တဖက်သတ်အချစ် (Unrequited Love)

တစ်ဖက်သတ်အချစ်ဟာ ကျိုးတဲ့ထမ်းပိုးလို 

ဒါပေမယ့် မင်းက အချစ်ကို ဂိမ်းတခုလို့မြင်နေရင်
အောင်ပွဲဒိုင်းဆု တခုပေါ့။
ပြီးတော့ တစ်ဖက်သတ်အချစ်ရဲ့ ကိုးရိုးကားရား ဖြစ်မှုများက၊
ကရန်နို ဒီ ဘာဂရက် (Cyrano de Bergerac)* ရဲ့ ရူးနှမ်းနှမ်း ကိုယ်ရေးအကြောင်း ဟာသတခုလို။

တနေ့မှာ ပြဇာတ်ရုံထဲ အကျက်ကြက်ဥပြုတ် ရုရှားက
သူ့မယားကို ပြောတယ်။ သူမကို သေချာနာကျင်စေမယ့် စကားလုံးတွေနဲ့
" ဒီ ကရန်နို (Cyrano) က ဘာလို့ မင်းကို လုံးဝ စိတ်အနှောက်အယှက် ဖြစ်စေရတာလဲ" တဲ့
"အရူးကောင်
အခု ငါ့ကြည့်စမ်း၊ ဘယ်ခွေးမမှ ငါ့ကို ရူးသွပ်ငန်းဖမ်းစေအောင်

ငါ ဘယ်တော့မှ ခွင့်ပြုမှာ မဟုတ်ဘူး ...
ငါက လွယ်လွယ်လေး၊ နောက်တယောက် ရှာမှာပဲ
ဒါပဲပေါ့"

သူ့မိန်းမရဲ့ မနှစ်မြို့လှတဲ့ မျက်စေ့တွေနောက်၊ ရိုက်နှက်ခံထားရတဲ့

မုဆိုးမတယောက်ရဲ့ စိတ်ပျက်မှုတွေက ဝင်းလက်လို့၊
သူ့ယောက်ျားမှာ သီးနေတဲ့ ချွေးပေါက်တိုင်းက
ကြည့်ရတာ
ကြမ်းတမ်းတဲ့ ကိုယ့်ဘာသာ ကျေနပ်မှု ဇော ချွေးသီးချွေးပေါက်တွေနဲ့။

အင်မတန်ကျန်းမာတဲ့

သူလို ယောက်ျားမျိုး ဘယ်သူရှိမလဲ၊
နစ်နာခံစားဖို့ အရည်အချင်း ကင်းသူမျိုး
မိန်းမများကို 'မြာကလေး' ၊ ဒါမှမဟုတ် 'ဟော့တဲ့ စော်တွေ' လို့ခေါ်တဲ့သူ
အဲသည်လိုမှ သူက ပိုပြီး ခပ်ကြမ်းကြမ်းဆန်ပေမယ်။

အခုတိုင် သူတို့နဲ့မတူဘဲ ငါက ငါမဖြစ်နိုင်သေးဘူး၊
ငါတို့ သမ်းဝေ
ပြီးတော့ အကျင့်တန်တဲ့ သေးငယ် ရမက်များနဲ့ ဆော့ကစားကြ။
နှလုံးသားများကို ပြီးခဲ့တဲ့နှစ်တုန်းက ဖက်ရှင် အဝတ်အစားများလို စွန့်ပစ်ထား၊
ဝမ်းနည်းပူဆွေးရမှာကို စိုးရွံ့နေ၊
တန်ဖိုးပေးဆပ်ရမှာကို စိုးရွံ့နေ။

သံသယ မရှိစရာ၊ မင်းနဲ့ငါ၊ အားပျော့ချိနဲ့သူများဖြစ်တဲ့ အလျောက်
ငါတို့ခံစားချက်များကို မကြာခဏ အားထုတ်ကြည့်တိုင်း
ခပ်လွယ်လွယ် ကိစ္စတွေနဲ့
အချည်အနှောင် နည်းနည်း၊ လမ်းတွေပဲ ရွေးခဲ့ကြ။

မကြာခဏဆိုသလို င့ါကိုယ်တွင်းက ငကြောက်က အီသံပေး
မှောင်မိုက်အတွင်းနက်ထဲက ငါ့စေ့ဆော်မှုက ပြန်လှိုက်စား၊
'ဟေး၊ အခု သတိထားနော်၊
မပတ်သက်မိစေနဲ့… ' လို့ ဆိုနေ။

နောက်ဆုံး ခံစစ်ကြောင်းကို ငါ အားပျော့ချိနဲ့ လှမ်းတယ်၊
ရှုံးတယ်။ ဘယ်သူသိပါ့။ တိတ်တခိုးအချစ်ရဲ့ တန်ဖိုးမဖြတ်နိုင်တဲ့ အခွင့်အရေးတခုအဖြစ်

