ရေမှုန်ရေမွှားတွေ ပြုတ်ကျနေတာမဟုတ်ဘူး
မြစ်ကြီးနိုက်ဂရာ တစ်ခုလုံး ထိုးကျသွားတာ
တကယ်တော့
ခုန်ချသွားတာ ...
ရင်ကွဲပက်လက် ပြတ်ရွေ့ကြောတစ်လျောက်
မြစ်တစ်ခုလုံးက သွန်မှောက်ချလိုက်တဲ့ မျက်ရည်။
သူ့ကို ငါတို့က တန်ဖိုးကြီးကြီး ထားခဲ့ကြတာပေါ့
သဲကန္တာရထဲ လျှောက်နေစဉ်
ငါတို့ အမြဲတွေးနေခဲ့ပါတယ်။
သမုဒ္ဒရာ ဖြတ်သန်းစဉ်လည်း
မြောက်ကြယ်စင်လို သူ့ကိုမှန်းဆ
လမ်းမတိမ်းမှားစေခဲ့ရဘူး။
သစ်တောထဲမှာ ညပြောက်ကျား
ငါတို့ မမှောက်မှားခဲ့တာလည်း မင်းကြောင့်ပါကွဲ့။
ခြောက်ခြောက်ခြားခြားနဲ့
ခုတော့ မြစ်ကြီးနိုက်ဂရာဟာ ခုန်ချသွားမှန်း သိလိုက်ရတယ်။
အချစ်တွေက
မေတ္တာတရားက
Nostalgia နဲ့ အတိတ်ကို ပြန်လွမ်းကြရတော့မှာပဲ။
ငါတို့ အောင်ပွဲတွေက အရိုးအရင်း အကြွင်းအကျန်မျှ
အနာဂတ်က မြူမှုန် မှိုင်းပြ။
နွေဦးတွေကို ချစ်တတ်ရုံမဟုတ်
ရှည်လျား ဆောင်းညတွေကိုလည်း ချစ်ရပေလိမ့်မယ်။
ယောဟန်အောင်
ဇွန် ၁၃၊ ၂၀၁၃။
4 comments:
အဲဒီညကက်ီးမႏိုးပြဲရဲ႕တပိုင္းတစၾကယ္ေတြစုံတဲ႕ည၊ :)
ငါတို႔ ေအာင္ပြဲေတြက အရိုးအရင္း အႂကြင္းအက်န္မွ်
အနာဂတ္က ျမဴမႈန္ မိႈင္းျပ။
ေႏြဦးေတြကို ခ်စ္တတ္ရံုမဟုတ္
ရွည္လ်ား ေဆာင္းညေတြကိုလည္း ခ်စ္ရေပလိမ့္မယ္။
ဆိုတာေလးကို စိတ္ထဲ ေသေသခ်ာခ်ာ ခံစားမိသြားတယ္ဆရာ..
ျမစ္တစ္ခုလံုးက သြန္ေမွာက္ခ်လိုက္တဲ့ မ်က္ရည္မွာ မေမွ်ာပါေအာင္ ထိန္းႏိုင္ဖို႔ ႀကိဳးစား သတိထားရန္ အသိ၀င္ခဲ့ ...
ပန္းေလး တစ္ပြင့္ ... ေျဖးေျဖးခ်င္း ... ဖူးပြင့္လာတာကို ... ေစာင့္ၾကည့္ရတာ က လည္း ခ်စ္တတ္စရာ ... :)
Post a Comment