက်ကြားမှာပဲ
လူနည်းစုတွေက ကတုတ်ကျင်းတွေလို ပုန်းခိုကြ။

ငါ့ကို လူများစုဆိုတဲ့ တံဆိပ်နဲ့ တံဆိပ်ကပ်ခဲ့ကြတာပေါ့
ငါက သူတို့အတွက် အစားအစာ၊ အမိုးအကာ ဖြစ်ချင်ပါတယ်
ငါက အမည်နာမ မရှိဘဲ၊ လူအားလုံးရဲ့ အမည်ဖြစ်ချင်ပါတယ်
စာမရေးနိုင်ကြသူတွေ အားလုံးအတွက် ငါက စာရေးဆရာတယောက် ဖြစ်ချင်ပါတယ်။

ငါဟာ စာဖတ်သူများက ဖန်တီးထားတဲ့

စာရေးဆရာပါ။
စာဖတ်သူတွေကို ငါ့ကဖန်တီးခဲ့တာပေါ့။
ငါ့အကြွေးတွေကို ငါပေးပြီးပါပြီ

ဟောသည်မှာ
သင်တို့ရဲ့ ဖန်တီးရှင်နဲ့ သင်တို့ရဲ့ ဖန်တီးမှု
သင်တို့အကြောင်း စာညွန့်ပေါင်းတဖွဲ့
သင်တို့ဘဝများရဲ့ ဒုတိယကြိမ်မြောက် ထုတ်ဝေခြင်း။

ငါက အာဒမ်ထက် ပိုလုံးတီးကျကျ ရပ်တယ်
နန်းတော်ရဲ့ အပ်ချုပ်သည်များကို ငြင်းပယ်လို့
အနာအဆာများနဲ့ မပြည့်စုံခြင်း၊ သည်ပြယုဂ်ဟာ
သင်နဲ့ ငါရဲ့ ပိုင်ဆိုင်မှုပါပဲ။
ငါ ဖျက်ဆီးခဲ့တဲ့ ငါ့အချစ်များ

အပျက်အစီးပုံ အပေါ်မှာ ငါရပ်တယ်။

မိတ်ဆွေဖြစ်မှုများနဲ့ မျှော်လင့်ချက်များရဲ့ ပြာမှုန်များ
ငါ့ လက်ချောင်းများကြား အေးစက်ပျံသန်းလို့
နှုတ်ဆိတ်မှုတွေနဲ့ တစ်ဆို့နေ
ငါဟာ တန်းစီနေတဲ့အထဲက နောက်ဆုံးလူတယောက်ပါ။

သင်တို့တဦးတယောက်အတွက် ငါအသက်ပေးနိုင်ပါရဲ့
ဘာဖြစ်လို့ဆိုတော့ သင်တို့တဦးချင်းက ငါ့ရဲ့ဇာတိမြေပါပဲ
ငါက အချစ်ကြောင့် အသက်ငင်
ဝံပုလွေတကောင်လို နာကျဉ်မူတွေနဲ့ ဆွဲဆွဲငင်ငင်အူ
အကယ်၍ ငါက သင့်ကို စက်ဆုပ်ရွံ့ရှာရင်
ငါ့ကိုယ်ငါ ပိုပြီး စက်ဆုပ်ရွံ့ရှာမှာပေါ့ကွဲ့။

သင်တို့မရှိရင် ငါကျရှုံးသွားနိုင်တယ်
ငါ့ကိုယ်ပိုင်အတ္တ အစစ်အမှန်ကိုရဖို့ ကူစမ်းပ
မာနနဲ့ အောက်တန်းကျမနေဖို့
နိဗ္ဗာန်ထဲ မနစ်နေစေဖို့။
ငါက ဈေးဝယ်တဲ့အိပ်တခုပါ
ကမ္ဘာကြီးရဲ့ ဈေးဝယ်သူများရဲ့ အရာများပြည့်နေတာ။
ငါက လူတိုင်းရဲ့ ဓာတ်ပုံဆရာပါ
မထင်ရှားသူများနောက် တကောက်ကောက်လိုက်တဲ့

ပါပါရာဇို (paparazzo) သတင်းထောက် တယောက်ပါ။
ငါက သင်တို့ရဲ့ မြင်နေကျ လူပုံကားချပ်ပါ
များစွာ ဆေးရောင်ချယ်ဖို့ ကျန်ပါသေး။
သင်တို့မျက်နှာများက ငါ့ရဲ့လုဘ်ပြတိုက် (Louvre) ****** ပါ
ငါ့ကိုယ်ပိုင် (Prado) ပရာဒိုပြတိုက် ******* ပါ။

ငါက မင်းအကြောင်း တိပ်ခွေထည့်ထားတဲ့

ဗီဒီယိုပြစက် တခုသာပါ၊ 
ငါက အခြားသူများရဲ့ ဒိုင်ယာရီများ ကြိုးပမ်းမှုတခုသာပါ၊
ပြီးတော့ ကမ္ဘာတလွှား သတင်းစာများရဲ့ ကြိုးပမ်းမှုတခုသာပါ။
သင့်ကိုယ်တိုင်

သွားကိုက်ရာမှတ်သားထားတဲ့ မင်တံတွေနဲ့

သင့်အကြောင်း ရေးထားခဲ့ပြီလေ။

ငါ မင်းကို သင်မပေးချင်ပါဘူး။
ငါ မင်းဆီကပဲ သင်ယူချင်တာပါ။
ယက်ဗ်ဂေနီ ယက်ဗ်တူရှင်ကို (Yevgeny Yevtushenko)

Translated by Antonina W. Bouis, Albert C. Todd and Yevgeny Yevtushenko 

* Leo Tolstoy တသက်တာ အထင်ရှားဆုံး ရုရှားစာရေးဆရာဟု သတ်မှတ်ခံရသည်။ (၁၈၂၈-၁၉၁၀)
** Boris Leonidovich Pasternak ဆိုဗီယက် ရုရှားခေတ် ကဗျာဆရာနှင့် စာပေ ဘာသာပြန်ဆရာ (၁၈၉၀-၁၉၆၀)

*** Sergei Alexandrovich Yesenin ၂၀-ရာစု၏ အထင်ရှားဆုံး ရုရှား ကဗျာဆရာ (၁၈၉၅-၁၉၂၅)

**** Vladimir Vladimirovich Mayakovsky နာမည်ကျော် ရုရှား ကဗျာဆရာ၊ ပြဇာတ်ရေး ဆရာနှင့် သရုပ်ဆောင်၊ စာရေးဆရာ (၁၈၉၃-၁၉၃၀)

***** Harlem နယူးယောက်မြို့ရှိ လူမဲ လူဆင်းရဲရပ်ကွက်

****** Louvre ပြင်သစ်ပြည်ရှိ ကမ္ဘာ့အကြီးဆုံး အနုပညာပြတိုက်

****** Prado နာမည်ကျော် စပိန်အနုပညာပြတိုက်