မဆုတ်မနစ် ကြိုးပမ်းမှုတွေလည်း လုံးဝ ကင်းမဲ့လို့။

ပါးနပ်တဲ့ ယောက်ျားတယောက်၊ သူ့ခေါင်းကိုသုံးရင်
အမျိုးသမီးများဆီက တုံ့ပြန်မှုကိုရအောင် အမြဲလုပ်နိုင်ပါတယ်။
သနားစရာကောင်းတဲ့ ကရန်နို (Cyrano) ရဲ့ အလယ်ခေတ်သူရဲကောင်းစိတ်ဓာတ် သေဆုံးခြင်း
အဲဒါကို ပြတာက ယောက်ျားတွေ မဟုတ်ဘူး။ မိန်းမတွေပဲ။
အချစ်မှာ မင်းက အလယ်ခေတ်သူရဲကောင်းစိတ်ဓာတ်နဲ့ ဖြစ်ချင်ဖြစ်မယ်၊
ဒါမှမဟုတ် မင်းက
မချစ်တာဖြစ်မယ်။

ဥပဒေတခုတည်းတဲ့ ယောက်ျားသားအားလုံးက စွပ်စွဲပြစ်တင်ကြတယ်။
တိတ်တခိုးအချစ်နဲ့ မင်း ချစ်လို့မဖြစ်နိုင်ဘူး ဆိုရင်
မင်းဘာပဲ လုပ်လုပ်၊ မင်း ချစ်လို့မရနိုင်ဘူး။
သီးပွင့်ခြင်းကင်းတဲ့ လွမ်းဆွတ်မှုတွေရဲ့

မတုံ့ပြန်တဲ့ ခံစားမှုများရဲ့

နာကျဉ်မှုများကို သိအောင်

ဘုရားသခင်က တို့ကို ရည်မွန်မှုတွေ အပ်နှင်းခဲ့တယ်။
အချည်းနှီး တို့တွေ စောင့်ဆိုင်းနေရင်း၊ ကျေနပ်ဖွယ်ဖြစ်ရတဲ့ ညှဉ်းပန်းမှုများ
အချည်းနှီး စွဲလမ်းမှုများရဲ့ ကံဆိုးရတဲ့ ပျော်ရွှင်မှုများ။

တိတ်တခိုးနဲ့၊ ငါက သတ္တိတွေ ရှိချင်လိုက်တာ
မီးတောက်လောင်တဲ့ ရမက်တွေနဲ့ ရေခဲနေတဲ့ ငါ့နှလုံးသားကို နွေးစေဖို့
ရုန်းမထွက်သာ ညိနေတဲ့ အချစ်ရေးကို ဟက်ပက်နွေးထွေးလာစေဖို့
တိတ်တခိုးအချစ်နဲ့ မျှော်လင့်ချက်မဲ့ တမ်းတမှုတွေကို

ငါ ကယောင်ကတမ်း ပြောနေမိတော့တယ်။
ယက်ဗ်ဂေနီ ယက်ဗ်တူရှင်ကို (Yevgeny Yevtushenko)

၁၉၇၁ ခုနှစ်။

Translated by Michael Glenny

* Edmond Rostand ရေးသည့် ၁၈၉၇ တွင်ရေးသည့် နာမည်ကျော်ပြဇာတ်ဖြစ်သည်။ Cyrano de Bergerac က ပြင်သစ် တပ်မတော်မှ လူကောင်း၊ စစ်သားတဦးဖြစ်သည်။ မာကြော၊ စိတ်ဓာတ်ကြံ့ခိုင်သူ ဖြစ်ပြီး ကျွမ်းကျင်အရည်အချင်း အပြည့် ရှိသူ ဖြစ်သည်။ ပျော်ရွှင်တတ်သည့် ကဗျာဆရာ၊ ဂီတဆရာလည်း ဖြစ်သည်။ သို့သော်လည်း သူ၏ အလွန်အမင်းကြီး နေသည့် သူ၏ နှာခေါင်းကြီးကြောင့် သူ့ကိုယ်သူ မလုံလဲ ဖြစ်နေပြီး၊ သူချစ်ရသည့် ဆွေမျိုးဝေး ဝမ်းကွဲနှမ ချောမော၊ ဉာဏ်ထက် မြက်သည့် ရိုစိန်း (Roxane) အပေါ် ချစ်သည့်အကြောင်း မဖွင့်ဟရဲ ဖြစ်နေရသူ ဖြစ်သည်။ ရုပ်ဆိုးသည့် မိန်းမ တဦးသော်မှ သူ့ကို မစုံမက်နိုင်ဟု ထင်မြင်နေသူဖြစ်သည်။